كوكتيل صح الصح

تذكير بمساهمة فاتح الموضوع :

شـــــــــــــــــــــــتاوات....

من سيات عزيز انحسوا..غير إصدار الناس اندسوا

ننشد في خطاط الرملة.... قال الياس خذاهم جملة

تلاقينا نا والمرهون...كملنا شيل وحط أعيون

نا والمرهون تلاقينا...قصرن ع التسليم أيدينا

نا والمرهون تلاقينا.... كلتنا يسرق في عينه

أنلاقي في النار أملاقاة.... أمغير ينجي في الله

سما حتا كي تكبر نار.... تواريها حتى ع الجار

من راسي لاعند أقدامي... ميكول انوفي في أيامي

رجيتك نين مشط الشيب.... إن كان سيبتك ماهي عيب

نمشي شور عزيز أبطولي... ما فرغ سري مر سولي

روحك يا مرسال طويلة..... نرجا نحسابك ماشي له

اللي ضرتني في المرسال .... عرب حرفتا قيل قال

عندي مرسال امهنيني......... يجري بين عزيز وبيني

هيالي ايقول تعال شير قديم وايدا لورا

يخطر قديم الصوب... ينهال دمع ماقيه خاطري

اخطرتي عل الخاطر والبال ----- عليك انمسي بالنقال
اخطرتي طليتي في بالي -------- اعليك انصبح بنقالي
اخطر موالك جي يداعى-------- -آمر اتحي فيه اجماعة
اخطر موالك جاني تو --------- -وانشاء الله ماعندك سو
اعسل حقاني فوق الكيك ------- -من عزَك صبحت اعليك
اندز اسلامي عني انيابه ------- -من شوق الخاطر لحبابه
اوصل يانقالي ليهم --------- -حتى كان بعدوا امطاريهم
وين استاحشتك ياغالي -----------درت الصورة في نقالي
ارصيدي اجعنه ماولى -----------مادام الغالي يوصله
في الرصيد اعوض ربي-------- -مادام نوصل من نبي
وفلوسي اجعنهم ماجن ----------- مادام انوزع في الحن
شن طعم الدنيا من غير ---------- حنية ودك للغير
من غير احبيبة اتوديها ----------- الدنيا فريز انحسوا فيها
الدنيا من غير اعزيز --------------اتقولي موجودة في افريز
حتى كان ولدي مابالي --------- ---اندزاسلامي بنقالي
مرات هدا حد اجهيدي ------------كان ماباليش اوليدي
عيني علي زاد ادلاله ----------- -رد اعلياَ بمرساله
عيني علي ادلاله زايد ----------- وين انرن ادز ارسايل
شفت السعد اجري طوالي ----- ---قتله نوش اعزاز اغوالي
شفت السعد اجري لاقيته ----------قتله نوش الغالي بيته
انتي ؤسعد السعد ارفاقه ------ ----لايهرب لااطيقي افراقه
سعدك بسبعة امساعيد -------------فاتحتلك بيبان احديد
ضويت اشموعي اتمنيت ------ ----اتجينني ونشاكوا ياريت
ولعت اشموعي ؤدعيت ----------- اجوا اغوالينا عند البيت

دزَ امراسيلك ياقاسي ------------ محسوب اعليَا في ناسي
في الدفتر محسوب اعليا ---------اخسارة ناقص في الحنية
دز مرسالك ما تتوانى------------ اتقول اعليك اهجرت في غانا
الحوش اللي عالي بدروجة – --------تركبله والرقبة عوجة
الحوش العالي شفته اميَل--- --------ادلع في اركوبك ياغزيل
اني من الدنيا اكتفيت ------ ------كان احبيبي جاني ؤجيت
ماحيرني كان اغلاه ------- ------مات ؤماداروله اعزاه
ماحبرني كان احبيب ------------ متلفت عني وغيب
نضربلك ديما مشغول ------------ياصبري والا مقفول
عسل سيح فوق البقلاوة ----------في ايده العود القهوة جاوة
عسل سيح فوق البقلاوة ---- -----مع الريشة والقهوة جاوة

