اماسكة غنايا وشتايا (أقربني جاي )

تذكير بمساهمة فاتح الموضوع :

السلام عليك

غناوي علم اماسكه

لماسكه او لمشايلة هي عبارة عن غناوي علم اثناء القائها باسلوب معين (غناوي علم )

يبدأ الاول بنهاية العناوة طبعا ويرددها 12 او 15 المرة باسلوب الغناي ثم يبدا الغناي الاخر الذي معه في لماسكه ويبدأ في غناوته كما بدأ صاحبه وبنفس الاسلوب تقريباً وفي نفس الموضوع

ثم يكملون العناوي كما جرت العادة الى القائها حيث يغني الثاني ثم الاول وهكذا

اترككم مع بعض الغناوي



ابراهيم بوعزيزه

ادموعك اليل طويل ينصف عليك توا تسكتي

محمد البزاري

كمين ليل عانيناه طويل ناوعيني بلبكاء

ابراهيم بوعزيزه

انكان تجبري ف اليل وري العساف ياعين ايسما



محمد البزاري

لناس ماتوري فيه بكايا علي قيس حالاته


ابراهيم بوعزيزه

جبنا سريب حرتي فيه رايناهن ادموعك نزحن

محمد البزاري

يبقي الوقت موكي قبل انتي انكان ياعين تنزحي

ابراهيم بوعزيزه

بلا زورقا لعساف انكنك صحيح مليانا ابكاء

محمد البزاري

ادموعها علي لولاف بلا عسف بكايه ابهن

ابراهيم بوعزيزه

عساف موش لومة عسف اعللي فيه راكي ذاهبه

محمد البزاري

ايعاطن معاني جبر هذين فرق مافيه بينهن

ابراهيم بوعزيزه

ايحرم ياعزيز الصوب انكان العسافه جبته

محمد البزاري

نطرو عزيز جينا هنا ماجينا انعيبو في عرب

ابراهيم بوعزيزه

طريتلك عسافة صوب الله علم ماعيب قلتلك

محمد البزاري

ماهناك ماندوخو فيه لصواب كلهن قاريينهن

ابراهيم بوعزيزه

عسيفة الصوب امنين كذا انكنت قاريه قولي

محمد البزاري

العسف يالعين الجبر في مامضا ماقلتلك

ابراهيم بوعزيزه
الجبر ماعسيفة صوب اذهبت ماعليها جبتلي

محمد البزاري

العين ماغشيمة صوب اتجيهن ادروبه عارفه

ابراهيم بوعزيزه

عسافه انريدو غير ف الصوب ماتهمناك بالغشم

محمد البزاري

راه العسيف خويل عليه غير ياعين انشدي

ابراهيم بوعزيزه

الا هذا فيه احتار العقل ياعسافه عارفك

محمد البزاري

الواهم ايوهم فيك انتي موش ياعين واهما

ابراهيم بوعزيزه

ياواهمه تعالي جاي من قبل قالها لي عاقله

نرجو منكم المزيد

تحياتــــــــــــــــــــــــــي

العاشــــــــــــــــــــــــــــــــق الصغيـــــــــــــــــــــــــــــر

الشريمة :
مختار وقت نبكي فيه @ لو كان هضا راني متخذ.
المذراب :
لبكاك مااختارتي وقت @ كنك امعاي يالي ظالما.
الشريمة :
انهاب في شعور الناس @ علي امهلي ديما بكيتي .
المذراب :
ايش مالي ومال الناس @ ننهال وين تضايق علي.
الشريمة :
نبكي اوحدي مو في الدوج @ وانخاف من دعا ناس ناسيا.
المذراب :
نبكيلهم ان كان اخطورو @ علي لو دعيتو بالذي.
بوعزيزة :
مامن اوحود دارو عزم @ الوقت دالهم ما ماوتوا.
فتحي أدريس :
اطوال غير داين الوقت @ مشكا العقل مو من كل شي
بوعزيزة :
جميع مايدير الوقت @ ترضابه ومانيتك ارضا .
فتحي أدريس :
ارضيت وين ريت الكيد @ بالدلا المولي امقسما
بوعزيزة :
ارضيتي ودرتي عزم @ مالوقت شاكيا مالك اشوي
فتحي أدريس :
اللي امراح ضيم اقعدت @ تقعد اتريد ديما ابعزمها
بوعزيزة :
من ضيم يالعين الوقت @ يبرم عليك مايريد البكا

>

,,,,,." عبد الكافي البرعصي ".,,,,,, الله يرحمه
الفنانه " ام كلثوم " .. قالت
" كل نار تصبح رماد مهما تقيد نار الشوق يوم عن يوم بتزيد "

ورداً على ذلك عبد الكافى البرعصي
" تصبح رماد كل النار ... الا نار ما الغالي علي "


وفى اغنيه اخرا للغنايه ام كلثوم
" ان مر يوم من غير رؤياك ... مينسبشى من عمرى ابداً "

وكان الرد من عبدالكافى البرعصي
" ان مر يوم مانك فيه ... العمر يا غني ما ينحسب "

واما الفنانة عتاب فلها اغنية ير درها الكثير وهي " واه ... واه "

فكان عبد الكافى البرعصي جاهزاً برد بقولة
" فى ابعده اوفي دنواه ... عزيز واه وادانا علي "

وكذلك الفنان حسن الاسمر الذى قرا كتابه فوجده مالان بالحزن والاسى
" كتاب حياتي يا عين ... ما شفتش زيو اكتاب ... الفرح في سطرين و الباقى كلوه غذاب "

وهنا لملم عبد الكافى افكاره ووافق الاسمر فى ر أية
بقولة
" اكتاب عمرنا يا عين ... سطرين فرح والباقى عزاء "
***
هذا فيها يخص الردود علي هؤالاء الفنانين أ اما الشعرأء الشعبيين

المخضرمين مثال الشاعر مراد البرعصي
وخالد الرعيدى وعمران بوسيف فكان لهم نصيبهم فى افكار عبدالكافى الله يرحمه

فى الرد فمثلاً الشاعر مراد البرعصي يقول فى احد قصائده
" امضيق الليل يخطر عليه فراقهم ونسيل ... مالي عدو غيره"

عبدالكافي البرعصي يقول
" بقيلي امضيق الليل ... عدو يخطروا وينما يجي "

" مابا ايرد سلام ... اطريريلي عزيز يجول فى لوهام علينا هلب "


رد عبدالكافى
" عزيز ما رمي سلام ... علينا وفى اوهاما أطري "

واما الشاعر " خالد الرعيد "
" خطم وليف الماضى ... تخطيمة الروايا على الغدير الفاضى غياض زادني "
عبدالكافى البرعصى قال
" تخطيمت الزهاد ليش ... مريت يا قديم فالغلا "

خالد الرعيد قال
" عرق الشوق ذبل نحسابه ..فك اجدابه ... رونق بمهايات اصحابه "

عبدالكافى
" عروق الغلا ذابلات ... طرواهن ندايبه او رقن "

أما الشاعر عمران بوسيف
" عن واجد ياما ساهيتا ... غير لقيتا دار امبكيتا "

عبدالكافى البرعصي
" العقل اللى مسهينه ... ديار واجدأ باكيبهن "

بوعجيله عبد السلام قال
" فرقت نا في بوغتيث تقول غيم اشتاء رجاى منقطع "

عبدالكافى البرعصي
" ماعد ايطيش انظري ... ورا عزيز فرقت نالي "

الشاعر عيسي سعيد قال
" نابتا نبات عجيب .. مطيرت الغلا وينما قريب اطيب عزيز باعها "

عبدالكافي البرعصي
" من قبل ما عزيز ايطيب ... مطيرة الغلا دار بيعها "

