راحن وين هلي بيهن هدادات (صوابع سيف الاجرام )

من طرف **العاشق الصغير** 2011-12-07, 7:10 am

راحــــــــــــــن وين
هاللى أبهن هددت يامسكيـــــــــن
صوابع الظلم اليوم
مش هــــــــــددت
ولنا مخاطــــــــــــــــــــر واجدة عددت
وتقسيــــــــــــــــم دولة صامدة أيدت
علينا حكيت وقلت خوانيـــــــــــــــــن
واليــــــــــــــــــــوم طايح بيننا وقعدت
مكســــور خشمك منغرس ف الطين
وين كلامـــــــــــك
نريد نسألك بالله وين إبهامــــــــــــــك
راحن أحلام الغد فــــــــــــــى أوهامك
طاحن عروش الظلــــــــــــــــم يالعين
لافاد سيفك لانفـــــــــــــــــع إسلامك
جابك دعاء اللــــــــــــى ظلمت سنين
عدن تهاون للأسف أيامـــــــــــــــــــــك
عيط عليهن نوح أبكـــــــــــــــــــى نين
تنظر دموعك سايلــــــــــــــــــــة قدامك
تحس بمشاعر ناس مسجــــــــــــونين
عليهم حكمت بجور فــــــــــــى إعدامك
لاشرع تفهم لاعرفت الــــــــــــــــــــــدين
أبليس زارك ألبسك إحرامـــــــــــــــــــــك
حجك طوافك بين سكرانيــــــــــــــــــــــن
والكاس شيخك والمجون إمامــــــــــــــــك
وضوء أتوضا بدم مظلوميــــــــــــــــــــــــــن
صلاتك وقارك كذب إنسجامـــــــــــــــــــــك
ركوعك سجودك بينهــــــــــــــــــن كاسين
واليوم طاحـــــــــــــــــــــن ع الوطا أصنامك
والشعب رد الصاع لك صاعيـــــــــــــــــــــن

تحياتى للجميع
الشاعر \ سفيان بوطيغان

راحن وين هلي بيهن هدادات (صوابع سيف الاجرام ) 944316