غناوي علم وشتاوي ع العقل والخاطر ادخل وزيد من عندك

تذكير بمساهمة فاتح الموضوع :

1/العقل غير قيسه زين ليام فيه يا ما لذعن
2/اللى صاعبه عالعقل سيات ناس كانو قرعتى
3/اللى غلاه هاس العقل نبكو عليه ديما نذرفو
4/ان جاهن العقل يروق اوهام ناس كانو قرعتى
5/ان كان نا قديم نسيت يبقى العقل ما هو لولى
6/اوهامك ردى العقل ان جاهن يجى ناقل مرض
7/بالعقل نين ذاق وعاه زعزاعه القديمين بارمه
8/بروحه جاك العقل فيه يا نار العبى
9/بياسك وطول جفاك العقل يا علم دوم جابدك
10/تحوس فى مدار العقل يجن اوقات يا صاحب الغلا
11/تنهيده تخلف فيه العقل لو طال جارحه
12/ثلاث ذابلات العقل تمويح دار ورياف وجضر
13/جفاك يا عزيز العقل لاجل غلاك ما عاد يلزمه
14/خلانى غلا القديم العقل ما على ميقه جدد
15/سبايب هموم العقل عزاز فارقو ما عاودو
16/ستين الف راى جاب العقل فتوى تجيب لولاف ما لقى
17/ستين عام عاش العقل حزين ما زها يوم الغلا
18/يرجى فيك العقل يا علم ما غيرك العشق
19/العازه تزر العقل يجيه العيب ويحمله
20/العقل حاس ضاقت فيه شكى لناس لاقوه يلتجو
21/العقل لا تعازو فيه صيور جرح لولاف قاتله
22/العقل ما معاه رفيق الا غلاك ديما ياعلم
23/العقل ما وعى السوال لصقت عليه غيبيوه الخطا
24/العقل وين عابوا فيه حمل وقال يا عين سامحى
25/العقل وين قلنا تاب هفو عليه لولاف انتكس
26/العقل يا عزيز انهال رقيق عزم والماضى خطر
27/غلاهم بقى للعقل جنين وين نام وسده
28/فى زمان قل القدر لقى العقل لتراك خير له
29/كبيره عليه العقل تجفاه دار ويعودلها
30/لو كان ما عليه لصقت يوطا العقل فى نار القدم
31/ما با يجى للعقل سريب ينسينى قدم
32/مرزى العقل روف عليه مكوى بنار لولاف انهبل
33/مشى العقل عاد حزين لقى دار لولاف خاليه

سفا رديم ع النيران ، العقل وين ما فيهين وحل

بياسك وطول جفاك العقل يا علم دوم جابدك

انحودد ايامي فيك عطيت عهد يادار لجلهم

ارياف داخ فيه العقل *** مشكاه عيب و سكاته مرض

مشى العقل تاجر صوب ، زطل عليه لا باع لا شرا

الله غالب يا دار انجيك امرايف على اللى كانو فيك

زمان يالعقل اسلاف حملو بلاك كافيهم ابها

العين قايله للعقل *** انطيعك الا في نسوهم

صابر ايراجي فيك العقل ما غلا غيرك عرف

انجي العمر ضاع العقل ........ بلاش ما مشى يوم الخطا

ما يهونوا علينا يوم اعزاز خاطري واخذينه

كمين نار ضاق العقل.. حمال غير في التالي شكا.

لو كان كــل شيء يا عين يلقى إلا موح دارهم

عقلي وين نواها التوبه حط الصلايه مقلوبه

طول الليل انخط ونمحا... نرسم في سلة فواكة

ههههههههههههههههههههههههههههههههههههههههههههههه

ليس سلة فواكه موش خضرا اكثر فائده

ما يصح الا الصحيح


طول الليل انخط ونمحا... نرسم في بولحيه سمحه

الله والنبي يا شوق...ابهم تعال رانا نشغلوا

عقلي شورعزيزسبقني مستعجل ويقول الحقني

ما العقل يا اصحاب غلاي / اخذو نصيب وخلوني اشوي
قرعتكم من العقل اخذوها / واللي تسترني خلوها ...

خلانى غلا القديم *** العقل ما على ميقه جدد

لو كان ما عليه لصقت يوطا العقل فى نار القدم

العقل ما وعى السوال لصقت عليه غيبيوه الخطا

حشومى وغاوي فــــــيك ... العقل لا شكى لا قال لك

عقلي كاينته الجديده & حق جنين الغالي فيده....

راحن معاك وانت رحت يا القديم عقلي والنظر

العقل ما معاه رفيق الا غلاك ديما ياعلم

بياسك وطول جفاك..... العقل يا علم دوم جابدك

مشكاء العقل زادة هول ..... وسكاته علي داه خيرله