غناوى عالبكا ......ادخل وزيد من عندك

تذكير بمساهمة فاتح الموضوع :

لوكان البكـــا جيــــــاب ... ره عزيز يا عيــــــن جايلك

***
الانضار ما عليهـــن لوم ... اقلا عزم يا بال رايفـــــــن

***
لوكان ما اخلق شى دمع ... بعد عزيز راكى ايش دايره

***
تنقيط ما ابكا مليــــــوع ... اقطع ابكاك يا عين اسكتى

***
حتى لو بكيت انريــــض ... انت ايش يالك مالغنـــــى

***
بكيت يا قديم عليــــــك ... بكيت اسنين لا يوم اولا شهر

***
بكيت يا عزيز عليــــــك ... رقيت عزم قسمى قيسنى

***
اللى دللوك ايــــــــــام ... عليهم ابكى نيـــن تنعمى

***
الناهى انهل امعـــــى ... القى وجيعتى مى ساهله

***
الخاطم ابكاك اشغلـه ... انهال ما رجا نين ينشــدك

***
ابكاك فى الخلا و الدوج ... تهوين مايبريلك وجــــــع

***
نطريلك اللى غيـــــاب ... وانتى عليك يا عين البكــــا

***
ما اسمعك لا امخلوق ... حيلاً ابكاك يا عين فالخلا

***
انكانك اتريدى لجــــــر ... قولى قديم و ابكيلى اشوى

***
امعى يا ارقاق العـــزم ... يقسم قديم قولن يالله

***
انظر العين ترجا فيش .... تعاقب الليل او ما بكت

***
الدار او عزيــــــــز او نا ... اجرك عظيم يا باكيلهن

***
اللى افزعه غير ادموع ... مالفايظ انجينى انسلفه

***

اطريها عزيز اهذلـــــت ... الها زمان عينى ما بكت

ماتبكي من جدك كانك ماملي منهوبا منك

تبكن ولا ماتباكن...........الغالي عدا من يالاكن

ع الغايب بكيتي ساعه سموك الناس البوداعا

الناهى انهل امعـــــى ... القى وجيعتى مى ساهله

ماعمره بكاني والي...فيت اديار عزيز خوالي

نبكيبا علي مطراي خضخوض دمع عليش ماسكا

كان عزيز ابكانا عالم ,,,,,نشهد بالله انه ظالم
علينا هفن ذكريات,,,,,,,بكينا ع لعمر اللي فات
كان ابكاك ايداوي عله ,,,,,دونك كبي دمعك كله
كا ن ابكاي ايجيب الغايب ,,,نبكي نا وامي والشايب
تلقاني ساكت خليني ,,,,,,تنشدني راك اتبكيني
كان البكيه فيها قولا ,,,,,,ضيق العلم ايش يقولولا
ودك غير ادير امعزا,,,,,, واللي مو بكاي اتلزا
يا لنظار تباكن ديمه ,,,,صوب وصارت فيه ظليمه
مرسالي يبكي لاقاني ,,,,,قتله كنك قال خطاني

الدنيا كي تزهد في الحي ,,,,,,,اتبكي اللي مو داير شي

علايل ايجن للعقل .....تبكي العين واتقول ساهله

ماملي في العقل اتكدي .....
لكن رادمها وامعدي

ابكيلي علي مهلك واختاري الصاعبا صاعبا

ع الغافل يخيل ابكاك ونسالك اشكيلا م المرض

علي ماعليه بكيت وانس عزيز ماغونان علي

والله مايوم بكينا لوما تجريحتهم فينا

عزيز يالبكايات بعيد ف المسافات والدنا

عزيز يالبكيات اتريدن ومو داريبكن

ماعاد عندي دمع وما من إللي هانت علي

بكاي ماكيفك والي لو كان اتجيبي الغوالي

ادموعك عليه حلال عزيز ياعين كي والدك

دانيتا الليل وطال انهض معاي ياراقد ابكي

تلقاني ساكت خليني.....تنشدني راك تبكيني

ابكاك ما ايجب عزيز ... خوذى اوتاك يا عين ورحلى

انكانك اتريدى لجــــــر ... قولى قديم و ابكيلى اشوى

نبكي فيه علي غيابي ياعيني عمري العقابي

كان ابكاي ايجيب غوالي نبكي نا وامي وخوالي

انهاب فالبكا واحملت.... واوحلت نين رديت على البكا

بكيت نين جاني صبر وصبرت نين رديت ع البكا..............

شكرا ع مرور

انكابر بكيت بكيت.... الوقت دارني راس حاجته

ياوقتي ريحني كنك.......؟ ديما دمعي نازل منك

‏فيه أوقات العين إيجنها.. تضايق نين ايبكنها

وين اتسيل انسيل معاها تمسح في كبدي ببكاها

نوضن عالغياب تباكن ... والنوم اجعنه ما جاكن