زدنا عللي الوطن قالوا عزلنا ..أنسى فعل هلنا ..الغالي ال

ا

زدنا عللي الوطن قال الشريف ..الجنب الضعيف ..اتزقه وتلقاه ساهل خفيف ..

وناسي علي فعل مقدر عسيف ..اطمع في سهلنا ..تمل المناديه هزوة جملنا

زدنا عللي الوطن وانكان زدنا ..المقعد وحدنا ..لنا ايريدوه يانا قعدنا ..

نربوا على حب وطنه ولدنا ..متورخ جبلنا ..سطور التواريخ فيهن شملنا ..

ولانا اللي وين ضاقت لهدنا ..على من قبلنا ..انهدوا بلا قدر تكثر سبلنا ..

ولانا ورا كل ثائر انقدنا ..انخلوا عللنا ..امشوهب انردوه وقتا حصلنا

زدنا عللي الوطن ثقلن حموله ..اساهل انزوله ..ينزل ولا طاع لرمام حوله ..

يكرب على جنب ولاى يولا ..عماير جدلنا ..لهن في جوازلهن إمراض فتلنا ..

انساتروبهن في بيت خايل زوله ..حولهن عدلنا ..يردن مع الطل فيهن اوحلنا ..

وتصلى ويالاك مربط ابغولة ..صلاتك كفلنا ..جازت ولا فوق فرده بغلنا

زدنا عللي الوطن قالو جماعه ..اللي زاد باعه ..ويمسك اللى فيه واثق اكراعه ..

ولانا غواطين ماليين ازراعه ..ولا عاد صملنا ..ولانا اللي عف الأنفس قتلنا ..

اربينا علي زين شايب اطباعه ..أتشاور هبلنا ..يدلك ولا عمر صاحب خذلنا ..

ولانا اللي وين صارت نزاعه ..ايغث امغزلنا ..ونرموا علي الظل يا سيد قلنا ..

وان جانا فحل ظلم صايل اذراعه ..وروسم فحلنا ..أتوقع جماويل جوشة نحلنا ..

زدنا عللي الوطن قالوا اكثرنا ..عليه ودفرنا ..وماعاد على عقل والى خطرنا ..

وحتى اللى كان رايم نفرنا ..وكاره عللنا ..وداير طوابير واحنا هملنا ..

وجدن مفاعيل منهن سمرنا ..اسمور وذبلنا ..ولثنا علي لرض شايط بللنا ..

وحتى اللي كان صاحب نكرنا ..وخيب املنا ..وسكر البيبان ما فيه طلنا ..

زدنا عللي الوطن قالوا عزلنا ..أنسى فعل هلنا ..الغالي اللي فيد ياما بذلنا ..

زدنا عللي الوطن قالوا عزلنا ..
أنسى فعل هلنا ..الغالي اللي فيه ياما بذلنا ..

مشكور على هذه القصيدة ...
هذه القصيده للشاعر مراد البرعصي بعد إحالته على القوى العاملة

تشكر علي القصيده الرائعه

امنورين علي النتابعه
حبه المسك
قلب العروبه

مشكور

وجدن مفاعيل منهن سمرنا ..اسمور وذبلنا ..ولثنا علي لرض شايط بللنا
مشكور وتقبل مرورى ارجوا التركيز فى ارسل مساهمتك

مشكور اجويدا على هذا القصيده

مشكورين جميع الاعضاء علي المرور
حمدي عريف والهي مافهمت

القصيدة التي ارسلتها لقد ارسلتها مرتين وافهم

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل