طحلوووب وثائر

طحلوب قال:
خسارة قالولي انشقيت بعد حاميت وعهد وميثاقين عطيت..
كنت تغار على وطنك ما تهاب النار.. اليوم رفعت علم العار بعيني ريتك بيه رقيت..
ودست علي راية الاحرار الخضرة مافيها تخطيط رمز العزة والافتخار لون الجنة كان نسيت..


رد عليه ثائر حر ولد الاحرار :
انشقينا و ما درنا العار و عاهدنا كل الثوار ..
خوتي ليبيين احرار صقورا ما يهابوش النار ..
انشقينا مادرنا هبال و علينا راية الابطال ..
ترفرف على كل الجهال نجمة و محليها هلال ...
انشقينا و مادرنا الشينة و الخرقة الخضراء نحينا ...
و معمر جيفة خلينا و صوابع ولده قصينا ..
انشقينا و كلنا خوت غير انت راسك مربوط ..
مسكر ديما لين تموت جاهل و مانك عاقل ...
و كان كلامي منه غاضب بحر عندك منه تشرب...
كلامي لا عيب و لا سب و توا اللي صار انكتب


صح لسانك ياثائر يا حر