اماسكة غنايا وشتايا (أقربني جاي )

من طرف **العاشق الصغير** 2011-10-19, 1:49 pm

تذكير بمساهمة فاتح الموضوع :

السلام عليك

غناوي علم اماسكه

لماسكه او لمشايلة هي عبارة عن غناوي علم اثناء القائها باسلوب معين (غناوي علم )

يبدأ الاول بنهاية العناوة طبعا ويرددها 12 او 15 المرة باسلوب الغناي ثم يبدا الغناي الاخر الذي معه في لماسكه ويبدأ في غناوته كما بدأ صاحبه وبنفس الاسلوب تقريباً وفي نفس الموضوع

ثم يكملون العناوي كما جرت العادة الى القائها حيث يغني الثاني ثم الاول وهكذا

اترككم مع بعض الغناوي

ابراهيم بوعزيزه

ادموعك اليل طويل ينصف عليك توا تسكتي

محمد البزاري

كمين ليل عانيناه طويل ناوعيني بلبكاء

ابراهيم بوعزيزه

انكان تجبري ف اليل وري العساف ياعين ايسما

محمد البزاري

لناس ماتوري فيه بكايا علي قيس حالاته

ابراهيم بوعزيزه

جبنا سريب حرتي فيه رايناهن ادموعك نزحن

محمد البزاري

يبقي الوقت موكي قبل انتي انكان ياعين تنزحي

ابراهيم بوعزيزه

بلا زورقا لعساف انكنك صحيح مليانا ابكاء

محمد البزاري

ادموعها علي لولاف بلا عسف بكايه ابهن

ابراهيم بوعزيزه

عساف موش لومة عسف اعللي فيه راكي ذاهبه

محمد البزاري

ايعاطن معاني جبر هذين فرق مافيه بينهن

ابراهيم بوعزيزه

ايحرم ياعزيز الصوب انكان العسافه جبته

محمد البزاري

نطرو عزيز جينا هنا ماجينا انعيبو في عرب

ابراهيم بوعزيزه

طريتلك عسافة صوب الله علم ماعيب قلتلك

محمد البزاري

ماهناك ماندوخو فيه لصواب كلهن قاريينهن

ابراهيم بوعزيزه

عسيفة الصوب امنين كذا انكنت قاريه قولي

محمد البزاري

العسف يالعين الجبر في مامضا ماقلتلك

ابراهيم بوعزيزه
الجبر ماعسيفة صوب اذهبت ماعليها جبتلي

محمد البزاري

العين ماغشيمة صوب اتجيهن ادروبه عارفه

ابراهيم بوعزيزه

عسافه انريدو غير ف الصوب ماتهمناك بالغشم

محمد البزاري

راه العسيف خويل عليه غير ياعين انشدي

ابراهيم بوعزيزه

الا هذا فيه احتار العقل ياعسافه عارفك

محمد البزاري

الواهم ايوهم فيك انتي موش ياعين واهما

ابراهيم بوعزيزه

ياواهمه تعالي جاي من قبل قالها لي عاقله

نرجو منكم المزيد

تحياتــــــــــــــــــــــــــي

العاشــــــــــــــــــــــــــــــــق الصغيـــــــــــــــــــــــــــــر

من طرف **العاشق الصغير** 2013-03-30, 12:47 am

قعدة في مدينة اجدابيا و صارت فيها
امّاسكة شتاوي بين الشتاية محمد الفرجاني الملقب بـ ( لقرج ) و مفتاح احواس
المغربي و همّا الاثنين يسكنوا في منطقة قمينس و رفاقة و اصحاب و جيران
لكن تكوها مع بعضهم و تقابلوا في قعدة في مدينة اجدابيا و تمّوا ايحكّوا في
بعضهم ههههههههههههه و نشهد بالله قالوا كلام وااااااااااعر و العبد لله
مار بيه في حياتي و حتى أنتم ماريين بيه و هذي سنة الحياة
مفتاح احواس قال : غالي جارحني و انسيني * مو حاسب يوم ايلاقيني
احميدة لقرج الفرجاني قال : يا غالي غير انشد روحك * وين الصوب او وين اميوحك
مفتاح احواس قال : ما قتلك وين اتلاقيني * نخلص يا غالي في دَيْني
احميدة لقرج الفرجاني قال : عليش اليوم انشيل احمول * عرب ما يمسك فيها قول
احميدة لقرج الفرجاني قال : رافقناك او ما تقرضنا * رانا يا غالي البعضنا
احميدة لقرج الفرجاني قال : عزيز رفقنا ما يلقاه * امغير اليوم الله الله
احميدة لقرج الفرجاني قال : كيف انريد انشيل صليبة * و الرفقة يا عين عطيبة
احميدة لقرج الفرجاني قال : صارت فيه الصوب خصامه * كلّتنا يشقَى بـ اقسامه
مفتاح احواس قال : قعدنا يا القديم اثنين * او ما عندك حاجة عـ العين
مفتاح احواس قال : يا صاحب صفّي المْعادي * جابنّك الايام افرادي
مفتاح احواس قال : الليلة في عقلي نقناق * ايخلخل ما من عين وثاق
احميدة لقرج الفرجاني قال : رفق واجد يا عين اليوم * انريد اندير بلاه اعزوم
مفتاح احواس قال : حتى وين انسيّب داري * ما تشعل نار الاّ ناري
احميدة لقرج الفرجاني قال : فيه رفق يبّي تسييبه * ما جتْ منّه غير العيْبه
احميدة لقرج الفرجاني قال : فيه رفق ما عاد ادّيره * ما تعرف شره من خيره
احميدة لقرج الفرجاني قال : فيه رفق ما عاد تامنلّه * خلاّك او ما ملّي خلّه
مفتاح احواس قال : اطعمة اللّي ما شوره شي * ايشوّي يا الانظار الدّيْ
احميدة لقرج الفرجاني قال : نا و العقل انسهري قاعد * كان ما لزمك دَيْ تباعد
مفتاح احواس قال : يا مرهون الدّيْ معاني * كيف انريد انكذب ذاني
مفتاح احواس قال : عزيز سعتّه سامحناه * كلاّ توّا لا و الله
احميدة لقرج الفرجاني قال : جنيتوا يا الاولاف عليه * الصوب او عزّيتوني فيه
مفتاح احواس قال : تقتل صوبي و اتعزّيني * عينك يا غالي في عيني
احميدة لقرج الفرجاني قال : غلانا متقطع مـ اليوم * اقدم قالولي دير اعزوم
مفتاح احواس قال : اللّي متعادي نا ويّاه * امصبّي يا مرهون امعاهم ن ق و ل