أفضل ماقال عبد الكافي:
1. سوايا وحتى قدر .. عزيز في داير واجداً
2. لطوني علي دنواه .. ضروني عزيز ادمأيته
3. قوال خير ماجاني .. من ناسي ومناس جارحي
4. اتبات كل يوم ابراي .. مسكونه الغلاء مالها دواء
5. مسكونة صوب غوالينا .. كل نهار ابراي اتجينا
6. هربادة الغلاء القديم .. دسيت لجل مي هاينا علي
7. يا صهيد نار عزيز .. في أيام ومد متلا قي علي
8. اوقضت بيك هنا دون .. ثريتك اتسوقط ياغلاء
9. استاقظ نالا هانا دون .. غلا اولاف قريب أيهون
10. إيباتن ابر اي النسو .. وينوضن أيقولن ياقدم
11. يا واهب ارزاق العين .. سهل أقسام مقطوع الرجاء
12. عزيز في خطاه امعاي .. أندم امغير موفايد ندم
13. في ارقبة ناس عزيز .. ذنوبي اللي ما وافقوا
14. نهار ليل عالوهام .. تبكي العين ما رايي خذ ت
15. حلال لا أبكاء لاغيض .. أمفيت عالمواهيم والقدم
16. أصحيت للغلاء تالي .. واجعاتني أيامي الهالبه
17. مازلت في ادروب عزيز .. نمشي انسوق وأنعودبهن
18. مداعيات عالوهام .. دليلي وعيني وخاطري
19. عديت للعزيز أبعقل .. رديت فاقده لوميني
20. العقل بين دين عزيز .. والباقيا الاروح في جسد
21. حتى لو أعزاز انكروا .. نحلف عليه عقلي عندهم
22. أفرعت يارحيل غلاي .. خبارة خطاء فيك سايره
23. أختارو غبيط النوم .. وأخطرو فيه قلالت الهناء
24. بلاعزيز موبريان .. الجرح لو اداويه بالذي
25. غرارها بلا اعددان .. أنظر العين تبكي امنيهن
26. انكان مامشينا بيك .. قولي امواهيم وأذرفي
27. لودار 100 عيب .. عزيز في مكانه عندنا
28. انكان ساتره مولاه .. عزيز راه عذر ا جابلي
29. غنوك ناس مايسووك .. اعشمت فيك ياصاحب الغلاء
30. حتى والرجاء مقطوع .. لليوم ياقدم شاغليني
31. شكيت للقدم من النار .. جروني وجابوني الها
32. أن جاء الليل جوني فيه .. نسمر اسمور في شأن القدم
33. ناخذ وخلاء ياعين .. أندير الليالي عالغنى
34. ماصدتلك يانوم .. في نهار والليل يخطروا
35. ملا جي ملاه قديم .. مااهناك للجدد وين يقعدو
36. عليكم أندير جديد .. قليل خير نبقى ياأقدم
37. موش كيف نار جديد .. مقوي صهيد نار القدم
38. قديم طارحك يانار .. أمنين ماأنحاذيه نلتذع
39. اللي موصهيد لذيع .. أسمله علي من نارهم
40. كلا ني صهيد النار .. خذيت ذنب ياجارها علي
41. حتى عزيز موقاعد .. أرياف للمواهيم ساقني
42. نوقظ اني في الدار .. انكان نهو أبكاء عيني أقوى
43. ما أيفوتني لاوقت .. ونا انقول لاولاف القدم
44. يكمل أخطور وأمهاياه .. له أسنين نومي موسوى
45. أجبرك نوم جوك منام .. فزيتي أقدرتي عالبكاء
46. علي عزيز جاني علم .. يلهيني أياماً واجده
47. ما أمعاك يا عزيز أقصرت .. حتى سلام ماترمي علي
48. أوقضت غير هانا دون .. أسنين واجده ناسيه الغلا
49. كنيب النصيب يجيب .. عزيز فيك يا دار نقعدوا
50. مرهون هو سبايب داى .. يقدر يجيب ويغيب بالدواء
51. لوكان الغلا قتال .. نهار الخطا راك قاظية
52. القسم لا طني عالدنو .. عزيز فيه يا طول عازتي
53. أيام الغلا القديم .. ما عاد يا مراهين يقدعن
54. قلوا هناي مرهونين .. انطاطي علي نوم يخطروا
55. لنظار في خلا لوهام .. تباكن أيام وسكتن
56. زعزاعة فراق .. عزيز في العقل بارمه مالها ونس
57. بلاه ما نريدوا نوم .. أرجى عزيز وتنامى هدد
58. اللي لا برح لا مات .. مقوي عزام مديول الغلا


وهذين غناوى ردم لابيوت بعض الشعراء المعروفين


مراد البرعصي
لوعة اللي مرهون ... اتشتوي هناك وتكرها للجون ثاريتا
عبد الكافي البرعصي
عليك يا الجون ابعدت ... قلت هناي مرهون لوعتا
مراد البرعصي
فاو الخلا يا دار ... لقيتك جفا لا دوج لا تذكار عليك جابني
عبد الكافي البرعصي
اومالقيت ولا والي ... ع الدار جابني فاو الخلا
مراد البرعصي
ياما يريد يسير .. مو مغير خونتم اقلال الخير ولاد الدهر
عبد الكافي البرعصي
ياما يريد يسير في لاوقات ... ما مغير ضيعتا صوبا علي


قصيدة الشاعر مراد البرعصي
اوهي تهيا لو كانت ابودي نا وحال الغاية ما نريد ننساه

عبد الكافي البرعصي
ودي بغايتي مايهون ... اودابين المهايا اتجيبهم

قصيدة الشاعر مراد البرعصي
يالعين قولك يانا ... ايهون عليك الجرح في اسطرنا و الله ايجيبهم

عبد الكافي البرعصي
انما قول يانا جاب ... يهون سطير جروحتي

*******************


عبد الكافي البرعصي
صابغ يا موال مرادي...شماته في جلدي من غادي

ابراهيم بو غزيزة
يادوبا شرف ع الدار ...الخاطر بكا في مطراحا

عبد الكافي البرعصي
يابال شلتا للدار ... انصبت نوح قبل انشيلها
عبد الكريم بو يوسف
كربت انقطعن هانا دون... ارمام اقسامك يامرهون
عبد الكافي البرعصي
يا مرهون ارمام اقسامك ... صار خطا طارن قدامك
مرعي الفاخري
فاتت اياما ونا فاض ... بكيت عالغلا ماسدني
عبد الكافي البرعصي
ماردني غنواي ... لهل وقت نبكي ع الغلا
مرعي الفاخري
ايقيما إلي كيفي ... مايريد ناس عدا وقتهم
عبد الكافي البرعصي
عزيز قال كان الصوب ... خضوه عواقلة نا انسيبا
عقيلة فرج
عزاز نسيهم محال ... غلاهم جرا في دمنا
خليفة عيث
اولا تطمعي بالنسو ... غلاهم ابقي كيف النفس
عبد الكافي البرعصي
نحلف عليه مني جزؤ ... لو ما عزيز مني منعزل
العقيبي
قلال الهنا مرهون ... خطرت لنوم جاني سابقة
الشريمة
امرايفيين يامرهون ... اتجيني منام لو كان نرقدوا
عبد الكافي البرعصي
اوخاطر منام و يقظ ... مرهون موهنا رايدلنا
مسعود العقيبي
سيات من قضاء صاحيب ... اوجعن خاطري فيه حرقن
عبد الكافي البرعصي
الصاحب على تقصير ... بظروفه اتلومه و تعذره
مسعود العقيبي
عزيز في خطاه معاي ... عذار جابلي ماتنقبل
عبد الكافي البرعصي
انميعدوا عليه رضاك ... يالي اتلوم بحقوقك علي
من روائع عبد الكافي
كماه ذيبله رداه .... اجحده صاف شاكابه وحل
والجميل في الغناوة ان كلها افعال ما ضيه
من روائع عبد الكافي :
عجاج وظلام ودمع ... اخلطن ما فرزت اوهامهم

خطا عزيز جاب ثلاث **** قوى النار واليأس والجضر
جضر ويأس واخرى نار *** والموح هو اللى رابع الهن
مشكى الاربعه اللى هلبن *** والخامس خلاى ليد هدنى

ننويها ونلقاها *** نسوت عزيز بالحيل واعره
بلا عزيز مو بريان الجرح...لو اداويه بالذي
من موحي على لولاف ... مستاحش و نا فيك يا ونس
علي كل شئ نلتام...إلا بكيتي في اديارهم

اغني عزيز وانسيناه .... افضي جديد جيناه ارتهن
"عبد الكافي البرعصي"
جينا لعزيز ما القيناه *** هذلت ادموعكن هو وقتا

رحلاني لدار عزيز ... يباتن حجير ويجهمن
الدار بالبكاء رضّيْت ... طرحيها وفيها وقبلها
عبد الكافي البرعصي
من اروع غناوي عبدالكافي الله يرحمه
سوايا الغالي عزق @ تبطل بطال يالماتهن
سوايا معا ليام @ نشاكو دراها اكبودنا
ماهيتا اعزيز ايام @ واختام الغلا قالقيني
راجيتا عزيز اسنين @ واختام الغلا قالي غني
ارضيت ما ارضيلي القسم @ وانسيتم قديمين الغلا

افضل ماقال عبدالكافي البرعصي
فاضي اوغني اومرهون @ وارباني من كان فيه السبب
وراك يارحيل غلاي @ نطايح اوماني طايلك
العقل واطيين عليه @ والعين يا اقدم واقظتلكم
بصراحه قريت الموقف وعجبني وحبيت اني ننقله لكم
قالك فى يوم قاعد المرحوم عبدالكافى فى فرح وطلبو منه غناوه فيها ثلاث اسماء صبايا
وكل المعتاد عند عبدالكافى وفى العلم بالذات ساهل هذا الطلب فقال:
ما القيت ياعزيز بعدك * * * ليله هنيه رايقه
لوكان في عزيز انطول........ ليلة هنية رايقة

لولا الياس في مرهون......ماابقيت نرمي عالفضي
عبد الكافي
اقسامهم عليك اصعاب *** ياعين هاللي شارهتبهم
عبد الكافي....
الكتربيل
لوكان ماعمر تالي *** ... نحسابني ... انظريت فالغلا

الكترابيل
قجيت يافضي نارك..... مشت امعاي هكي وهكذي

غلاي مرمدة كم عام .... وفالتالي ايامه اسقمن.
.... الكترابيل

ان ماهن امعاك عليك ..........لايام مو علي كيفك ايجن

سبحان خالقك يا عين .... خلق امعاك دمع يونسك
عبد الكافي


ابكاي مو طمع في دنو..... امغير جبر خاطر ياغني
عبدالكافي

تضحك حنون يومت موت.......... ودادها ولا نا انسيتكم
عبدالكافى الملقب بـ الكترابيل

عبد الكافى البرعصى:
اريا عزيز مرجوجات***لا لايم اولا لا قالى

عبدالكافي
لنظار ياعزيز ابعدك .............ردمن عجاج واطفي ضيهن
م ن ق و ل

>


يوسف الدريبي قال

كى ضاقت ابهم لولاف..لقيونى اونا ماالقيتم


انريد فى عزيز انطيح..نرجى انطيح من طولى اونا

عزيز ماانطيع الهذى..انبيعة اوهو عابى على
تبريد كان ناسى قلت..اوخذت فيك نلقانى انى
ماعرفت ريح عزيز..ايريدنى انظر ماايريدنى

ضنك اتريد منها خير
.. تنظر جفيت نيتي ياللي

م العين يالعين عزيز.. طحنا عليش ماايطيح كيفنا

ابكاى اورجاى عزيز.. افداه ايش ما ايكون عقبهن

جو فيدى ام نيدى راح ..عزيز وين عقالى نظر

م ن ق و ل

>

الشريمه قال:
:: ابريت يا عزيز بلاك .... امسك دواك ماني امدوره::
::ان قلت يا العين اوهام.... اتقول لوذبي فيهن اشوي::
ايماً وفيك عزيز مسمح عليك يا دار برمتي
بلا عزيز كيف انجيك ... خلا او ضباب او حايسه
:: عندي طريق شور الدار..... لا اتغبا ولا اخطيتا::
ايا العَيْن داجي الدَّمْع +++ أَكْثَر الغَيْظ مازال لاوْرا
:: واتريدني انداجي الدمع فضلة زمان واوهام سوتهن::
::ولهانه مشت للدار صطار جري عيني روحت::
مشَى العَقل شَوْر الدّار بيُوْض رقْعته نار جابْها
لُو كان يقسْمُوا في العمْر عَلَيْ عَزيز رانِي قاسْمه
:: قليل كان فيه انغفى ... مطول الليل يا راقدينه ::
" امعي يا ارقاق العزم ... يقسم قديم قولن يا الله
النَّوْم سارْقِك يا عَيْن +++ طريْتِّم انْرِيْدِك تسمْري
العب بغايتك يا ياس... عقاب عمر والدار سوتهت
سليمان العبدلي ((الشريمة))قال:
انْرِيْد نلْتفِت ما صدِتْ +++ لَيّام قَشْقلَة واخْذاتْنِي.
بالعَين رَيْت ما مِن دار +++ تستاهَل دمُوع وسايبة
::عالدار وين ما جبيت .... انفسي اعلي والعين رقرقت::
تدعيس ما عليه اطعمة ...حتى النوم يا هوه مندفر
غلاي جا أصداف أيام .... بالهون ما عزيز يلومني
وياعين قلنا لك غني *** قلتي وين قلنا لك خطر
نلقان جيرتي للدار***سبايب مرض هي بروحها
نقص عزيز سامحناه *** قضا ايام فينا وانتهن
سماحة الغلا ترجاه ... وتذوق عازته نين تنقهر
مليت من خلا لوهام *** تقدر تقول حتي من البكا
تبي سموح ما تلقاه ... ايجيك يوم يا خاين الغلا
تميت فالنهار أنغفى .. والليل دايرا أمغير للبكا
نلقاه ما بلاهم عزم ...ننساهم ايام ويخطروا
نضايق انكان اوعيت ....والنوم من المنامات كارهه
مشهور خاطري بالعزم ... و البارح بكا مو من عادته .
رد عبد الكافي :
العمر مش كله عزم ... أيجن أوقات نرموا عالبكا .
اسليمان الشريمة :
كمين عين خطي العين ..... عليهما بطله من البكاء
عارِف اللي في الدار ....بكى العقل قبل يطولها
الياس لاعبين معاه ....... عطينا البادي وما غلب
الياس يانسك يا عين... من يوماً رواويدة لفن
عندى عقل واحل في..... مداعي ورا ناس راحله
امرضي بلبكا داويت ... و ابريت و البكا باتلي مرض *****
طبعاً من افضل الغناوى على البكا الشريمه بكي العطيب
رديت عالبكا ملزوم .... مليان والمشاكي شاويه
يا العين حى عليك...العمر ضاع مومغير الغلا

طبعا ما خرجنش عن الموضوع وهوا الغناي سليمان الشريمه
الغناوه اتقول:
علي نقصهم لولاف..... غرامه اللي ما حلّفوا
سعد العبدلي والد الشريمه

ناجي المسماري
مفجوع من خلا الاوهام *** العقل عزموله ومابري

رد الشريمه
لافقيه لابندار *** يقدر يحيد ياعين فجعتك

العقل يا العين اظلمك.... تكابك علي دار ناسية
-----------------------------


عثمان ميلاد قال
بعد عزيز ويش تريد *** تنظر العين ياريت تنعما

عبدالله عبدالواحد
خطيتا الها واقدعت *** تريد غير داره وتنعما

عثمان ميلاد
نهلب تقول وين تريد *** تكي طريق لوهام هكذي

حميد السعيطي
متباعد علي لوهام *** ان كان انت ناهو موكري

سليمان الشريمه
اذهبن شيرتي بالدمع**-* الهن اوهام هاناك وهنا


عوض حامد
ذهبتي شيرتنا ببكاك *** امواهميك هانا وهناك
---------------------------

عثمان ميلاد
قال
طبيبه يقول اخذوه ... ايطول هله ما يطول عجلو
----------------------------

الشريمه قال
اندورك ومانلقاك *** زريعة اربا يادمعتي


جديد الشريمه :
قليلة هنا يا عين..... من غادي وجازايك غفا
" مديت وجهى نين عزيز ... خذوه من احذاى او ما الهم

