[b][i]الرويعي الفاخري ( يامرسال)[/i][/b]

يا مرسال قوله ويش صار .. روح و جيب م الغالي أخبار

قوله كي الحال .. ياك أمغير طيّب يا غزال

علينا قيس يغلق هالهلال .. و أحنا فوق من كانون نار

قوله رحت وين .. غبت ايام كيفنهن سنين

يا مديون ما اتسلّك الدين .. كنك ليش مانك شي اخيار

قوله ما تقول .. ميت موت ع الرد العجول

نذير العين ينقر في الطبول .. حالم حلم مستوحي غرار

قوله قول جد .. يحكي غير لو كلمة تسد

إيعد انكان عنده ما إيعد .. و أن ما عد تكفيه العذار

قوله العلم ضاق .. إيحوش الياس و إيحوشن أشواق

امنين الشمس غرقت في الشفاق .. و ناض الليل يلغب في النهار

قوله يا حبيب .. وين تغيب شي واجد يغيب

لاني نوم نومي نوم ذيب .. و لاني ضحك ضحكاتي اقصار

قوله ياعشوق .. غيابك نوّ ماله شي بروق

فقص و نقل ضاقن به حلوق .. إيبحوس في العذاوي عالشفار

قوله يا ودود .. صبري طال و لصبري حدود

أوقات نقول تمشيله تعود .. ان ريت الزرع ما يرد البذار

قوله السو زال .. غير تعال ياغالي تعال

رد بداك ديمه م الدلال .. الكاثر نين زايد عالعبار

قوله ياحنون .. غيابك شوك زارع في العيون

حرّاقات في غمض الجفون .. طرطاشات للدمع الكبار

قوله يا الغالي .. ما خاطيك يملا العين والي

ولا ميعاد عمرهصاد بالي .. مانك فيه يا سم الجضار

قوله هالكلام .. يا مرسال جيب منه علام

يكون الود و الغايه سلام .. و في أقرب حين موعد و انتظار[i]

مشكور العبس علي القصيده الرائعه وبدايه طيبه منك ........ بالتوفيق ان شاء الله

مشكور

مشكور اخى العبس وننتظر منك المزيد

مشكور العبس كتابة كويسه تنسيب واختيار للقصيدة رائع

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل