ليش العجب ؟ الرويعي الفاخري

من طرف احمد عبدالحميد عبدالله 2011-01-18, 8:24 pm

ليش العجب يا بورفيق .. وكنك وفيش اتخايل
انحق فيك حالة الضيق .. وناكر اسكوتي الطايل
أصحا تشغلك خربة الزيق .. واصحا اديرها مالزلايل
انكان غايتك فالتلافيق .. ماني عليهن ولايل
ولا السهوكة والتفقفيق .. اندورلهن في سبايل
ولا الضحك لا كثر ايليق .. ولا هو دوا للعلايل
وضحك السما بالبراريق .. عاقبته ادموع الهطايل
والعقول راهن صناديق .. امفاتيحن بالمقايل

والبقية تأتي فيما بعد ،،،،،،،،،،،،،،،