لوكان فيك نصيب

من طرف **عبدالحفيظ عوض ربيع** 2009-08-22, 3:06 pm

¤¤ لــــو كان فيك نصيــب .. غصبآ علي الأيام طرح وطيب .. يسير قسمنــا ¤¤
يا اللي غالــــي .. غلاك نين مايفداك عندي والي
وديما ملامح صورتك في بالــــي .. واضحات مالحظة علي تغيب
وإن كان هو سرح يسرح معاك خيالــــي .. وإن كان هو حكى عقلي يجيب سريب
حكاية غلاك اللي اكبر تمالــــي .. رفيق وعزيز وخيرة الصاحيب
معاك انت نزهى والحياة تحلالــــي .. ومـ العيش دونك في الحياة يطيب
ياسبايب نوحــــي .. وياروح جوا ساكنة في روحي
ياريت يبقى كاتبك في لوحــــي .. المولى ومن عيني تكون قريب
ونروق ونبني من جديد صروحــــي .. وننسى شقاى ولوعة التغريب
بيك يا علم يبرن جميع جروحــــي .. وليش مايطيبن وأنت لي طبيب
وإن كاني اخطيت دناك مو مربوحــــي .. بلاك ماعليه اطعمه عــــمــــر عطيب
غصبــــــا على فرقانــــا .. يسير مـ الدنا لو رايده مولانا
كنيب خاطري يزها عقاب زمانـــــه .. معاك في الغلا قبلآ الراس يشيب
وكنيبها عيني اللي سهرانــــه .. كي الناس تاخذ مـ المنام نصيب
العالم الله بما يسير معانــــا .. سبحانه مقدر كل شي تسبيب
دعيته يجيبك يا عزيز احذانــــا . ربي وربك ماعليه صعيــــب
لو كان فيك نصيــب .. غصبا علي الأيام طرح وطيب .. يسير قسمنــا
لم اعرف ولم اجد اسم الشاعر

من طرف **STAR** 2010-05-01, 10:17 am

مشكور

من طرف المارد الأصفر 2010-05-05, 10:22 am

شكرا لك وبارك الله فيك

من طرف عبدالخالق طيب 2010-05-05, 10:50 am

تسلم ،، خوى عبدالحفيظ

تحياتي _لك

من طرف **عبدالحفيظ عوض ربيع** 2010-05-10, 7:44 pm

لكم الشكرعلى المتابعه

من طرف اسماعيل ادريس 2010-05-13, 2:07 am

مشكور خوي حفيظ
اختيار مميز من عضو مميز

من طرف دلع ليبيا 2010-05-13, 2:18 am

¤¤ لــــو كان فيك نصيــب .. غصبآ علي الأيام طرح وطيب .. يسير قسمنــا ¤¤
يا اللي غالــــي .. غلاك نين مايفداك عندي والي
وديما ملامح صورتك في بالــــي .. واضحات مالحظة علي تغيب

صح لسانك ياخوي عبدالحفيظ

اختيار مميز لقصيدة رائعة

مشكور على اختيارك ياخوي

لوكان فيك نصيب

لوكان فيك نصيب

رد: لوكان فيك نصيب

رد: لوكان فيك نصيب

رد: لوكان فيك نصيب

رد: لوكان فيك نصيب

رد: لوكان فيك نصيب

رد: لوكان فيك نصيب