من طرف **العاشق الصغير** 2013-04-01, 2:15 am

من اجمل معلقات غناوي العلم و الشتاوي:
غ-سبحان ما تقول قديم__درناه راس حاجة و دارنا
غ-امتى ايدير عقلي عقل__ينسى قديم و يعاود علي
غ-ما دارت الهين اطعمه__خاطي غلاك في عمرها
غ-بخطورك و مانك لي__طولت ليلتي يا لولي
غ-لا قديم داير خير__و لا قدرت للناس نقرضه
غ-قولت عزيز راك عزيز__نهار ما جبر خاطري بها
غ-قريب نكرها اكرهان__يكرب عزيز قابته علي
غ-يغنيني عليك الله__ياللي جفيت لا عيب لا سبب
غ-قديم صاد فيه اعداله__و هو مكان واحد للغلا
غ-ثلثي خاطري القديم__و ثلث فيه طرايا اجدد

شـــــــــتــــــاوي

ش-قبل استانسنا للغالي__لكن دار خطا فالتالي

ش-انريد الستره نا و العين__نهلب في وحده و اثنين
ش-فايام و نا عندك غالي__تنشد عن حالي و احوالي
ش-الخاطر داير صوب جديد__احذاه و ينظر فيه بعيد
ش-كان اتعد الحن ظليمه__يالقديم اظلمني ديمه
ش-كبيرة غيبتكم عالعين__غير الخاطر عزمه زين
ش-اسم الله عالعمر اللي راح__و ما رودنا دار ركاح
ش-نا و المرهون توازينا__غير النوم ايلايم فينا
ش-جدن عالمرهون طرايف__يشفى يوم و يوم ايرايف
ش-جديده يامرهون عليك__انمد ايدي اتظم ايديك

من طرف **العاشق الصغير** 2013-04-01, 2:16 am

غ-العقل غايتة و غرضه...عطيته قرضني مالقدم
ش-العقل اللي دزيته جاك...قرضني يالقديم معاك