جانى مستعجل مرسالك*** ياللى مانى عراف حالك
كم عام راجينا الغوالى *** لكن باعونا فى التالى
جانى علم وانا ناسيهم *** دارت يوم العين عليهم
منهده الاولاف عليهم *** غير على طارى طاريهم
عندى نقنقا ق ايبكيكن *** حتى من غير غواليكم
ماضنى كيفى لا والى *** فيك بكاء يادار الغالى
نار عزيز على مهلها *** تاكل فيا نستاهلها
مكابر نيران مراهين ***انخطى نوطاهن يا عين
زازيت بنارك يا غالى *** مابا يفزعلى لا والى
عزيز خان عزيز عليك جو امعفن دايره
العين لهـــــــــا مايصفي جو ..امفيت اللـــــــي غياب يجو
الغالي له مـــــــدة مادز...جفا ولا يكرب ف العـــــــــــــــز
ايش ايسرلكم كان علي ...نشدتوا ميت ولا حي
ان كان عرف نية لولاف .... العقل انسميه العراف
تصدق مايصدقها حد ... اقدم خذوني شور اجدد
وين يهف عزيز علينا ..... وحده واثنين ينسينا
راي العين اللي داراته *** ماجابلها غير شماته
عزة نفسي ماتخليني ......... نمشي شور اللي جافيني
من صوب قديم افتكينا ........... وايدين حنونات القينا
تصدق كنت انقول غوالي .......... وهم مايسوو ريت اهبالي
فيه عرب طريها طيب..لاتنطال اولاتسيب
راك اتحط اللوم علينا..يالعزيز جفيت جفينا
هك وهك عزيز قلبها كبدى .......... عالنار وسيبها
امفيت المرجى ويش احذاك .............. عليك يفرجها مولاك
غليت الجديد اليوم . مسح جميع مادار الاولى
صاحب صوب عطيته حقه كان قرضني تبقى نقه
مامن زول علي تواره حد عزاي انقول اخسارة
فرق بينى وبين منامى ... ديما جايبهم قدامى
افراقه ساهل تحسابيه...سعتا من قبل تقيسيه
نص الليل اتقولي غالي *** تمشي ما تلقي لا والي
غير شبيه ازويله حقن ،،، تمن طول الليل اينقن
يالعزيز اموالف حنك ... وين انريد انعدي منك
اعزاز يجو في حلمي دوم..انطير يطيروا هم والنوم
الشيرة رديها يا عيـــــــــن...علينا فى وحدة واثنيــــــــن
((((( ياريت ينالو اعجاب الجميع )))))

مشكووووووووووووووووور

جيناه جوه ماهنوه عزيز كان سايب قبلنا

يالقديم ايش امخليني قدامك نكسر في عيني

حلمنا لك يالعين منام قديم ايردنا لقسام

مقسوم في قسامي قسم يقسم عزيز قسمنا لغيرنا

يانا ياعقلي نجرولك كيف اقدم بالك نلقولك

لنظار في جديد اعلقن قديم ما خذا غير سواهن

جفوك وقلتي غير نصيب اهبال انضرفيك انضر طيب

قديم كنت هو مشكام واليوم ماسريب ايريدلي

لوكانت القيت ابريت ....سكينه الغلاء ماالها دواء

كاسر يالقديم ظهرنا خلك من كسرت خاطرنا خيرات يامي الشينا

ههههههههه
حتى كي عليه جنحت جتني قديم ناره جاردة

الجاسر ريب م الدخان يابال ايجي لنيران

انخاف ياقديم اتجيه الغقل في مناما اطمعا

ديما ياعقلي متسارق مازلت الهاذاك البارق

نبيه ياعزيز القاق تظبيط موش باليد مرحبا