قال الشريمه:
تلميس نخبرك يا دار .... ما انغبا فيك لوكان ننعمي

وهو من احسن الغنايه في فاهق الدار والبكا

عزيز واجعه لخلاف ... او هو اسببه و ايزوم على خبر

ان كان غايتك في نوع...فالدوج اصبري نين نبلطوا


نهار جيتي عالدار *** تصفيق دين وادموع يقطرن

عطني دعوه داير عزم *** كمين دار يالاي سوتهت

كديتي اللي يالاك ... عقاب ليل شوريش بكيتك

حتى لو بكيتي بيش ... كلا عزيز ما انريد نخلقه

ملا مخالبه من الكبد **** الياس نين فيده دممت

اتعتك يا عزيز اتعيب .... فالعين نين توعا لروحا

قعدت العين في لوهام *** ان طالت رجيتي امطوله

كديتي اللي يا لاك .... عقاب ليل شور ايش بكيتك

عقاب عمر خلو ايدين *** كبرت نار هاذي غلطتي

لو كان ما بكيت امرضت *** صبيت في امباليطهم علي

ناييتلا ومالايم *** دنا عزيز ياهوه منقطع

فجايع العين اهلبن ... توا عليش تبكي فاضه

متواري وفيك سطير *** بريه منيلك ياجرحنا

تمالشت نا والياس *** خذا مضابطي جيت في الوطا

مفجوع كل يوم بفقد... مخلوق للبكا نا قيسني

افواهق وضيقة علم *** واليوم كل شئ خالط علي

اللي ريتا يا عين .... العمر ضاع وانتي تشارفي

م العازه وشي م الوقت .... عقاب عمر ياناري ظلم

امرار لولا عاناه *** كلا التاليه فيه خلفت

ووين لولات بردن *** جضينا مع فاهق اخرا

العقل جايني م الدار.... متسايب اتلومه وتعذرا

ايجن اوقات نلقى عزم .... وايجن اوقات نا ما ننضمن

أمفيت ماحيات أفلان .......... مدقول نار موعايز على.

اللي انقوله ع الدار .... تبرم معاي نلقاه مرتبي

وتاهميني بالعزم *** وكي انديرلك يالحايسه

ونسايينها انسيان *** لنا زمان كي وانت القدم

ملهي بليسرا في الدمع *** ورفعت يالهواي ليمنه

العقل نين طمعوا فيه ... زمانه لوا ايديه لاوارا

املصن اعقولنا م الوقت .... حتي الحلم ما عاد نحلموا

طنبر احذاي طول الليل *** هواي لاطلق ديه لارقد

لاجاء حلم لاجاء وقض **** عزيز حيطتا عزقينها

عليك عمر ضاع بلاش *** الياس فيه بادي من اوله

امغير تنعمى يا عين ***** الدمع ماقضالك قاضيه

عزيز دزلي مرسال *** بكاني ومانيتي ابكا

الشريمة قال
ان كان البكا منعوه .انغدو وين من ضيق علمنا

رد محمد لعريبي وقال
ضيق العلم ايش انديروله .كان البكيا فيها قوله

الشريمه
تعلام جيرتي لعزيز *** تردي بعظم كنهي طولت

العين ما تكدى جار... تهذل بصوت واطى امداومه


أندام هذا حال بكاك ** كلا بهذب ماعاد تطمعي

الرايق ايقول قصير . . . . مطول الليل علاللى ما رقد

مقروض يا الدار امعاك . . . . نبرم عليك ما عاد صادلك

كمل وغيظنا مازال . . . . خزين دمع عينى بوزعت

سيورا عزيز ايهون . . . .مرجاه طال ما نريد نقدره

ادير يوم نين العقل . . . .يلقط العين لمواهيهم

معاركين ما من نار . . . . . ملى صهيدها ما ينقرب

عزيز ما حكى مازال .... وانظر سياسته هي كيف ماشيه

دثمار السوايا غاب . . . . . وعقبو ناس ما داعيلهم

ان دارت الريح ايزول ....خصص المال مو كيف فقدهم

اللي مواليتني فيه .... خطاه صار لا عيب لا عدد

مسامحينهم لولاف .... تلفيق عذر مو بيناتنا

عديته عليه زكاه .... مرهون ما بدين انطالبه

ايام الوسع سا محت .... مرهون بديني انطالبه

اللي جريتا لله .... نقص عزيز وانا مسامحه

كمل ملازا وحساب .... بعدك ياغني حيل عمرنا

سيات ما هواهن عذر .... عقاب وقت تمينالهن

اوهام مريبات هلبت *** ضليل كاني جيتن اخرا

يحسابها علينا أتخيل .....عزيز دار عيب أو دثمره

يجن الخاطرى حوسات يضايق بلا عيب جايا

مليت من سوايا ناس**نستاخر يجوني بغيرهن

افتحوا فيه باب العقل ... دلالته بدو سوق بالبكا

عنفت يازمان العين............. على دلال راعاتة هلب

فى الدوج ما ريد أبكاى.........نهاب فى كدا ناس ناسيا

عزيز غيبتا ع الدوج.............حسيتا بينت واجد على

على عربا والجيران.............غيبت عزيز يما بينت

لقيونى عزاز نحمل............معاى بسوايا بجدو

مغير تتكى بعزوم *** لايام ضالمه ناس واجداً

العقل ما عليه امغير ... جبد سريب للعين وغفا

كسرت خاطري لعزيز *** وارميتن سواياه لاورا

عيطت لايذتبي نار ..... طفايتي تباكو وبرمو

ما من نصيب اقطعه .... قليل خير ثاريت الخصص

وفايت عقاب ايام ....... واليوم لا جهد لانا غلا

من يوم وعيتى بكاى ......... لا نزحت لانوعى كمل

قضيتن ابكاى وخلاص .......... اسنين الزها ما ريتن
لا حول ولا قوة الا بالله
عندا العقل مو مالعمر ........ نهار لا شكا فيه لابكا

كمل امساربه يا عين ......... مالعمر ما مشا يوم يوجعك

العمر واجعتنى فيه ........... جبابى ونا نيتى دنا


كمل امخايله وحساب @ بعد عزيز يانا عمرنا

العين بارحا من قبل @ عالدار جبتا جيبت العدو


يالعين امغير نصيب @ من دارهم انجيتي ناجية

غلاي في وطات البور @ بذرت غير ماجاد الولي

مطيرت غلاي ابورا @ كمل امحازة يوم بذرها

عزمي شديد ماليام @ ملشت نين طقيت الدنا

لوكان ما اخلق شي دمع @ بعد اعزاز راكي ايشدايرة

الي مو اموالف لذع @ يحساب بكيتي زايدة علي

خيال تاق في لوهام @ حقيت واختفى وين عالنظر

كسكاس من اجروح قديم @ امغير يا امداوي انعذبك

اوكان ما بكيت امرضت@ لدار جيت واعزاز خايلو

ما كميتك الا واجد @ عليش ساكته سيلي اشوي

لوكان كل شي ياعين @ تبكي عليه ماعاد تسكتي

اسراف يالعين الدمع @ علي عزيز يرميك عالعمى

الاي افزعه غير ادموع @ مالفايض ايجيني انسلفه

قادرين عالبكا وخلاص @ اقرام عزم ماعاد عندنا

من غادي ارباوة قزن @ واخذات عالبكا ماسكتن

حتى اوهم اكبار ضناه @ سهراية الغني مي فاضة

بكيتا نهار عليك @ وجعت العين ماعاد بطلت

الي ابرما خلو ايدين @ عزيز ماشكا شي مالعدا

ويش غيرا خلا ليدين @ خلاني بلا غالي علي

شكيت من خلا ليدين @ وصلت عزيز قصرا دارها

جبا العمر قضيناه @ وامالنا عدن غير فالغلا

طرولها الدار اسكبت @ من طولت البكا داخت غفت

مسدى غلاي وتيناه @ عجب الناس عانوه انحرق

كمل ملازا وحساب ** بعدك ياغنى حيل عمرنا

ميت امقابله في العقل *** وابكاي موش كلا ع الغلا

كميتك الا واجد ** عليش ساكته سيلي اشوي

امغير نبرمو بالعين ** وخطاي قاصره دوب كل شي

خليها وعدي غفي **** ابطلت ياامزازي سادك

لقيونى عزاز نحمل ** معاى بسوايا بجدو

تخطر مبارمت لولاف ** نخاف لدار وين ما نجى

اوالا رفيق عزما زين ** يمشي اعماي داجيت هكذي

وماوعيت غير عليه *** ابكا الدار راني نعرفه

نلقلك عزيز امنين **عليك ظلم يالحايسه علي

اجبد هنك ياهواي **خطر عزيز راني نتعبك

ياانشيل ياشيل عزيز *** ان طالت الجيره ننقرض

وما عاد عندي كبد ** علي ضناي يا بال الغني

مجبور عالبك اجبران**من ضايق علم ياهوه داربي

ويا الدار نبكي فيك ** علي امهلي او ماجاي غايبك

العقل لاقطه وسواس ** ايريد هله جابوه م الخلا

مربوحه ان غاب عزيز *** وان جا مرحبا قاعدين له

نبكي عليش وانهون ايش ** تمت اليوم ياناس خالطة

الليل ناخذه تصنيت **** نريد حس بكاي نعمده

اعلقت فيه عزيز ايام ** ورديت من خيالات خايلن

بلا عزيز ديري عزم ** عليش هالنقانيق كلهن

انظر عليه درتي بيش** فالخاطر ملايا ونطمرو

توارو مشاكى العين** م العازة على من تتكى

تميت فى مصافق ريح ** عزيز قبل ذاريهن على

مليان ياالدار دموع**ممسوك غير فى توقتك على

سوايا بلا رسال**عقاب عمر تمينالهن

خذيت قبل يوفا لاجل *** حساب دنيتي في دنيتي


ايجيبها نهار طويل *** حمال بكيتي ميش ساهله

اومو جاية شي نوم ** سمر امعاي ياما منلي

نحودد لها في العذر *** اطلبت دار لولاف شلتها

قدامها اوهــام ايعمن ** لوكان عندها راي ما مشت

خطاهم القيه اجحده *** تقازي صفق ديه وبكا

العقل هافين عليه** والعين مابكت يانكتي

بكاي غير مابديت *** تمت اليوم ياناس خالطه

نشنا عليش وانهون ايش** تمت اليوم ياناس خالطه

وماوعيت غير عليه *** ابكا الدار راني نعرفه

مشـاريف فـوق الهـدب *** يرجن امغير في قولت خطر

عليهم وشي مادرت *** شينك خيال ياني مالبكا

امعاركين مامن نار *** ماللي صهيدها ماينقرب

تثاوب تريد النوم *** خطر عزيز مابت تتكي

مكتوب كاتبه مولاي ** تغفر اديار هاذى عقبها

أيام هالبات عليه *** يحوس خاطري وين يخطرن

العقل هافين عليه ** والعين ما بكت يا نقتي

العقل ما عليه امغير ** جبد سريب للعين وغفى

ايريدن اسمور ودمع *** مية امقابله غير نزحن

وقينا علي منشاب ** ومعانا اعلق كيف مااعلق

تمولي اعزاز ادعوة** غنداق غفوتي لااطينها

قاتل العين أرياف ** ونحايل عليها بجيتك

انخاف فالجديد انعلق *** ايدير كيف مادار لولي

العقل بادره مرهون ** جديد مانفع فيه الدواء

امعارك النار اوحدي *** كلت اكفوفتي نين عقرن

اوليش من احذاي هلبت ** وانت سلام مابيت تطلقه

انريد نلمسك يا جرح ** وانهاب فيك من قو الوجع

م ن ق و ل

>


مجموعة من غناوى مرعى الفرنه:


مشغول عالقدم ياعقل ** امغير قول ما انقولها الحد

عود عوج يالقديم ** عنقالة الغلا ماتحزمك

يادمع واجد غير **لوكان في من يستاهلك

حتى اوهو عطيب اجهدي ** مازلت عالغلا ماننقدع

مني سرقت حيل العمر ** بالدنو ياغني سايستني

غنواك قالي مو عذر ** قديم جا متعامي علي

انجيبك ابشيل انظري ** واتريد تنتسى يا لولاي

ازعما كي انجول عليه ** نلقاه لولاي هو لولي

عزيز جاي في ممشاك ** مكبر كواينك يا امكونة

اوما فرزت غير عزيز ** كثرن اوجوه ساولتي علي

القايل القي ما ايقول ** ابروحي تراخيت عالغلا

اومامن غلا عنتيه ** والعمر يالنقابه هلب

مرات عالوهام انحوس ** اومرة انقول مالي اومالها

خطيتا الها واندمت ** للعين دار فالصوب راكحة

خبطت ياعزاز الموح ** والدمع غير كامي واجدن

اوما رادهن شي كبر ** لصوب كي بدري ايشارفن

لنظار في اسواق الصوب ** بدري دايشن ماضننن

امحوس شين في لوهام ** دارت العين مي امراجية

لعزاز مالقيت عذار ** نمشيبهن الهم نين ننستر

بلسمت ياغني عالناس ** داروك وانت ظالم منظلم

اتحيد في اغبون العقل** بكيت الدار راها امجربة

حكيت فالفواه اعلقت ** اوكي سكتت مرمدتني الوسوسة

داوايها عليها موح ** عديمة الغلا يانويرتي

اعيوني امعا لولاف ** تلاقن بكينا امناضرا

عزيز لو دناه ايسير** ماعاد العين تبكي ابغيضها

ادموعي عزيز طروه ** واترابي رقيق اساقطن

كان غير ما ادموعي سيل** غلا الدار عشرة زايدة

حسوفة اتهد العمر ** حذوني غنايا اونا غني

تمالي الياس شريك ** يقسم امعاي فالاي انجيبها

لدار في هاذيك الدار ** كالاي اوجوه ماهن الها

لوكان ماهشمني عمر** غيات ولاقدم مالن علي

ياقديم ناوياك ** متراوكين ويش ايحزها

جديد ما اندير جديد ** لوكان غير نبرى مالاقدم

عليك درت خوجة عزم ** هفيت ياقديم اربيتا

دناك ياعزيز ايحوم ** كالاي غلاك فيدي امصوقرة

بكيت ماعلي اشفقو ** اوكي سكتت عدوها علي

اولا العمر يبقى عمر ** اولا ابدمع خلوك الاقدم

انجي انطيح بين ايديك ** نين ناخذ سموحي مالغني

خاطي قديم نا والعين ** مالقينا مشاكي ينحكن

بلي جيتا لصوب ** خلااها علي مي لولة

النسو وين يالولاف ** وجناح لمواهيم لمنا

امغير شيلني للدار** واطلق اتقول بيني اوبينها

النار لوله ياعين ** مازال في اطرافي لذعها

بالعين نزلهم لولاف** هدو العقل هد اهدودهم

يالعين ماودوك ** للحومة خذوك اونازحة

غلا قديم نطري فيه ** انريد ثلث ماليل ناخذة

غلبان من اغياب عزيز ** لوكلن بالرجا ما اتهون

تبيعة غلا القديم ** مابت امعا العين تنقطع

تناصح القسم اوجاب ** لنا جديد نسا لولي

ايديه عاقبات وراه **جاكم العقل والراي عندكم

م ن ق و ل

>

مجموعة كبيرة من الغناوى والشتاوى للمبدع الغناى ابراهيم بوعزيزه


الكم ومـادواء يبريه...ثاريت البكا خير للمرض.
تجريح وابكا واسمور...هذين هن جرايرك ياغلا.
نسبق ابنوع قبلي صار...تهميني ونا مادرتا.
خذيت نا وقديم دلال ...طيبك ايام عشنا فالغلا.
من يالا جديد خطمت...يوميلي اتقول قيسا فضي.
قديم قبل بيه افرحت...عقال عرضو فيك يادنا.
الي لك اتهون عليه....عقاب وقت حيلة امجامل.
قديم غاب غيبت عمر...نبكي عليه من طول الجفا.
عزقت حيطتا مرهون...طاوي عليه من يوم خونته.
اسماء عزيز كي من دار...في روحا شماته اندملها.
عالعودة انكان اعبيت...انقيطن على بير عندكم.
مو كيفك وخم لوهام...مسمح منازلي راه فالعلا.
مازال ماوطا لجداب...عندي العقل رواد للعفا.
قديم يالعين خذوه...اقطع ارياك وانتي ساكته.
جمرات ياقديم اتقول...ادموعك ع ايدي اساقطن.
غلا عزيز له عامين ...والثالث وراه قيسن ايجي.
مـ البخت يالعين قديم...اتبع ادماه حطوه فالجفا.
كدوها منام ووقض...مسع نهار خطيوها اشوي.
درناه غير مالقيناه...الخير فيك مافيك ياغني.
ما اندير دونا دون...لحقت عزيز لولا امكابرا.
تبريد في محاور لذع...جديد مكر درتا ع الاقدم.
غاليتني ايام وخنت...ظلمت خاطري يالمرهون.
من عند دورتا ترجيب...طيبك غلا غلاي لولي.
لقسام صوقرلي دار...واهلبن دار ماي هاينا علي.
ايجن اوقات صاحب عزم...وايجن اوقات نبكي الكل شي.
دبارك عليك العقل ...امعاه وين اتريدي ماشيا.
لايروق لاجنين ايجيه...منام شين حلمين للغني.
بلاهم الدار امراض...عليها نهيتك وادك.
الها مرتين اتسير ...اعيشو قزازين فالغلا.
من ناسي وناس قديم...ضيعت غلاي مالا موجعا.
للخاطر وهو مرهون...فضوت عزيز مشغال دايرة.
للخاطر بعد حولين...فضوت عزيز موش وقتا.
الي ضايعة مـ الصوب...عابت اسنين واليوم روحت.
مـ ايدوملك شي حال...لا اتكابر تواطا ياغني.
يادوبا شرف عالدار...الخاطر بكا في مطرحا.
ابلومت اجواد خذيت...الي صار هاناك ندفرا.
حملو بلاي وين اعزاز...صوقرت ياغلا فيك عازتي.
كدوها منام وقض...حتا والقدم جوبا على.
جديد ياقديم عليك...درتا انريدها بيش توجعك.
شايلينه صلايب وقت...فيه مقوا اعزومنا.
لا تزعلي ياعين...منك وفيك خراب الغلا.