غ-يضامر و هو بريان...مرض العقل يا عين ايسمه

ش-فيش ايحس العقل الدامر...بريان و هو يضامر

غ-خطاهم عليش و ليش...ينشد ايقول مازال خاطري

ش-ننشد في روحي يالاهم...هو عند ايش و ليش خطاهم

غ-خطا عزيز واريناها...من خوف تعلمه يا شمامتي

ش-قدام الشمات صبرنا...غير وحدنا ياما درنا

غ-ياريت ياعزيز القسم...كي ما خذك مني باعدك

ش-يا وخاذ عزيز اتعني...ياريتك باعدته مني

غ-اصادرت نا و عزيز...بمواجع بعد واجد غلا

ش-ياما نا و عزيز عمرنا...و اليوم بعيب اصادرنا

غ-متقاسمين نا و عزيز...ظليمت الرجا بيناتنا

ش-ظليمت مرجاي و مرجاك...تقسمناها نا و اياك

غ-اوكلت ياعزيز اوكلت...من نارك اضاريت واجدن

ش-تاكلني تاكلني نارا...حتى لو عنها نضارا

غ-مرهون نلحقى بحقوق...لليوم غير ما نيته وفا

ش-منك يامرهون احقوقي...ياخذهن موالي الفوقي
م ن ق و ل

من طرف سمر ليبيا 2013-04-12, 4:52 pm

مفتاح يادم المباركي // عمرتي بـ اولافك يا دار ..... اتباني من ممشاة نهار
عوض حامد // نعرف دار عزيز او هلها ..... ما ودَّك غير اتجوللها
صقر القبايلي // القينالك جرَّه يا سيل .....عرفته نوم الدار ثقيل
مفتاح يادم المباركي // تتقِّي يا دار اولافي ...... في الطرقي وين ايجي لافي
منير الفارسي // التبهيته في الدار اتسد ...... اوقات او هي ما فيها حد
مفتاح يادم المباركي // اتوالي دار المرهونين ...... امغير تمرِّي منها زين
عطية المباركي // سبحان الله اللِّي نحنا ...... خليَن يا عين مطارحنا
محمد الفرجاني ( لقرج ) // الجاحد مو كيف اللِّي قال .... سهارِيِّك يا دار اطوال
منير الفارسي // مازال الدار الها طاري ...... يا ماني جاحد و امواري
مفتاح يادم المباركي // دار قديم اللِّي جاهلها ...... ينشد تلقاه على هلها
مفتاح احميد // وين الدار او وين اولافي ...... فيه خبر يا عقلي خافي
منير الفارسي // كنت انورِّي ما انتورّه ...... ما اتريد اتذهبني جرّه
عوض حامد // ايام او نا يا دار انجيك ...... اسنين دلالي ناظر فيك
منير الفارسي // واخذ دار عزيز عليها ...... جيت امعا كل اطرق فيها
منير الفارسي // مازال الدر الها جرّه ...... نلقط فيها مرّه مرّه
محمد الفرجاني ( لقرج ) // دار غلاها هو الغلا ..... عمَار او نا جيَّاي الها
مفتاح يادم المباركي // نعرف فيه الصوب اقداره ...... عمر الزينة ما اتّوارا
محمد الفرجاني ( لقرج ) // اللِّي قدره في الدار كبير ..... ايجيها ما يشوا لا خير
صقر القبايلي // مازلت يا دار اتوالي ...... وجهك مو شايل في والي
منير الفارسي // ايش ايجيّبني من هاناك ...... الاّ يا دار علي غلاك
عطية المباركي // غلاها عقّلني تعقيل ....... رحيلي مو ساهل للشّيْل
محمد الفرجاني ( لقرج ) // الزينة نسّتنا للشينة ...... فيه اوجوه ايجيبن فينا
محمد الفرجاني ( لقرج ) // هاضا وين الخاطر تمّه ....... يفرق في رمّه ع الرمّه
عطية المباركي // يا عين اللِّي ايسلّف يلقَى ...... فيه اوقات ايجيبه ملقَى
عوض حامد // ايام اللوعة يا الاولاف ...... عليهن لا توّا خرّاف
محمد الفرجاني ( لقرج ) // اللوعة طامر لي زمان ...... الفاضي مو كيف المليان
عوض حامد // ديما ع اللوعات انخرّف ...... و اللِّي يسمعني يطرّف
عطية المباركي // ديما انتخايل م اللوعة ...... كيف امخايلة الملسوعة
محمد الفرجاني ( لقرج ) // لو كان المليوع حكاها ...... لوعتهم ما عاش امعاها
منير الفارسي // المتلذّع ما يرجَى حد ....... انخرّف ع اللوعة بالود
عطية المباركي // اللوعة لوعة ما تندّس ....... ابها عقلي مازال اينّس
عوض حامد // كي نلقَى ميعاد ايوالي ....... نحكي ع اللوعات الغالي
محمد الفرجاني ( لقرج ) // فيه اعقول اللوعة شالن ....... و اعقول اتحرّك ينهالن
عوض حامد // فيه اعقول ايش امبكيهن ...... لو ما تبرم لوعة فيهن ( هابا هابا )
محمد الفرجاني ( لقرج ) // قاتلتك يا عقلي جحدة ...... مانك صاحب لوعة وحدة
مفتاح يادم المباركي // تماضن في عقلي لوعات ...... امرض منهن نحسابه مات
منير الفارسي // اللوعة مازالت هي هي ....... امغير خذت غايتها في
عوض حامد // هاضا ستر الخاطر ديمه ...... يحكي ع اللوعة القديمه
عطية المباركي // تمّت لي لوعتهم عاده ....... منها ما طقّيت اوساده
محمد الفرجاني ( لقرج ) // العين ان جار عليها ضيم ...... اتجي تجريلك يا القديم
عطية المباركي // عقلي تدقل فيه اللوعة ...... ما تشكي غير الميجوعة
منير الفارسي // عندي للمليوع دباير ....... كان حكالي بـ اللِّي ساير
عطية المباركي // لوعتهم ياما ادقلتني ....... تقتل لكن ما اقتلتني
عوض حامد // لوعة مرهونين امعانا ....... مو من تو قديم ابكانا
محمد الفرجاني ( لقرج ) // حتى وين ايغيب دواهن ....... ما يشكن غير المشكاهن
صقر القبايلي // صبّارين علي مو ساير ....... حتى و اللوعات قهاير
عطية المباركي // اسملاّ ع العقل الملتاع ....... عليه هلب ما من مرباع
منير الفارسي // اطعمة اللوعة مو اجحدان ........ علي هاضا او هاضاك اتبان
عوض حامد // عليه اندوّر لي اسنين ....... اللِّي ما قاس اللوعة وين
محمد الفرجاني ( لقرج ) // نحسابك يا عقل اتعرّف .... ع اللِّي مجروح او ما خرّف
صقر القبايلي // فتّش فيه الخاطر تلقَى ........ جرّة نار غلا منطلقة
عوض حامد // ظهرتوا جملة مليوعين ........ انريد اللِّي مو قايس وين
منير الفارسي // خلِّيه اللِّي موّح موّح ........ صاحيب اللوعات ايروّح
منير الفارسي // انوقّض فـ اللِّي ما ينغَفّْ ...... انكنهوا مليوع ايخرّف
محمد الفرجاني ( لقرج ) // رانا ع اللوعة موّتنا ...... ما عاد اتقصُّوا جرّتنا
منير الفارسي // تعرف وين الدّيْ اميوحه ........ كان اهناك عرب مجروحه
محمد الفرجاني ( لقرج ) // كان المجروحة ما دسّت ...... يا القديم ايمتّه حسّت
عوض حامد // ما واريتي شي علينا ...... مليوعة و اللوعة شينه
محمد الفرجاني ( لقرج ) // الانظار انذهبت شيرتهن ....... ما بن يلهن في لوعتهن
صقر القبايلي // اللوعة يا عقلي هاذيك ...... بلا توراي اتبان عليك
عوض حامد // يا عين عرفتك مليوعة ........ حتى لو ما فيها نوعَى

منقول

من طرف اشرف العبيدي 2013-04-15, 3:45 am

مشكوررر عالابداع وربي يعطيك الصحه

من طرف **العاشق الصغير** 2013-04-15, 8:09 pm

مشكوره وبارك الله فيك علي المرور الطيب سمر ليبيا
مشكور وبارك الله فيك علي المرور الطيب أستاذي الفاضل اشرف العبيدي

من طرف يحيي المنفي 2013-05-07, 6:23 pm

مفتاح يادم المباركي // عمرتي بـ اولافك يا دار ..... اتباني من ممشاة نهار
عوض حامد // نعرف دار عزيز او هلها ..... ما ودَّك غير اتجوللها
صقر القبايلي // القينالك جرَّه يا سيل .....عرفته نوم الدار ثقيل
مفتاح يادم المباركي // تتقِّي يا دار اولافي ...... في الطرقي وين ايجي لافي
منير الفارسي // التبهيته في الدار اتسد ...... اوقات او هي ما فيها حد
مفتاح يادم المباركي // اتوالي دار المرهونين ...... امغير تمرِّي منها زين
عطية المباركي // سبحان الله اللِّي نحنا ...... خليَن يا عين مطارحنا
محمد الفرجاني ( لقرج ) // الجاحد مو كيف اللِّي قال .... سهارِيِّك يا دار اطوال
منير الفارسي // مازال الدار الها طاري ...... يا ماني جاحد و امواري
مفتاح يادم المباركي // دار قديم اللِّي جاهلها ...... ينشد تلقاه على هلها
مفتاح احميد // وين الدار او وين اولافي ...... فيه خبر يا عقلي خافي
منير الفارسي // كنت انورِّي ما انتورّه ...... ما اتريد اتذهبني جرّه
عوض حامد // ايام او نا يا دار انجيك ...... اسنين دلالي ناظر فيك
منير الفارسي // واخذ دار عزيز عليها ...... جيت امعا كل اطرق فيها
منير الفارسي // مازال الدر الها جرّه ...... نلقط فيها مرّه مرّه
محمد الفرجاني ( لقرج ) // دار غلاها هو الغلا ..... عمَار او نا جيَّاي الها
مفتاح يادم المباركي // نعرف فيه الصوب اقداره ...... عمر الزينة ما اتّوارا
محمد الفرجاني ( لقرج ) // اللِّي قدره في الدار كبير ..... ايجيها ما يشوا لا خير
صقر القبايلي // مازلت يا دار اتوالي ...... وجهك مو شايل في والي
منير الفارسي // ايش ايجيّبني من هاناك ...... الاّ يا دار علي غلاك
عطية المباركي // غلاها عقّلني تعقيل ....... رحيلي مو ساهل للشّيْل
محمد الفرجاني ( لقرج ) // الزينة نسّتنا للشينة ...... فيه اوجوه ايجيبن فينا
محمد الفرجاني ( لقرج ) // هاضا وين الخاطر تمّه ....... يفرق في رمّه ع الرمّه
عطية المباركي // يا عين اللِّي ايسلّف يلقَى ...... فيه اوقات ايجيبه ملقَى
عوض حامد // ايام اللوعة يا الاولاف ...... عليهن لا توّا خرّاف
محمد الفرجاني ( لقرج ) // اللوعة طامر لي زمان ...... الفاضي مو كيف المليان
عوض حامد // ديما ع اللوعات انخرّف ...... و اللِّي يسمعني يطرّف
عطية المباركي // ديما انتخايل م اللوعة ...... كيف امخايلة الملسوعة
محمد الفرجاني ( لقرج ) // لو كان المليوع حكاها ...... لوعتهم ما عاش امعاها
منير الفارسي // المتلذّع ما يرجَى حد ....... انخرّف ع اللوعة بالود
عطية المباركي // اللوعة لوعة ما تندّس ....... ابها عقلي مازال اينّس
عوض حامد // كي نلقَى ميعاد ايوالي ....... نحكي ع اللوعات الغالي
محمد الفرجاني ( لقرج ) // فيه اعقول اللوعة شالن ....... و اعقول اتحرّك ينهالن
عوض حامد // فيه اعقول ايش امبكيهن ...... لو ما تبرم لوعة فيهن ( هابا هابا )
محمد الفرجاني ( لقرج ) // قاتلتك يا عقلي جحدة ...... مانك صاحب لوعة وحدة
مفتاح يادم المباركي // تماضن في عقلي لوعات ...... امرض منهن نحسابه مات
منير الفارسي // اللوعة مازالت هي هي ....... امغير خذت غايتها في
عوض حامد // هاضا ستر الخاطر ديمه ...... يحكي ع اللوعة القديمه
عطية المباركي // تمّت لي لوعتهم عاده ....... منها ما طقّيت اوساده
محمد الفرجاني ( لقرج ) // العين ان جار عليها ضيم ...... اتجي تجريلك يا القديم
عطية المباركي // عقلي تدقل فيه اللوعة ...... ما تشكي غير الميجوعة
منير الفارسي // عندي للمليوع دباير ....... كان حكالي بـ اللِّي ساير
عطية المباركي // لوعتهم ياما ادقلتني ....... تقتل لكن ما اقتلتني
عوض حامد // لوعة مرهونين امعانا ....... مو من تو قديم ابكانا
محمد الفرجاني ( لقرج ) // حتى وين ايغيب دواهن ....... ما يشكن غير المشكاهن
صقر القبايلي // صبّارين علي مو ساير ....... حتى و اللوعات قهاير
عطية المباركي // اسملاّ ع العقل الملتاع ....... عليه هلب ما من مرباع
منير الفارسي // اطعمة اللوعة مو اجحدان ........ علي هاضا او هاضاك اتبان
عوض حامد // عليه اندوّر لي اسنين ....... اللِّي ما قاس اللوعة وين
محمد الفرجاني ( لقرج ) // نحسابك يا عقل اتعرّف .... ع اللِّي مجروح او ما خرّف
صقر القبايلي // فتّش فيه الخاطر تلقَى ........ جرّة نار غلا منطلقة
عوض حامد // ظهرتوا جملة مليوعين ........ انريد اللِّي مو قايس وين
منير الفارسي // خلِّيه اللِّي موّح موّح ........ صاحيب اللوعات ايروّح
منير الفارسي // انوقّض فـ اللِّي ما ينغَفّْ ...... انكنهوا مليوع ايخرّف
محمد الفرجاني ( لقرج ) // رانا ع اللوعة موّتنا ...... ما عاد اتقصُّوا جرّتنا
منير الفارسي // تعرف وين الدّيْ اميوحه ........ كان اهناك عرب مجروحه
محمد الفرجاني ( لقرج ) // كان المجروحة ما دسّت ...... يا القديم ايمتّه حسّت
عوض حامد // ما واريتي شي علينا ...... مليوعة و اللوعة شينه
محمد الفرجاني ( لقرج ) // الانظار انذهبت شيرتهن ....... ما بن يلهن في لوعتهن
صقر القبايلي // اللوعة يا عقلي هاذيك ...... بلا توراي اتبان عليك
عوض حامد // يا عين عرفتك مليوعة ........ حتى لو ما فيها نوعَى

من طرف سمر ليبيا 2013-08-11, 11:50 pm

جــــديد فرح وســـــام الـــجوهرى 28 . 6 . 2013

التناكه / اتصيرلى لطه فيك __ الها ثلاث مرات ياغلا

افتوحه / قيسه مو مطلوق غلانا _ ثلاث نره لط امعانا نجك نجك

التناكه / منزول خاطرى من قبل _ مافيه يا اجدد وين تنزلو

بوسيف / يانازل لاتحمابى _ مانازل عالنازل عابى

بوسيف / راكم يالولاف اتجونى _ رانى عالهيفوف خطونى

بومسعود / نزيل وطب عليه نزيل _ انخاف ايشيلنى ويشيل

بوخليل / اللى منزوله يالقديم _ اتجيها راك اتبات عديم

بومسعود / كيف اتفك اللى قدامى _ ونا بين اكتوفى رامى

بوسيف / رانى يالولاف رميه _ كيف انريد انفك رميه

افتوحه / كيف انريد جديد انلمه _ رامى حتى نا انترمه
خليفه غيث / ياعزيز نرجو فيك __ منام عالملاقا نلحقو _ نجك نجك

عيسى مختار / اتريد ياعزيز ضراى _ ونا فى ضرا غير واعره

خليفه غيث / تهايو سرقنى نوم _ اوعيت عادها غالى على

افتوحه / صاحب صوب على خاطيه _ رامى كيف انفك رميه

افتوحه / غفيت اشوى وهو جانا _ مرهون ايعدد وعانا

بوخليل / اتريدو يالولاف ضراى _ ونا متضارى يامطراى
بومسعود/حتى قولتنا خطرها _ مرات العين اتسمرها

بوخليل / ياطارى يوم التوديعه _ كيما تلمس فى وجيعه

افتوحه / عينى ماجبته حيله _ دارت فى البارح ليله

بوسيف / ضيقات احبالى جنى _ مايمشن نين ايبكنى

بومسعود جاك منام وياما درتى ليلته ياعين سمرتى
بوسيف / عينى تصنت فى عقلى _ قالتلى من جوا يقلى

