لوكان فيك نصيب

لو كان فيك نصيب
غصبًا علي الايام طرح وطيب
يسير قسمنا

يا اللي غالي
غلاك نين ما يفداك عندي والي
وديما ملامح صورتك في بالي
واضحات ما لحظة على تغيب
وانكانهو سرح يسرح معاك خيالي
وانكان هو حكا عقلي يجيب سريب
حْكاية غلاك اللي اكْبَرْ تمَّالي
رفيق وعزيز وخيرة الصاحيب
معاك انَتْ نزهى والحياة تحلالي
و م العيش دونك في الحياة يطيب

يا سبايب نوحي
ويا روح جوَّا ساكنة في روحي
يا ريت يبقى كاتبك في لوحي
المولى ومن عيني تكون قريب
ونْروَّق ونبني من جديد اصروحي
وننسى شقاى ولوعة التغريب
بيك يا علم يبرن جميع جروحي
وليش ما يطيبن وانت لي طبيب
وان كاني اخطيت دناك مومربوحي
بلاك ماعليه اطْعمه عمر عطيب

غصبًا على فرقانا
يسير م الدنا لو رايده مولانا
كنِّيب خاطري يزهى عقاب زمانا
معاك في الغلا قبلاً الراس يشيب
وكنِّيبها عيني اللي سهرانا
كي الناس تاخذ م المنام نصيب
العالم الله بما يسير معانا
سبحانه مْقدَّر كل شي تسبيب
دعيته يجيبك يا عزيز احذانا
ربي وربك ما عليه صعيب

وديما ملامح صورتك في بالي
واضحات ما لحظة على تغيب
وانكانهو سرح يسرح معاك خيالي
وانكان هو حكا عقلي يجيب سريب

مشكور خوي العاشق

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق

مشكـــــــــــــــــــــــــ يابوأدريس ـــــــــــــــــــــــــور علي المرور