قصيدة مراد البرعصي ( أذرف يا عقلي دمع وزيد ...)

"اذرف ياعقلي دمع وزيد ،، ان كان يريد ابكاك ، يجيبه شوف الجــــيد ."

رابط التحميل

اشكرك اخى العزيز على هذه المشاركه التى تعتبر الان من القصائد النادره للشاعر العملاق فحل شعرا عصره مراد البرعصى

لم أتمكن مع الأسف من الاطلاع على القصيده من خلال رابط التحميل المشار اليه ومراد شاعر معروف واكيده كلامه سمع ومميز ....

اشكرك من جديد

اشكركم جميعا على المرور ... وآسف لعدم الاستماع يا بن البادية ولكن علشان خاطرك والجميع تحملت وكتبها :

اذرف ياعقلي دمع وزيد ...ان كان يريد ... بكاك يجيبه شوف الجيد
اذرف ياعقلي ما ننهاك ؛؛؛ نسيل معاك ؛؛؛ قباله لاجل عارف داك
علي الي طايل فيه رجاك ؛؛؛ رجاه بعيد ؛؛؛ ارقا الما مصعد شي مكيد
***
اذرف ياعقلي زيد ضلال ؛؛؛ بدمع انهال ؛؛؛ سلف مايالا حالك حال
مع نيرانه دمعك سال ؛؛؛ وبيش يفيد ؛؛؛ مغير علي حره تبريد
***
اذرف ياعقلي وصف وقول ؛؛؛ علي ممثول ؛؛؛ شرار خدوده دار اشعول
اضاون في ضلمات غلول ؛؛؛ ليالي عيد ؛؛؛ فلاشات مصور كوميد
***
اذرف ياعقلي راك تكز ؛؛؛ علي العايز ؛؛؛ الي خلاني متقلقز
انجيتي من عينك نهتز ؛؛؛ بخزر قصيد ؛؛؛ رزيتيني لا جاك اجويد
***
اذرف ياعقلي يا منضام ؛؛؛ اسفى لكمام ؛؛؛ اذرف ع اللي والله علاّم
جبينه في دلهاس ضلام ؛؛؛ مثل تاكيد ؛؛؛ بهاير كبوات بواريد
***
اذرف ياعقلي مسّايل ؛؛؛ علي الأريل ؛؛؛ الي من قبل ان جا جايل
مع قفزاته عقده ول ؛؛؛ بصوت وحيد ؛؛؛ نهاية موزيكات نشيد
***
اذرف ياعقلي يامكيون ؛؛؛ علي مرهون ؛؛؛ معاي جروحه فالمكنون
طريلي كي مطرى المجنون ؛؛؛ انوض هويد ؛؛؛ الليل ويلفالي تنهيد
***
اذرف ياعقلي راقد عوني ؛؛؛ بختي دوني ؛؛؛ عاقب من غادي اسكروني
نامليوع وهم لاعوني ؛؛؛ جو ترويد ؛؛؛ عدم هي والا راي سديد
***
اذرف ياعقلي زد نشطاط ؛؛؛ بكا وعياط ؛؛؛ مع لذعة ناره نتحاط
ان دوره هبا عالمشاط ؛؛؛ يميح نضيد ؛؛؛ ركيب شايش يوم طريد
اداعي عالضبون اشواط ؛؛؛ تقول جريد ؛؛؛ تماوج من هيزوع شديد
***
اذرف ياعقلي عالزينين ؛؛؛ المنحازين ؛؛؛ الي مرجاهم بين وبين
الي لو عام ولو عامين ؛؛؛ اشوا تكميد ؛؛؛ يفوت اطناش عام جديد
خفا عالم رب الكونين ؛؛؛ احنا العبيد ؛؛؛ وهو مالك لأمره في ليد
***
اذرف ياعقلي يامنهاس ؛؛؛ خفيف الباس ؛؛؛ ان تبقى صوبك دون الناس
كنس بوقك شاويلا ياس ؛؛؛ انواة حصيد ؛؛؛ بقيت مع طول تصرميد
***
اذرف ياعقلي عالمكتوب ؛؛؛ عزيز بصوب ؛؛؛ رزاني قبل نريد نتوب
مخلي كي نفل الخروب ؛؛؛ قريب تبيد ؛؛؛ الكبد مثردها تثريد
***
اذرف ياعقلي دمعك كان *** نصيبك فالغالي سهل
نصيبك سهل ؛؛؛ فالغالي عمرك لا تهل
خلك متجهل ؛؛؛ قول انساهم لا تقبل
ولاتنسى مجلي النيبان *** الي من ناره مذيبل
وانا الي صايف ؛؛؛ عمري عدا غير حسايف
يانا الي مرايف ؛؛؛ من فرقاهم متبهدل
ومن فرقا عين الشيهان *** عقلي تايه لين انضل
عقلي لاديما ؛؛؛ حاير مطاول تخميمه
وانا تلزيمه ؛؛؛ كايدني نين اتكبل
نين عوار الخاطر بان *** استربى والعين تخايل
والعين حشيشه ؛؛؛ تم لها سمح الدوديشه
وميامي عيشه ؛؛؛ في خزرتن مانحمل
ماني مطمان *** مع خزرتها متمخلل
مع خزرتا ؛؛؛ ناصايف والعين كلتا
يا عين ايمتا ؛؛؛ يقسملك عين الجايل
ويقسملك سافي الريان *** ستايف عالعاتق جدل
مثيله كي داير حوران *** اركيب يحبس فيه جمل
حجرها في رق وشطبان *** الي منبوته رغل وجل
وفيه مراغاة الحيران *** نعاية نسوان الراحل
اسكت بالله عن جرنان *** كحيله واوهام منازل
نواجع عز ايام زمان *** فنو هلها عيت ام شمل
اليوم تموت فالوديان *** هتايه ماعنها سايل
اجبدلي غير هضا ديوان *** اطري ريدي عين الجافل
الي نقناقه بالقفطان *** رقا لين كمامه شايل
الي خرطومه والذرعان *** بروق شلن في غيم يشل
الي فيها برمة سيقان *** الهن عمري ماريت مثل
نهيناه الخاطر مالان *** علي غيره ما جاب علل

اشتل يا دمع العين اشتل .. اليوم احصل .. الغالي والياس اطاول
ومشكور يا غالي ..

مشكور يا غالى على ما قدمت ومزيداً من التقدم