افتوحه / خلك ياعين معا عقلى _ هو يقلى وانتى تدقلى

التناكه / عينى تصنت فالخاطر _ قالتلى كنا يساطر

للأمانه منقول

من طرف **جمال المروج** 2013-08-11, 11:52 pm

العين ان جار عليها ضيم ...... اتجي تجريلك يا القديم

من طرف **العاشق الصغير** 2013-09-28, 12:01 pm

قليل من عليك ايخاف@ساهل وموش ساهل ياغلا//فيصل مفتاح
امغير هيت لمداراه@الا ساهله دورت الغلا//منصف بوغياضه
مالساهل ادير عزيز@وقليل من ايقيم الغلا//ابراهيم بوعزيزه
وياعزيز راه ايضيع@امشي عليه بشواش الغلا//بوغياضه
ايخاف عالغلا مالنقص@داير عزيز نحسابا الا//بوعزيزه
ايساند امعاك العقل@امغير عالغلا داجي اشوي//بوغياضه
غلاي ما ايطولا نقص@يعمر عزيز لو داجا اشوي//بوعزيزه
ماباتن الا عالدنو@لو خذيت راي فالغلا//بوغياضه
اعزاز بدروا بالنقص@امعاي عالدنا ماوكلوا//بوعزيزه
في نيتي انغالي غير@ليدين الاحنن وين يلتقن//فيصل مفتاح
وديتم غلا لولاف@اتقول فيه ريبه وخروا//فيصل مفتاح
م ن ق و ل

من طرف **العاشق الصغير** 2013-09-28, 12:03 pm

حوار بين الغناي مرعي بوفرنة و الغناي إبراهيم بوعزيزة //
يا العين كان ضاق العلم ........ ما عاد عندنا فيت دارهم ( بوفرنة )
اقبل جميل خلَّه دار ....... انضاق علم نرمي شورها ( بوعزيزة )
انت دواي و الاَّ داي ......... ما بيت يا ابكا الدار نعرفك ( بوفرنة )
ابكا الدار ياما جاب ........ نحسابه ايداوي ايمرضَّك ( بوعزيزة )
مرات البكا تهوين ......... او مرات هو اسباب امراضنا ( بوفرنة )
حقَّك علي نبكي فيك ......... لو كان يا الدار ايجيبهم ( بوعزيزة )
بـ ابكاها العين عليه ......... يسكت ايام و ادِّير في نوَضْ ( بوفرنة )
العزم راه خير او خير ......... انسَى عزيز ما ايجيبه ابكا ( بوعزيزة )
م ن ق و ل

من طرف **العاشق الصغير** 2013-09-28, 12:09 pm

باين عزيز فاهق شين @ علي اعربا مابا ينتسا ... بوعزيزة

مو ساهل اغياب عزيز @ كان غيرهن اعزومي شاويا ... بوعزيزة

لو كان مو عزيز عزيز @ عليه ماادموعي يسقطن ..... بوعزيزة

انكابر انقول انسيت @ بيني وبين روحي منقهر ... بوعزيزة

غيبت عزيز تبي عزم @ وخيذا ونا ماني الها... بوعزيزة

اعزاز طاولو مانشدو @ ونا ارياف عقلي داربا... بوعزيزة

في غيري ونا انشغلت @ عزيز مانشد قيسا الهي .... بوعزيزة

رينا الوقت بصرا شين @ في الهود نذرفوا كان غيرنا .... بوعزيزة

بين ليلة ويوم امنيش @ تغيرت الاقدم صاعبا علي.... بوعزيزة

ومو اموالفا مالغير @ في اللي ايخرب وين ماتقدرا....بوعزيزة

عزيز قبل جا للميح @ اعربا غيروا رايا علي.... بوعزيزة

اللي امحارقا فالعقل @ غيبيت عزيز في يوم دنا .... بوعزيزة

يا اعزاز هم اللي ناقصين @ يالعقل هو اللي موش لولي... بوعزيزة

غفيت يالعين ورقت @ اللى وين ماافضيلي غني ... بوعزيزة

هايلها العين اتحلم @ قديم فاضوتا مي امصدقا .... بوعزيزة

عزيز شال في انظرا @ انظري غير شالتا فالخلا.... بوعزيزة

غلاهم له مكان اوحدا @ عندي اعزاز مو كيف غيرهم .... بوعزيزة

نهلب ايشيل في انظرا @ نحلف عليك فاضي ياغني .... بوعزيزة

م ن ق و ل

من طرف **العاشق الصغير** 2013-09-28, 12:18 pm

ابراهيم بو عزيزه:
مرهون ما ايجيب اعداد ... جميع ملي داير غلا
ابراهيم بوعزيزه
امغير لجل ماضى فات ... عذار لولي قابلينهن
مرعي بو فرنه
لعزاز ما القيت عذار ... نمشيبهن ابهن نين ننستر
ابراهيم بوعزيزه
ما جينا على لولاف ... امعاهم قاله وقتنا
مرعى بوفرنه:
انجي انطيح بين ايديك ... نين ناخذ سموحي من الغني
ابراهيم بوعزيزه:
رجوني او طال رجاي ... اعزاز ذنبهم فى رقبتي
مرعي بوفرنه:
وايديه عاقبات وراه ... جاكم العقل و الراي عندكم
ابراهيم بوعزيزه
امنين ما انشيل انظري ... نلقاهم اقدم مالكيني
مرعي بوفرنه:
عزيز ما عليه انهون ... ازعله غير وقت او يخذا
ابراهيم بوعزيزه:
غلا اعزاز كيف الروح ... ان هانت ايهونو كيفا
م ن ق و ل

من طرف **عبدالحفيظ عوض ربيع** 2013-09-28, 5:03 pm

اهلا بك فى البدايه وكنا ننتظر عودتك وانت من العناصر الهامه فى المنتدى واشرافك على منتدى الشعر حمل ثقيل استطعت ان تسير به الى الامام بكل قوه
مشاركه رائعه تشكر عليها

من طرف **العاشق الصغير** 2014-01-29, 12:12 am

حميد السعيطي
عنا نهار وين انغيب:::::::::::::ارضي عزيز موساهل علي
منعم امسيويد
سطيرهن امواير بري::::::::::اجروح الغلا حاملينهن
حميد السعيطي
نلقي العذر ما نلقاه:::::::::طواطي علي غيبتي الهم
منعم امسيويد
ايش دارلي عزيز ازعما:::::::::::نمشي بعذر نلقاه ينتسي
حميد السعيطي
غلاي مو غلا توهيم::::::::::::بشهوده عما عيني علي
م ن ق و ل

