الدجـــــــــــــاج المحشية

من طرف المرتجع حنتوش 2011-10-21, 12:15 pm

نبتدي الوصفه
فرخه متوسطه و يا ريت لو صغيره متبله كويس ببصل مبشور و طماطم مبشوره و فلفل و ملح و رشه حبهان
نصف كوب ارز
بصله مبشوره متوسطه
كبد فراخ حوالي نصف كوبايه مغسوله كويس بملح و خل و مقطعه صغير
معلقتين سمن
ملح و فلفل و بهار و رشه جنزبيل

الطريقه :

1-شوحي البصله علي النار لحد ما تبقي دهبي و ضيفي الكبد و قلبي
2-لما تلاقي الكبد لونها اتغير و اتشوحت مع البصله ضيفي البهارات و ملح و فلفل و رشه جنزبيل بس شويه بهارات حلوين
3-حطي كوبايه ميه و سيبيها تغلي شويه و بعدان ضيفي الارز المغسول طبعا و منقوع شويه
4-لما الارز يغلي و يتشرب الميه حتلاقي لونه اغمق من البهارات و الكبد اقفلي النار و تبقي الحشوه جاهزه
5- هاتي الفراخ المتبله و احشيها و دخلي الرز بيو الوراك و الجوانب و الصدر طبعا و قفلي رجلاها بالخله

-ادهنيها
من بره سمنه و بعدان انا بحطها في كيس الفرن بتستوي و تتحمر و بتطلع حلوه
،بس خليها علي الرف اللي في النص او لو ما عندكيش حطيها في صينيه و عليها
كوبايتين ميه و غطيها بورق الفويل و لما تفتحي عليها و تستوي شيلي الفويل
علشان تحمر
بس لا تسلقيها الرز بيعجن و نكهته بتنزل في الشوربه