الشتاوى

يالجديد عليش اتحايل...مانك داير في جمايل.
لي اسنين عليه اهلالي...نمشي ماننظر فالغالي.
قتلي انسيت غوالي بدري...غير انت قيسك ماتدري.
وحدة واثنين انواريها...يامرهون اتريد اتجيها.
عزيز علي قول المرسال...ايندم في روحا مازال.
ماني عاللولاف امحول...حتى كان رجاي امطول..

م ن ق و ل

>


يامرهون عطينى حقى................ ومسامح ف اللى متبقى
مرهونين وطال رجاهم .............. ياريت الخاطر ينساهم
يانار المرهون خطينى................ نستاخر منك وتجينى
يامرهون كلتنى نارك................. يلاك ودونك واصدارك
يامرهون اعذارك جنى................ لكن راهن ماولانى
يامرهون اخبرك جني.................متكدر مانك متهني
انحز يامرهون سريبك................ ع الخاطر معاد يجيبك
ف المرهون انشلت اعيونى......... ينقدنى لقصى والدونى
لو مرهون علينا ماوى.............. راه سطير جرحا مداوى
هو مرهون ونا فى حالى............... ماوالى طامع فى والي
اللى غلاه مرهـــــــون ............... دواه صبر ياطـــــــــــــول عـــزاته
جروحك يا مرهـــــــون تمادن......... اتقول امفجرهن بن لادن
خذينا يامرهون عليك................ سوا لنا ما لنا فيك
يامرهون أجبر بالخاطر ............. عد وراك دموع قواطر
تكسيرة عيني تكسيرة ...............مرهون أمجاورها جيرة
جيرة مرهونين عطيبة.............. ما جابت لي غير الغيبة
تطري في مرهون بروحك ............... تحسابيه دوا لجروحك
عندي في مرهون تجارب ............. يوم ودود والآخر خارب
يامرهون أمدردر جوي .............. يوم أمعاي ويوم عدوي
اللي وجعتني في مرهون............ أمغير أسمه داير واشون
وين عليه أنصبر عيني............... لعندي مرهون يجيني
وين نريد أنشد عزامي.................. مرهونين يجو قدامي
شوق المرهون المطاول........... داء جاير من غير أمساول
أخطينا صوبك يامرهون .............. أنعدو في قاب الواشون
أغلطتنا غالينا مرهون................ أموشن قدامه واشون
يامرهون شغلت أنظاري..............ياريتك عني متواري
تباعد ياريت المرهون .................المتواري ع العين يهون
هون يامرهون عليهن ............... مره مره بحت فيهن
بالك يا مرهون ظليمه ............. تبينى نبكيلك ديما
رضينا يا مرهون عليك ............ رضا ما نلته من والديك
المرهون مخصصلي رنه .......... عارف الانظار يريدنه
يامرهون خلاص اعذرنى ............... من نارك راك امقطمرنى
مرهون نسيتا ونساني ............ما شيبني غير زماني
عندى ع المرهون دلاله ......... نغمزله قدام اعياله
يامرهون ايش نديرولك ........... تغمز وعيالي فطنولك
ارعى العيبه يامرهون ...............تحشم قدام الواشون
مرهونين مشوا قدامي ........... زامطها وانقول قسامي
الخـاطر خلوه مراهيــن ............. حطب يابس بين كواني
حتــي كان خذتني ميته ............ للمرهون انجي عفريته
يا مرهون اكمل تفكيري ..............فيك وتفكيرك في غيري
ننصح فيك علي حالاتك................... مرهون امطول عازتك
اسمله يا مرهون عليك............. اللي ما طالك يقرض فيك

ادموعها علي لولاف بلا عسف بكايه ابهن

مـــــــــراد : يـاعـين الـدمع مغـير عمـاك .... نتيجــــة مـادرتـــي ببكــــاك


عبد الكافي : كـــان بكـــــاك يحيــد العلـة .... دونــــــك كبـــي دمعــك كلـه


مـــــــــراد : دمعــك ع الغيــاب قجيجـــة .... يربيــــك ومــــا دار نتيجـــة


عبد الكافي : عيـني بكـــــايا مريوحــــــة .... يــابــال بغـــــالي مجروحــة


مـــــــــراد : نــومي يـوم فــراق اولافــي .... شلت الصوت وشلت السافي


عبد الكافي : بكــــــايا عينــــــي منحـــرة .... مـــابــــت تنســـاهم بــالمرة


مـــــــــراد : ع الغيـــاب العــين تسفــــي .... قـزونــــة علمـــت متوفـــي


عبد الكافي : بصـيص العــين الله لايـــرد .... إن كــان اللــي غـاب يعـاود


مـــــــــراد : مــن فرقــاه وهــن يشــــالن .... عـــام ورا عـــام ومــازالـن


عبد الكافي : عينــي بكــــــايا مليوعـــــة .... ع اللــي قســميته مقطوعـــة


مـــــــــراد : دمـــوعي ع الغــالي شـلال .... ســـعتا واليــــــوم ومــــازال


عبد الكافي : أوهـام عزيـز ضـلام أسـود .... تمــد إيـــدك فــــيهن تفقـــــد


مـــــــــراد : كــان بكــاك يــداوي عقلـي .... ليـــل نهــــار عليـــه ادقـلـي


عبد الكافي : عـزيـز هلــب لـوهام علـي .... فجـاوي مـافـيهن شـي ضــي


مـــــــــراد : مـانبيه بصـيص أنضـاري .... كــان ايجيــب اللـي متـواري


عبد الكافي : لـو كــان بدمعــة ينجـــابوا .... مــا راهــم غيـــابي غـــــابوا


مـــــــــراد : يـوم فــراق عـزيـز وفقــده .... ضلمــــة لابـــارق لاوقـــــده


عبد الكافي : يـاغــالي فـي يـوم رحيــلك .... طحــت طيـــاح ونـا نوميلك


مـــــــــراد : يـوم فــراق عزيـز وبعــده .... لاطقنـــا مصبــــــا لاقعــــده


عبد الكافي : ابقيتـــي يـــادار الغيــــاب .... زعــازيع وظلمــة وضــباب


مـــــــــراد : كيف عزيز رحل م الجوبة.... قــيس العـــام ونـــا غيبوبـــة


عبد الكافي : على اثر غياب عزيز العين... كلـــوا مــاعنــدي تقـــــازيـن


مـــــــــراد : ننشــد فـي فســار منامـي .... قـــال ابكــي مـا فيــه قسامـي


عبد الكافي : ننشــد فـي قــراي الكـف .... علـى اللــي لاخـاطـر لاهــف


مـــــــــراد : تقـــاز وبـراح بروحــي .... نــا نمــت وقلــت لهـا نـوحـي


عبد الكافي : حشــرها تقـــاز وبـراج .... أقســامك يــا غـــالي تعــــواج


مـــــــــراد : ننشد في خطـاط الرملة .... قــال اليـاس خــذاهم جمـــــلة


عبد الكافي : كــم تقـــاز وكــم شبـارة .... قـــــالوا منقطعــــات أخبـــاره


مـــــــــراد : تقـــاز وبــراج وحلمـي .... جـــابن شـي مضيـق علمــــي


عبد الكافي : ننشـد فـي جيـاب فتاوي .... قــال انضــرهم فــي جــلاوي


مـــــــــراد : قـبل يصـير طياح القزة .... مــــد ايـــده تقـــــازي عـــــزا


عبد الكافي : نشبــر وانتقـز وانبــرج .... نــــين علــــــي الله يفـــــــرج



م ن ق و ل

نبكي عليك في شان ايش ويا عزيز يا خاين الغلا..