من طرف **العاشق الصغير** 2014-03-29, 12:03 am

افتوحه •° الدار اتريد اروادة عام •° الي مستعجل قال اقسام
بو سيف •° ننشد و ين انياقت صوبي •° غير اقدم مابوا يشقوبي
بو خليل •° عزيز انركحلا الشراب •° سوا قسمي جاب انما جاب
بو سيف •° عارف لولاف طرازتم •° غير هذي ميش افصالتم
سالم •° امغير علي توسيعت بال •° اطولي ف الي ما تنطال
عوض •° الصوب انديرولا في ميح •° سطاوا موش رقادة ريح
بو خليل •° الي تحكم صوب العقال •° انجوها من يالا لضلال
وسام •° عقلي خاطيته النقيده •° عندا لصوب اتحلبيده
عوض •° الصوب القيت مصبه جاي •° قعدت انوتيلا في ناي
بو رحمه •° غلا واجد يبي تركيح •° الي تعقب مرات اتريح
بو سيف •° ديمه خلي عينك منا •° راه الصوب اسيولا جنا
بو سيف •° الغيم الي حقيتا نا •° امحمل يا لولاف غلا
افتوحه •° اشبوب عرفته جايب سيل •° قعدت انايلا م الليل
بو رحمه •° افرحنا يا غالي ب الغيم •° عرفنا صوبك مو توهيم
عوض •° يا صوب طراقيع شرابك •° يصلن ف المندار احسابك
حواس •° حقينا دونك يا غالي •° زربه ما يهلبها والي
بو رحمه •°‎ ‎عرفنا صوب قديم إيرد •°‎ ‎نظرنا مزنه مالاحد
حواس •°‎ ‎مرابط يا القديم غلاك ادعي شر الي يدباك
عوض •°‎ ‎عرفناك امبين ب اشبوب قعدنا قدامك يا صوب
بو خليل •°‎ ‎امطار الصوب انكانهن لي‎ ‎•° ايطيحن و النايات علي
افتوحه •°‎ ‎ابوارق ف المغرب شينات •° قعدت انوتي في نايات
بو سيف •° غيم غلا لولاف اقريب •° ماسك ف الجابر و امريب
حواس •°‎ ‎كان خطر لولاف غلاهم •°‎ ‎ما يربح مشاي وراهم
بو سيف •°‎ ‎غلاهم خلاني شافق •° انبهت من عند الفاهق
بو خليل •°‎ ‎نظرت ابروق اخلاط ظلام •° قعدت انرخي في لرمام
سالم •°‎ ‎امواليني مرباع الصوب •°‎ ‎اشبوب إيطيح عليه اشبوب
عوض •°‎ ‎مرباعك يا صوبي طول •°‎ ‎كل اشبوب إينسي لول
بو خليل •°‎ ‎جا للعين اشبوب محنه •°‎ ‎تنبل و ما تشكي منه
بو سيف •°‎ ‎عرفتك تمسكني يا صوب •°‎ ‎علي بدرييك طاح اشبوب
بو خليل •°‎ ‎كل اشبوب نزل في وانا لا تجفي لانك عطشانه
عوض •°‎ ‎غلاي بداري طاحن فيه و حتي مارس جاد عليه
افتوحه •°‎ ‎جهوه يوم ولا خر مزنه •°‎ ‎ماعد يا صوب اتعوزنا
افتوحه •°‎ ‎كل اشبوب وراه سخانه •°‎ ‎عمر الصوب طويل امعانا
سالم •°‎ ‎يوم اشبوب ولاخر دافي •°‎ ‎غندق يا مرباع اولافي
عوض •°‎ ‎يا صوب وطاتك يا لانا •° راس الحول و هي ريانا
بو خليل •°‎ ‎بداريك يا صوب اكبار •° قعدت انمني في لنظار
بو سيف •°‎ ‎اعزاز غلاهم مو تنقيع •° ربيعه عالق فيه ربيع
وسام •°‎ ‎نا واعزاز علي غايتنا •°‎ ‎في عيرتم شمسايتنا
افتوحه •°‎ ‎القبلي نسمعبا اسمعان •° غلا و زنايق لي زمان
حواس •°‎ ‎المرباع إيحودد يا عين •°‎ ‎امطول صوب المرهونين
سالم •°‎ ‎غلانا صارن في ارجاع •°‎ ‎تباعد غادي يا دشاع
حواس •°‎ ‎انكان علي عمر المرباع •°‎ ‎انقولوا صوب الغالي ضاع
بو خليل •°‎ ‎عارت نا و عزيز مطرنا •° حتى الصوب احسابا درنا
عوض •°‎ ‎يا صوب وطاتك نباتا •°‎ ‎عقلي ما خابن راياتا
حواس •°‎ ‎ايموتوا لخرين و ما مات •° غلانا يا غالي عامات
سالم •°‎ ‎نا و اعزاز غلانا ديمه •°‎ ‎قاعد ميسوم بلا سيمه
وسام •°‎ ‎في اعزاز خذوا غايتم طاح حريري في سدرتم
عوض •°‎ ‎بعيد علي شهاد الزور •°‎ ‎ربيعك يا صوبي امحجور
بو خليل •°‎ ‎غلاي الي ما ليلي عين‎ ‎•° انموت ما طالنا دين
بو سيف •° صوبك في صفطت حمالي •° قاعد قدامي يا غالي
سالم •° غلانا قاعد بين احدود •° امصوقر من غادي امعدود
حواس •° غلانا يا القديم كبير •° العام هذا والا خير
بو خليل •° الي وين انفتش نلقاه •° انمت أيموت امعاي غلاه
بو سيف •° صوب اقدم غيره ما درنا •° ديمه في حجنه جابرنا
سالم •° غلاي اسقم لاقدام •° قعد عام إيزابي في عام
وسام •° غلانا حطيته في كاف •° طميره نا و يا لولاف
حواس •° عمرك يا مرباع اقصير •° لاكن عمر العين إيحير
بو خليل •° فيه مخاطر و ين إيجني •° تستفرع يا عقلي مني
عوض •° خطرلك نوع و نا في نوع القيتك يا عقلي مفروع
بو سيف •° عندي عقل انظاري كده •° ديمه يستفرع وانرده
سالم •° العقل اتقول عليه اخصام •° امطرطش ما لمه لمام
افتوحه •° الخاطر كل طريق انشد •° إيسيبني فيها و ايريد
عوض •° يا عقلي تسارق ديمه راك اتجيب امعاك ظليمه
بو خليل •° عقلي تسرق فيه تبيعه ما بديت علي تنويعه
بو سيف •° كثرت يا عقل امخاوشتك •° تجفل هك و هك و حشتك
سالم •° العقل إيخايل ليل نهار •° امعانا ما كمل مشوار
عوض •° عقلي يالاه نواطيره •° فض سريب وجابد غيره
بو خليل •° انعارك عابي ع النهاي •° اللقيته هو لول بكاي
بو سيف •° عقلي متواكي ع القشه •° تمه يشكيلي من طشه
افتوحه •° الخاطر كي الرفيق الي •° امعاك و مو قابلك دي
سالم •° عقلي كي الرفيق الخاين •° فيدي والغيري يزاين
بو سيف •° ربيب و ضره نا و ياه •° الخاطر حسي غير امعاه
عوض •° الخاطر ناصبلي نقناق •° إيقول انخاف إيسير افراق
حواس •° كان انفتش في جرتم •° ياما نلقا في قاعتم
عوض •° كمل يا عقلي مشوارك •° تمشي واترد علي نارك
حواس •° امرايف يا القديم عليك •° امسك حوليها لم اتجيك
سالم •° ديمه عند العين مخافي •° لاكن نختلها ب اولافي
بو خليل •° بكايات غلاي تلاقن •° دارن نوع طويل وراقن
م ن ق و ل

