ياشطيب وين ارحلوا

ياشطيب وين ارحلوا




قصيدة للشاعر القدير : ناصر بوعجيلة الشيخي




ياشطيب وين ارحلوا ---- اللي فيك هنا بالبيوت انزلوا – نريد ننشدك




وين منك عـــــدوا -------- اللي بنجعهم موسع بياحك سدوا




اللي لايذموا حد لايتعدوا ---- ومايجاوبوا مفيت الجواب الحلو




اللي في ملام اللايمين ايعدوا ---- اللي تزيد جودتم سنين الغلو




اللي وين منك يالخالي مدوا ---- بركيب ايدير جناح فوق العلو




اللي وين مافوق السدايد شدوا --- بيهم ايجن فايجات فوجة سلو




بعد عمرتي بيهم مشوا ماردوا ---- اللي ماجلو تحت التراب احصلوا



°°°°°°




وينـــــــــــهم جيـــــــــرانه ------ وين الفريق اللي نزل في الحانه




اطوال العنا فكاكة الشرقانه ---- اللي جوابهم ماعمر فيه اختلوا




اللي عقول عاطيهم الله سبحانه ---- وكم مشكلة فيها بشرع افصلوا




لايفتنوا لايعرفوا الشطانه ----- ولاعمرهم بين اللامين اعزلوا




وعاة درهم ديما اتجي مليانه ---- وين ماشمالات النياق ابهلوا




لفيت نجعهم مالقيت غير مكانه ---- ومنهلهم اردم ماعاد يملا دلو



°°°°°°°°




وين مـــــــنك شـــــــــال --------- احدروا حدور ولا قبلوا مقبال




نجعك وناسك ياشطيب انسال ----- عليهم اللي ماعمر يوم ابخلوا




علي ضيوفهم والجار والنزال ----- وعابر السبيل اللي رماه الخلو




عليهم اسلط جيش الاحتلال ------ بين المنافي والرصاص اكملوا



°°°°°°°°°°°°




ياشطيب وين ارحلوا ---اللي فيك هنا بالبيوت انزلوا --- نريد ننشدك




°°°°°°°°°°°°°°°°

المسك لايعطيك شى الا شىء واحد وهو رائحته الزكيه الطيبه وذلك يكفى

بارك الله فيك حبة مسك وكلامك مسك

لفيت نجعهم مالقيت غير مكانه ---- ومنهلهم اردم ماعاد يملا دلو
صح السان الي قالها يا غالي
بارك الله فيك

اجعنكم ما تغيبوا كلكم ....

بعد عمرتي بيهم مشوا ماردوا ---- اللي ماجلوتحت التراب احصلوا

عليهم اسلط جيش الاحتلال ------ بين المنافي والرصاص اكملوا

نقانك صدقت اعجبتني القصيدة وتسلم ياغالي وياريت اتعاود مثلها

بارك الله فيك حبة مسك وكلامك سمح وعليه مية طعمه الله الله

وانا بكامل السرور لا املك الا الحاق هذه القصيده الي مشاركه للتمساح تحت عنوان (عذرا اهل النجع) وهي شارحه لما في فؤادي تجاه اهل النجع المضلومين
.كامل الشكر للشاعر الكبير ناصر الشيخي ولحبه مسك العطره