محكمة معمر القذافي.........

من طرف **زهرة اللوتس** 2011-09-17, 7:08 pm

القاضي
شن دارلك هالشعب لاوي الزومة ,,,,,,,,,,,, هارب مع الجرذان للمردومة

معمر
هالشعب ماهو طيب ,,,,,,,, لافكر عنده في العقول يعيب
نا غيتي نقعد معاه حبيب ,,,,,,,, نحكم عليهم غايتي معلومة
نبيش غير النفط ليا يسيب ,,,,,,, بعد يكبروا الجرذان وسط الحومة
كيف ياكلوا راهو العيد قريب ,,,,,,,, وعالعين سوريتي بدت مشلومة
وياسيدنا راهي الحياة تشيب ,,,,,,,, المليون ما يكمل معاهم يومة

الشعب
راهو حمار ,,,,,,,, ماعارف المليون من الدينار
وجند اللي مجنون والسكار ,,,,,,,,,, مهبول يكذب في جميع ردوده
يحساب عقل الناس ديمة صغار ,,,,,,,,, يكذب علينا الكذب فات حدوده
ويمدح يعلي كان في الاشرار ,,,,,,,,, ويقول يتهزى بكل بلودة
واخر حياته دار لينا العار ,,,,,,,, ضحك علينا الناس ماهي جودة
يعطي شعوب افريقيا مليار ,,,,,,,,,, ونحنا عطانا السيف والنمرودة

القاضي
اليوم حكمي عليكم ,,,,,,,,,,,, والحكم عادل بالحقيقة نجيكم
معمر مع الجرذان يقعد ديمة ,,,,,,,,,, يحكم عليهم مايولي ليكم
وبلبس التاج اللي عليه القيمة ,,,,,,,,, ينظف مجاري مايطل عليكم
ويسكن مع الصرصور في التعتيمة ,,,,,,,, لاصوت عنده ولايجاوب فيكم
وانتم تعيشوا في حياة سقيمة ,,,,,,,, وان شاء الله حكمي عليه يرضيكم