الشريمه


وديما يصير اخلاف وبكانا علي ماضي غلا..


عبد الكافي


مرصوده بياس طويل سهرايت قديمين فاضه..


الشريمه


تستاهل بكا ديما سهرايت غلاكم ياقدم..


عبد الكافي


عمر اصداف خلو يدين حدي نقول يانا ع الغلا ..


الشريمه


تراكم خلا ليدين اتضيع يا غلا عارفينها ..



عبد الكافي


غلاه جا اصداف ايام بلهون ما عزيز يلومني..


الشريمه


غلا عزيز لطه قسم واللوم حاطه حيله علي ..


عبد الكافي


ننقان جيرتي للدار سبايب مرض هي بروحها..


الشريمه


خلوها وخلوني ان بينا مرض هي دارهم ..


عبد الكافي


نحساب برمتي ع الدار تبري العقل زاداته مرض..


الشريمه


مرض مغير مو قتال جيي لدار مي هاينه علي ..


عبد الكافي


ثقيل مقعدي فالدار العين غير ملزومه ابها..


الشريمه


نصيد عافيه فالدار ونحوس كي نخطاها شوي ..


عبد الكافي


امرايفين ع اللوهام ونا دخيلتك شيلني الهن ..


الشريمه


امرايف نريد اوهام وما رجيت نين تقولي ..


عبد الكافي


بلا رفيق عزمه زين يمشي معاي قاجيت هكذي ..


الشريمه


حتى واللوهام ظلام من والج يجي ما يردني ..


عبد الكافي




م ن ق و ل

ممشي بعيد وامسى ليل # وانظري دفر ولواي منقطع

البارح شكينا له # بما دار مرهون فى الغلا

انظاري لدار عزيز # وديتن وما وديتن

نرجى فيك يافزاع # ثاريتك اتراجي فى الفزع

لمباكر خطاهن صار # جاني منام ماطاح فى وطا

ماعد احذاه خير النسو # عزيز سارقه ميح غيرنا

متواجلات شور ضياع # يزابن غلانا وعمرنا

نرجاك بين مانرجاك # كليت ثلثين عمري امخايره

نحسابها العين اسكتت # لليل واتيه ثاريتها

ملقاه والغلا والنقص # متلاحقات شي مابينهن

له وقت يا اعزاز الوقت # يجري لي علي تمويحكم

القيت من يداوي داي # باك موت ياطامر الدوا

فيها بكيت والها قلت # امتى تريد يادار تنعمي

ع الخونه عطاني عهد # مايديرها عزيز اودارها

بالك اتسير اقسام # يامراجي دنا قول يالله

تميت م الغني للوقت # غربال فيد حرة راغبة

ما لقيتي الا مرهون # ترمي عليه بيش ايقطمرك

مالي عزيز منه ليد # ونقول قرعتي نين باعني

ما من غيبه فيك # ولاد للبدع يا وقتنا

ما يجيبك وما درناه # نصيب غير مو كاتب الا

ع النار شيلك نارين # يدمي لك وجاز ومرتهن

عماكن الله ايعميه # اخطور ماقعد ليلة بلا

أما وراه والله صوت # شيلي أنشال ياعين ف الهنا

مي ساعة اعداد عليه # بريافك فيك ولاقالك لولي

بالخير ياقليل الخير #نطري فيك مانسيت لك غلا

نا لغيرك وللغير انت # ياريت مايجي يوم نقعدوا

مقطوع مرتين الواي # نا حاصل وعيني ظالمة

فيك انت وانت غيبه فيك # تخطر عليك مطري لي دوا

فى حيرتك وفي مرجاك # قعد عزيز للغير واقعدي

ماهناك مانزيد عزيز # كي روحي بعد كونه قعد

يدوي العقل يالوهام # لو مانصبن نوع هلبتكن

ايواوي وفيك ادموع # اسكاتك غريب وفاهقك

الواي مرتين قطعت # لانك بعيد لانك للدنا

أمرضى بالبكا دوايت ::::: أبريت والبكا باتلى مرض
فى شحات بتاريخ 29.10.2008
فتحى محمد ادريس:

جميع من على انشدك ...... ان ريته عدو ديرنى عدو

غالى عزيز وين غنوه......... يا طول ما فاضى قعد

عليها جريت امعاى ......ستره اتريد لوكان يا فضى

وشتى ::

كان امعاى اتريد دنا ..... اجرى له كى مانجرى نا

الغناي فتحي محمد ادريس المبروك الدرسي من مواليد 1978 قصر ليبيا
منقــــــــــــــــــــــول

ابراهيم العقيبي
" تخاطيت نا و عزيز ... لدار جابني ماضى ملبكا "

مرعى بو فرنه
" لومكيد نين ايست ... دنوهم لو ساهل علي "

مفتاح الميراد
" انسيته و الدار احذاك ... مطول شقاق ياما دونهن "

مرعي بوفرنه
" مشنون يا العين العظر ... امعا عزيز واطيك الغلط "

ابراهيم بو عزيزه
" مرهون ما ايجيب اعداد ... جميع ملي داير غلا "

ابراهيم بوعزيزه
" امغير لجل ماضى فات ... عظار لولي قابلينهن "

مرعي بو فرنه
" لعزاز ما القيت عظار ... نمشيبهن ابهن نين ننستر "

ابراهيم بوعزيزه
" ما جينا على الاولاف ... امعهم قاله وقتنا "

مرعى بوفرنه
" انجي انطيح بين ايديك ... نين نخذ سموحي من الغني "

ابراهيم بوعزيزه
" رجوني او طال رجي ... اعزاز ذنبهم فى رقبتي "

مرعي بوفرنه
" وايديع عاقبات وره ... جاكم العقل و الراي عندكم "

ابراهيم بوعزيزه
" امنين ما انشيل انظري ... نلقهم اقدم مالكيني "

مرعي بوفرنه
" عزيز ما عليه انهون ... ازعله غير وقت او يخذا "

ابراهيم بوعزيزه
" غلا اعزاز كيف الروح ... ان هانت ايهونو كيفا "


م ن ق و ل

>

مابينا علي لولاف@//@انهونوا غنايا اوكونا//بوزرقون
علينا علي لاخرين@//@اللي اتغلا ديما غاليه//بوعزيزه
عمرت ياغلا في وقت@//@لامان فيه طاريه منقطع//بوزرقون
مصابي احذاك اعزاز@//@ماعد عليك شي خوف ياغلا//بوعزيزه
هذا زمان حتي خوك@//@ايبيعك يابال جارحك//بوزرقون
لامان يلتقا في ناس@//@ بشواش لاتخافي دوري//بوعزيزه
وكي انريد صوب اندير@//@قدامي اتجي خونت الاقدم//بوزرقون
ان خان القديم جديد@//@اندير ماكبيره سايرا//بوعزيزه
اوريضك بلا حوحيز@//@ريان من سواياه الغلا//بوزرقون
سوايا غلا وزمان@//@عمرك ان طال ياما تنظري//بوعزيزه
ما فيدي سوايا وقت@//@وانكان عالمغالاه قابه//بوزرقون
@@____________@@

اشقيتبك ونا مرهون@//@مااوقظت ياغلا خفيتني//بوزرقون
اللي بعيد ماينطال@//@اتجيب فيه ديما يانظر//بوعزيزه
علي جيبها ليد@//@ديما اشهوت عيني قاصره//بوزرقون
وراها العين اتعبت@//@مااتجيب غير فاللي اتكيدني//بوعزيزه
@____________@