من طرف AHMED ALEX 2014-03-31, 6:35 pm

غناوه وشتاوه بين الغناي فرج الحمر
والشتاي حميد بوزريبه

فرج الحمر
فينا اعيونهم ياعين قريب
طحت من شيلت القدم

بوزريبه
من شيل اعيونا جارحنا
ياعين قريب الا طحنا

فرج الحمر
في وادي ونا ياعين
في وادي اخرا صاحب الغلا

بوزريبه
يامليوعا نا واريادي
كلتنا تما في وادي

فرج الحمر
كبت ادموع يوم خطاه
واليوم عايشا كيف العرب

بوزريبه
عزيز بكينا يوم خطاه
وعشنا كيف اعباد الله

فرج الحمر
عقاب عزم عندنا ياعين
نمشوبا لدار القدم

بوزريبه
عندي خاطر عزما دوبا
شور اوهام اقدم نمشوبا

فرج الحمر
كذا انراهنك ياعين
نطريلك غني وماترقرقي

بوزريبه
شن رايك كان تراهنا
نطريهم ماديري غنا

فرج الحمر
عدو اعربي شور اعربا
عزيز غير زعالا روحو

بوزريبه
شور عرب جارحنا عدو
هلنا غير زعالا ردو

من طرف **العاشق الصغير** 2014-03-31, 6:43 pm

مشكور وبارك الله فيك خوي أحمد

من طرف **العاشق الصغير** 2014-03-31, 6:54 pm

> عاشور بوجازيه
......
سدوه ب الجفا وارحلو ### مسرب النوم لولاف القدم
......
منير الفارسي
.....
مسرب يا القديرم الغفوه ### شلت وسديته ب الجفوه

من طرف **العاشق الصغير** 2014-03-31, 7:10 pm

> مرعي بوفرنه // ايقول :

مابيت ياعزيز أتهون /...................................../ عليك حن فينا ضرنا

صالح بورحمه // قال :

كله مالحن اللي فينا /................................./ مسع هان عزيز علينا

!!

من طرف **العاشق الصغير** 2014-04-06, 8:20 pm

طاهرالحطحاط..
لاقانى قديم ودار@@وجها للخلاء خوف ماالعدد
ﻓﺮﺝ ﺍﻟﺤﻤﺮ ﺍﻟﻔﺎﺧﺮﻱ
ﻋﺰﻳﺰ ﻣﻦ ﻣﻼﻣﻲ خاف@@ﺧﻄﻲ ﺟﻠﻮﺗﻲ ﻭﻳﻦ ﺣﻘﻨﻲ
عبدالسلام الفلاح بولغيب العقورى
يحسابني انعد عليه @@ قديم دار وجها للخلا
ﺟﻤﺎﻝ ﺍﻟﻘﺒﺎﻳﻠﻲ
ﻋﺰﻳﺰ ﻋﺎﺭﻑ ﺍﻟﻠﻲ ﻓﻴﻪ
ﺍﻳﻬﺎﺏ ﻑ ﺍﻟﻤﻼﻗﺎﺓ ﻡ ﺍﻟﻌﺪﺩ
ﺍﻛﺮﻡ ﺑﻮﺧﺮﻭﺑﻪ
ﺍﻟﻌﻴﻦ ﻣﺎﻟﻘﻴﻠﻚ ﻋﻴﻦ@@ﻋﺎﺭﻑ ﻗﺪﻳﻢ ﺭﻭﺣﺎ ﻇﺎﻟﻤﻚ
ﺧﺎﻟﺪ ﺍﻟﺪﺭﺳﻲ
ﻋﺎﻟﻨﻘﺺ ﻳﻮﻡ ﻟﻤﻼﻗﺎﻩ@@ﻣﺎ ﺍﻟﻘﻲ ﻋﺰﻳﺰ ﻭﻳﺶ ﺍﻳﻘﻮﻟﻲ
ﺳﻠﻴﻤﺎﻥ ﻋﺒﺪﺍﻟﺮﺣﻤﻦ ﺍﻟﺤﺪﻭﺛﻲ
ﻋﺰﻳﺰ ﻣﻮﺵ ﻻﻗﻲ ﻭﺟﻪ@@ﻳﻠﻘﺎﺑﺎ ﺍﻟﻠﻲ ﺧﺎﻥ ﻋﻬﺪﻫﻢ
ﺣﺎﺗﻢ ﺍﻟﻌﺒﺎﺭ
ﻃﺮﻑ ﻫﻨﺎﻙ ﻻﻗﻴﻨﺎﻩ@@ﻋﺎﺭﻑ ﻋﺰﻳﺰ ﺭﻭﺣﻪ ﺍﻧﻪ ﺍﺧﻄﻰ
ﻣﺤﻤﺪ ﻳﺎﺩﻡ ﺍﻟﻌﺮﻳﺒﻲ
ﻣﻠﻴﺎﻧﻴﻦ ﻋﻠﻲ ﻏﺎﻟﻴﻨﺎ@@ﻻﻗﺎﻧﺎ ﻣﺎﺑﻬﺖ ﻓﻴﻨﺎ
ﻓﺘﺤﻰ ﺑﻮﻟﺒﻴﻀﺎ
ﺍﻟﻐﺎﻟﻲ ﺧﻮﻑ ﺍﻧﻌﺪ ﻋﻠﻴﻪ@@ﻳﻄﻴﺶ ﺧﻼ ﻭﻳﻦ ﻻﻗﻴﻪ
رمزى بوبرمه..
خافو ﻣﺮﻫﻮﻧﻴﻦ اعدادى@@ﻧﻴﻦ ﺍﻳﻬﺎﺑﻮﺍ ﻓﻲ ﻣﻴﻌﺎﺩﻱ.
م ن ق و ل

