شن درتلك

اكتبتلك برأس القلم ع الورقه..
شن درتلك يلي نويت الفرقه
شن درتلك خبرني .
تقطع علي الخبر ما مدورني
ونا غيرشوق القلب ليك جبرني
وهم الجفاء والبعد ناره ترقه
طول غيابك يالعزيز قهرني
وحتى منام العين منى سرقه
سرق المنام قباله
منامي جفانا والعزيز مشاله
هو نام وتركنا حنا في حاله
طارينا مطراء لتقطع عرقه
والجسم صايف ضاع كل جماله
من يوم ما نسدت دروب الملقه
.تحيات ب سلطان

#الادمان_الرئيسي . . . زاعل وضايق بالي .. ونعاود أمسامح لولي والتالي .. أنجيك يا قمر زاعل من سطير أجروحي .. انجيك يا قمر زاعل وكامي نوحي بين عبرتي هاذيك بين طموحي .. أمعجل ونلغب في رحيل أجمالي من خوف أيتراكم عالغياض سموحي .. ويطيحن معا مت اليدين اثقالي ونا عارفك مانك اللي في طوحي .. وعالي ولكن فوق منك عالي هذاك هولي رامي عليه ابروحي .. قادر أيسهل مطلبي وآمالي أمغير في طريقي جيت يوم جنوحي .. نحسابك ألا فوق ألوطا تهيّالي ونا مقصدي ربي وكيل أصروحي .. حتى لو برمت الكون مالي والي غيره اللي عالم خفاي وبوحي .. وفيده أرزاقي فالحياة وآجالي أنجيك أبطولي .. اتقول عالعرب شايل الهول وهولي من جرعة شقا واجد وكيد احمولي .. وجفوت اللي درته عزيز وغالي أنجيك يا قمر كاره الدوج و زولي .. أبروحي معا درب الوسيع الخالي ألقيتك سكون ونا اتجر أسيولي .. قضيت عمر نبكي في مهب أطلالي في وقت فيه الوقت ضارب جولي .. وسارح ومارح في ربيع دلالي و اضروف احكمني حكم مجرم دولي .. لا أغلبت فيهن لا شكيت أبحالي متوكل علي ربيّ ورب رسولي .. اللي في حياتي منهجي ومثالي يالله تغفرلي نهار مثولي .. قدامك ونا شايل أكتاب أعمالي