الشاعر حسن الاقطع ـ قصيدة "بلها"

من طرف اسماعيل ادريس 2011-11-20, 1:09 am

لا تريدني ولاني قريب لهلها ** ولاني خواجة نين ناخد بلها

لانى لهم من غادي ** ولانى خواجة واجدات ادوادى
ولو سمح لونى كيف لون مرادي ** ولا عللي يبقى زين كيف عللها
بحرها غريق الجّـال بنت ابوادى *** تقيم الدلال وباتها دللها
طويلة وبيضا والعيون عوادى ** وشعل بسواد ملويات خجلها
وتضحك على لبسى وشين سوادى ** حتى لو كملت دموع ما نشغلها

لانى قريب قريب ** ولانى غنى صاحب شوى وركيب
حداها كمل عمرى ونا نذيـّب ** وهى مخادعة تنقض اللى نفتلها
مغيرتى عليها نرتضى وانسيّـب ** نهاب الطواطى نستحى نجّـلها

لانى قريب دماية ** ولانى غنى صاحب اموال هتايا
ولاتحب لى جيه ولاسهرايه ** ديما تبولط واجدات سبلها
تشـّـاقص تدور ع الخراب معايا ** بغلطة بلا غلطة يصير زعلها
هناك ميط م الغية اللى تهناية ** تقطيعتك لها ولغيرها تتولها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~