غناوي علم وشتاوي ع العقل والخاطر ادخل وزيد من عندك

تذكير بمساهمة فاتح الموضوع :

1/العقل غير قيسه زين ليام فيه يا ما لذعن
2/اللى صاعبه عالعقل سيات ناس كانو قرعتى
3/اللى غلاه هاس العقل نبكو عليه ديما نذرفو
4/ان جاهن العقل يروق اوهام ناس كانو قرعتى
5/ان كان نا قديم نسيت يبقى العقل ما هو لولى
6/اوهامك ردى العقل ان جاهن يجى ناقل مرض
7/بالعقل نين ذاق وعاه زعزاعه القديمين بارمه
8/بروحه جاك العقل فيه يا نار العبى
9/بياسك وطول جفاك العقل يا علم دوم جابدك
10/تحوس فى مدار العقل يجن اوقات يا صاحب الغلا
11/تنهيده تخلف فيه العقل لو طال جارحه
12/ثلاث ذابلات العقل تمويح دار ورياف وجضر
13/جفاك يا عزيز العقل لاجل غلاك ما عاد يلزمه
14/خلانى غلا القديم العقل ما على ميقه جدد
15/سبايب هموم العقل عزاز فارقو ما عاودو
16/ستين الف راى جاب العقل فتوى تجيب لولاف ما لقى
17/ستين عام عاش العقل حزين ما زها يوم الغلا
18/يرجى فيك العقل يا علم ما غيرك العشق
19/العازه تزر العقل يجيه العيب ويحمله
20/العقل حاس ضاقت فيه شكى لناس لاقوه يلتجو
21/العقل لا تعازو فيه صيور جرح لولاف قاتله
22/العقل ما معاه رفيق الا غلاك ديما ياعلم
23/العقل ما وعى السوال لصقت عليه غيبيوه الخطا
24/العقل وين عابوا فيه حمل وقال يا عين سامحى
25/العقل وين قلنا تاب هفو عليه لولاف انتكس
26/العقل يا عزيز انهال رقيق عزم والماضى خطر
27/غلاهم بقى للعقل جنين وين نام وسده
28/فى زمان قل القدر لقى العقل لتراك خير له
29/كبيره عليه العقل تجفاه دار ويعودلها
30/لو كان ما عليه لصقت يوطا العقل فى نار القدم
31/ما با يجى للعقل سريب ينسينى قدم
32/مرزى العقل روف عليه مكوى بنار لولاف انهبل
33/مشى العقل عاد حزين لقى دار لولاف خاليه

خـاطـري خـشـيـت ***
حـمـلـت صـوبك درتـلـه تـثـبـيـت ***
مـن غـيـر وصـله
(( خاطرى خشيت ))

غبتوا علّي غاب الونس يلي بعيده داركم .. خطرتوا علّي انقطع النفس بالله كيف اخباركم ؟؟

انغيبوا مده .. انشوفوا غلانا وين واصل حده .. انجسوا النبض قلنا انغيبوا مده ..

فوق السحاب انشيله ..عزيز قرعته فى القلب موش قليلة .. من دون كل الناس..
ماذا يعنى .. من يوم ما رحل بالشوق ما ودعنى .. عزيز فاتنى ياناس .. ماذا يعنى..
فيه خطورة ..يسبب عطل للعين صوت وصورة ..غيابك علينا دوم فيه خطورة ..

في عقلي دسيت دسايس ... ما يعرفهن غير القايس

على أرواق ذيل البيت قتل الذيب حولية الغلم

العقل من امرار الوقت ................ضاقت عليه رامي عالبكاء

العقل فيه جوا نار.........كلاته وما والي اعلم

ثلاث ذابلات العقل تمويح دار ورياف وجضر

سفا رديم ع النيران ، العقل وين ما فيهين وحل

النوم والهنا والعقل\\\ قرعت قديم والنار قرعتي

السلام عليكم ورحمة الله وبركاته
ادارة ومشرفي واعضاء وزوار
منتديات عيت ارفاد التميمي
كل عام وانتم بالف خير
وينعاد عليكم بالصحه
وتقبل الله منا ومنكم الصيام والقيام وصالح الاعمال
الاخوة ادارة المنتدي والمشرفين والاعضاء
في منتدي الغناوي العلم والشتاوي
جميع الفواهق موجوده واللي موش موجوده فيه كوكتيل غناوي علم وشتاوي
ارجو من الجميع التقيد بعدم تنزيل اي موضوع جديد وهو موجود من قبل
اكد علي الموضوع وكان مالقيتا اكتب في الكوكتيل او غطيتك ايام الصقع
ومشكورين علي التعاون للرقي بالمنتدي وبارك الله فيكم
أخوكم
العاشق الصغير

لا عقل لا غلا لا نوم ولا وقت زين ولا ناس طيبة

اسلمتو كلكم

العقل ماعليه انلوم *** اللي فاقده ماهو شوي.Ah.Ed