من طرف **العاشق الصغير** 2014-04-06, 9:24 pm

قعده خاصه خلاه( منطقة الحنيه)(((حوار عالوطن)))
ربيع الدرسي>منطقة الحنيه>بوبكر بوعجيله منطقة مسه//////
ربيع الدرسي
انضاع الغلا انعازوه::وانضاع ما ايتعازه وطنا
بوبكر بوعجيله
سيور طنا ميخوذ::وانما اصابة كلها
ربيع الدرسي
الوطن في ما من بير::والناس توجعك ماتت عطش
بوبكر بوعجيله
اويا العين جبنا ناس::يشقوبنا شقو برواحم
ربيع الدرسي
عالوطن كان دام الحال::ايجي نهار وايشوخ العدو
بوبكر بوعجيله
الي مو امخطوف طروه::مقتول في فجاوي مريبه
ربيع الدرسي
امغير ياخذو ما ايعطو::وزاينه عرب ما ينفعو
ربيع الدرسي
الي مات ماعدوه::يانويرتي علي روحا مشا
بوبكر بوعجيله
سيور وطنا ميخوذ_انما اصابو كلهم@
ربيع الدرسي
الي أينوض فيه ايشوخ الوطن كان غيره ماخرب
ربيع الدرسي
الوطن راح كيما راح@الي عليه ياعين عاروك::هابا هابا
بوبكر بوعجيله
يمالا ه عزيز هذاك@الي هذه تما حاله
ربيع الدرسي
راحو عليه واجد ناس والوطن واجعتني ماعمر
بوبكر بوعجيله
من تحت يالعين اتحت الوطن فيه ناس ايخربو::ديما ديما
ربيع الدرسي
فالوطن عقابين اوحود_مالسد ر فالحرير ايخلصو::
:::::؛؛؛واسلمتو
م ن ق و ل

من طرف **العاشق الصغير** 2014-07-06, 5:00 am

السلام عليكم ورحمة الله وبركاته
ادارة ومشرفي واعضاء وزوار
منتديات عيت ارفاد التميمي
كل عام وانتم بالف خير
وينعاد عليكم بالصحه
وتقبل الله منا ومنكم الصيام والقيام وصالح الاعمال
الاخوة ادارة المنتدي والمشرفين والاعضاء
في منتدي الغناوي العلم والشتاوي
جميع الفواهق موجوده واللي موش موجوده فيه كوكتيل غناوي علم وشتاوي
ارجو من الجميع التقيد بعدم تنزيل اي موضوع جديد وهو موجود من قبل
اكد علي الموضوع وكان مالقيتا اكتب في الكوكتيل او غطيتك ايام الصقع
ومشكورين علي التعاون للرقي بالمنتدي وبارك الله فيكم
أخوكم
العاشق الصغير

من طرف **العاشق الصغير** 2014-07-11, 11:21 pm

الشريمـــــة

غــــلاي ندفنــــــه وانمــــوت قطيعـــة الــــوااا مـــانسيبـــــه

بـــوخلــــيل

ولا يقطـــع ياعـــين الـــواي __ انحطـــة تحت الحـــود غـــلاي

من طرف **العاشق الصغير** 2014-07-12, 12:17 am

[size=15]
@ مهدي عطايا @
دواك وانت جاحد داك = يا العقل من ايريد ايجيبلك

@ فتوح بوخيرالله @
راني اجروحته داويت = دواي كان لوكان عارفه

@ مهدي عطايا @
ما انريد بوبحيبا داك = نوحا ياك نلقاله دوا

@ احمد الشيهني @
لوكان المليوعه داها = نوحوبا ما سيبنها

@ فتوح بوخيرالله @
مليوعه عارف مافيها = موكل طبيبي ايداويها

@ بو اصليب @
تباعد يا القديم دواه = الخاطر نين اصتاصل داه

@ مهدي عطايا @
العين مرظها مو امعلوم = انظر تحكيبا فين يوم

@ سالم حمدان @
لوكاني عارفتا ما فيهن = راني لنظار امداويهن

@ وائل الشيهني @
عارف نا ياعين سريبك = لاكن مابا طب ايجيبك

@ مهدي عطايا @
الخاطر يا لنظار ايحس = امغير ايش انديرو للدس

@ محمد الافي @
اليوم مرضها مو امعروف = العين عليها خايف خوف

@ وائل الشيهني @
عندي عين مرضها باين = غير اوحل فيها لمعاين

@ مهدي عطايا @
كان ابما فيها تحكيله = يبريها في يوم او ليله

@ مهدي عطايا @
احكلي يالنظار الدا = انما طبتن مانبقا نا

@ مهدي عطايا @
داك اللي ما حكيتيبه = صيورك يوم اتموتيبه

@ احمد الشيهني @
بلي فيك احكي يا شومه = مالي فينا عارف يومه

@ مهدي عطايا @
مادويت العقل اجروحه = هو جحاد ونا مانوحه

@ سالم حمدان @
جرح العين اللي جحاده = كل نهار ايزيد ازياده

@ احمد الشيهني @
صفي يا مليوعه لانيه = سيلي ميت حي الدنيه
— مع ‏عبد الكريم بوعزيزة‏ و ‏‏9‏ آخرين‏.

اماسكة غنايا وشتايا (أقربني جاي ) - صفحة 5 10275980_1489590064586472_7251015483465658470_n

اماسكة غنايا وشتايا (أقربني جاي ) - صفحة 5 10275980_1489590064586472_7251015483465658470_n

م ن ق و ل

[/size]

من طرف **العاشق الصغير** 2014-07-12, 12:30 am

خاص خالد محيميد
راه قال مارمشلي جفن...بدعا اليوم قالولي غني
خالدالدرسي
قديم ويش جاد عليه:::::::من قبل كان مايرايف علي
خالدامحيميد
من هنا نين يالولاف...نرضيكم اونا نحكيلكم
خالدالدرسي
نادم ايقولي يا عين:::::مني عزيز مايريد ياخذا
خالدامحيميد
العين طارحه مالصبح...للحق ياعزيز افراشه
خالدالدرسي
لعداد عايفين اعزاز:::::منهم احقوق نبوهن وهم
خالدامحيميد
فاللي ايريدها مرهون ...الجري راه توا جرينا
خالدالدرسي
رايف عليك في هالوقت::::::مبعد اسنين ياعين الغني
خالد امحيميد
في حال صايفه يلاه...عزيز شد حيله مانضر
خالدالدرسي
من نومهم اليوم انشدو::::وعيو اعزاز سبحانا الله
خالدامحيميد
لحكايتي علي ايعفو ... اعزاز كان غير اصنتوا
خالدالدرسي
بكاك يا العين اهلبك:::::منا عزيز ترجي فيسما
خالدمحيميد
مالوقت ياعزيز اوقات...تنسا العين فاللي فيدها

م ن ق و ل

اماسكة غنايا وشتايا (أقربني جاي )

اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )

رد: اماسكة غنايا وشتايا (أقربني جاي )