انداخص غلاه اسنين@//@وماانقولا عزيز الا بعد//بوعزيزه
ابعدك مالنا غايات@//@فاايامنا انمشوا ياغني//بوزرقون
امفيت من اتصيغ امعاه@//@قولت عزيز ماانقولها الحد//بوعزيزه
ياقولت عزيز احذاي@//@خليك نين نلقا صاحبك//بوزرقون
قولت عزيز راك عزيز@//@تنقال غير للي ايقيمها//بوعزيزه
عزيز في شال انظرا@//@موش كل حد ينقالا//بوزرقون
مو كل من ايشيل عزيز@//@انظرا فالغلا عيني نظر//بوعزيزه
في وجك موش مارة صوب@//@ضحكي يافضي ماايغربك//بوزرقون
لاجيت في جديد انظري@//@ماريت فيه شي ماره غلا//بوعزيزه
لاتابي اتواطي انظرك@//@ ونا زاد مانابا الحد///بوزرقون
امفيت الغلا القديم @//@العين ما ملاها شي غلا//بوعزيز
م ن ق و ل

من طيب خاطري مازال@العقل يامراهين راهنه//يوسف الدريبي
مو غالي الا القديم@وطا وطات عقلي الواسعه//عمر بوزرقون
ياراهن وطات العقل@عالفاضي ايريدوها عرب//الدريبي
اعزاز كل يوم اجلوه@الهم اينوطروا في اعقولنا//بوزرقون
مالعقل ندفرا هاناك@ناللي قديم جبتا وناللي//الدريبي
نلقان سرقتك ياعقل@مالغالي سببها امحايله//بوزرقون
لااعزاز ماقعد ناطور@فالعقل فيت ناطور موجعا//الدريبي
بداير وطات العقل@امحودد عزيز وقابه//بوزرقون

تخليطت البذار اتسير@لا اتغفل ياللي غلقتا//الدريبي

>

راس بيت جديد للشاعر : سعد بو خويدم ايقال...
تاق القمر واطلعي بحتيله .... دنيا طويله ... تذكري وين قلتلك تشبهيله...
يوسف الريبي...
غير شيل يا عزيز انظرك .... تلقا اتجيب روحك م القمر
يوسف الدريبي
غير ايش يا عزيز الفرق ... ما بينك اوما بين القمر
م ن ق و ل

بوزرقون . نشدت جارحي عالصوب / ناسيه وين راقد قالي .
بورواق . قلتلهم تميت ابطولي / راقد وين أقدم قالولي .
بوعابد . نشدتا عالصوب ومطراه / الغالي بقال الله الله .
فضل الله ادريس .فالصوب ما نجيبو علم / نجارو ورا ناس ناسيه .
بوزرقون . حتى من اعيون أعربك / اديربك العازه اطيحك .
فضل الله ادريس . عليك وقت ما من زين / مالعازه ابقي سايب وهو .
بوزرقون . هي بروحا رقادت ريح / العيطه وراها كل شي .
فضل الله ادريس . معاه كنت راقد ريح / واليوم كي قليل العافيه .
بوزرقون . عمرا القسم ما مد أيد / في حاجه اتقول حالف علي .
فضل الله ادريس . مالعازه عليهم غبت / ضنوني أني ما انريدهم .
بوزرقون . بالقدر موش بالميجود / من قبل كان مقياس الغلا .
فضل الله ادريس . نحساب كنت واهم فيه / في عودي عزيز ايريدني .
بوزرقون . أيش حالك ونا انخرصت / قالولي أول كلمه أقدم .
بوعابد . لولاف أول ما انشدوني / عالحال بعدها فاتوني .

بورحمه / لي اسنين علي لوعاتي ... نقتل في روحي بسكاتي .

بورحمه / هفوها ما رفت رفا ... موش العين اللي نعرفا .
بورحمه / عطيتك قدر وود وحن ...ألقيتك يا القديم أتمن .
بوخليل / عيني مي عين ألا بيكم ... ما تنشال مع خاطيكم .
بوخليل / نبرم عالصوب وطاريه ...برمت سيد علي راعيه .
ليتيمي / غير المرهون أنظر كنا... ما عند العين غلا منا .
بوسته / وحده وحده في خرافي... نسرق نين طريت أولافي .

بوسيف / علي الله يا زادم عالروح ...أتجيني جيت واخذ روح

حقيت ما تحقو فيه......خيال يا الهوايا علي....الدريبي
هوايك خذاه النوم.....هفوا عليك جا كيدك علي..بوزرقون
ماهي العين يا هواي...لصبح لو اتهوي مغمضه...الدريبي
وبيني وبينه ليل........هواي اسا انتقايسو.....بوزرقون
ل.بدري اطيح يا هواي.............اللي ريتا ما ريتا...الدريبي
هويبهن بعيد النوم..........ايدك يا لهواي كلهن....بوزرقون
هواي يا للي هواي....الها امعاك جيب او توحلوا...الدريبي
هوايتك اوجوه الفجر....في ادموعهم قعدتي تمسحي...بوزرقون
الجفن جيته للجفن.......كي لرض يا الهواي لسما...الدريبي

اللي ساكنه فالعقل@اتريد عقل بيش ايطولها/حميد التناكه
سيورا ايجي ياعقل@امسك اقرون الايام ياغني/ادم بوالنيانيه
خلك احذاي كان غفيت@بالك حسيستي ساانقولها/التناكه
اسكاتا علي مافيه@استر اوقات للخاطر و لي/بوالنيانيه
ماانقولها ونا واعي@اللي حسيستا نوم جابها/التناكه
اللي غابيه فالعقل@لو متت موت ماانقولها لحد/التناكه
اللي غاليات اليوم@بكرا بلاش ياعين يقعدن/بوالنيانيه

1,, ذليت من خلاء ليدين ,,, وصلت عزيز قصره دارها .. عبدالكافي
2,,يباس كي وطاة الدار ,, علي عزيز يانا اكبودنا .. شريمه
3,, رميت عالعقاله جبر ,,,, مليت مالمغاله والجفاء .. مرعي
4,, اندير خوف يلفو حلم ,, جميع ماايخليك واعيه ... عيسي
5,,عزيز فالخطاء الكبير ,, تهليب السوايا طمعه .. سالم حمد

اللي غاليات اليوم ..... بكرة بلاش يا عين يقعدن
و نا انقول لك :
اللي سومه هاليوم الماس ...... بكرة مايسواش قزاز

بوعزيزه

:مو مغير يالعين العقل...ملك عزيز روحى كلـــــها





بوعزيزه

:ديريه بلاش ماالشهدير...كمين صوب خاطى لولي





حميد
:عشرين عام ما وفيت...وأدير فى جديدين ع الاقــــــدم





بوعزيزه

:أمغالى ثمان اسنين...لوتسالني فى ادمــــــــــــايتي





حميد

:غلايتا بلا حـــجار...عليك غــــــــــــــــــــندقه فيه الغلا


(حجار) بدون مانع او ياس او مشكلة





بوعزيزه

:غياتك أمغير بلاش...اكملن كلهن غير مطـــــــوحه





حميد

:تخطر عليك يامرهون...وايعافني اللى ما نـــــــــــوزنه


وهنا اخطأ حميد في حق بوعزيزة




بوعزيزه

:مرهون خير منا عقل...مانقال ماأنزابيه بالـــــــخطأ


وهنا بوعزيزة رفض الشتيمة ولن يرد الاساء بمثلها




حميد

:أتعوم فى بحر ياسات...انظرأطول ما اطول فى النـــــــجا





بوعزيزه

:لوكان لي ايام أنعيش...فيد مولاي نلــــــــــقا كل شى


وهنا يلجا بوعزيزة الي الله سبحانه وتعاي في مصيبته




حميد

:ديما اللى أمغلوب.....ايعاود على قـــــــــــــــــــول ياالله





بوعزيزه

:عطيت نا والعين....نركن انتوب لوكـــــــــــاني غنى





بوعزيزه

:ماعاد نسمرك ياليل..نحجر انتوب لوأنطول نالقدم





حميد

:لوكان هظا لون ابكاك...ماعدأتوب لو تطول فالــــــــقدم





بوعزيزه

:أنطول كان راد الله...القسم موش فيدك يااللي


م ن ق و ل