يا دار يادارن عليك أوقاتك ... للشاعر صالح بو عياد

الشاعر : صالح بوعياد
============
يا دار يادارن عليك اوقاتك*** بسافي أجداب امقرنة عاماتك
=================================
يا دار موبين وثوق ارمامك*** و جرت امبارك ذودهم قدامك
اوقات مجدبات امغيرات علامك*** اتريدك العين او حوته اهلباتك
وشريعة زمانك حاكمه باعدامك*** عليك قرنت برياحه اردماتك
وتمن حرايق صيف قارن عامك***فاللي ورآه مامزنت بداري جاتك
و خان الشتا مافيه صار اصيامك**و خان مارسك ماتن اعروق نباتك
و جيت جابني فاهق اخطور اوهامك***واخطور دين حطنه نضيد بتاتك
اردمتي عليك امقرنات أيامك*** وعلي ياسم قرن امعا ياساتك
خلو العقل في برام كي برامك*** ياعازته فيهم ويا عازتــــــــك
====================================
يـــــــــــادار مسّع بــانـــــــــن*** اسنين يقعدن لوهام كي ما كانن
علــيك قرنن نين المواكر شانن*** اسنين مجدبة منك جلن نزلاتك
بعد عز واجد في اسنين انعانن*** حتي الضاله ما عاد اتريد امباتك
طليبة اوقات امقرنات و خانن*** عليك نين سافيهن ردم ناياتك
====================================
يــــــــــــادار فيك التـــــــــمن*** ياس و اوقات امحاربتك تمن
اوهامك اللي كانن اشهر يسمن *** ليــام ادفنهن كيف مادفناتك
امغير نااللي وين ما علي اينمن*** كيّات من اللي لنه امقدع فاتك
وانجيك والعيون امنزحات ايجمن*** يالى عطـــــــــيتي للزمان زكاتك
===================================
يــــــــــــادار وين تهـــــــــاين *** ايدين النضد حطن ونايك نايين
حتى وياسم قاعد امقيـطن باين*** أتقول واخذك بختوم طول حياتك
تداير العين امزانـــــــــها يثّاين *** منين ما علي غيابها انشداتـــك
=====================================
يـــــــــــا دار ماتـــــــــــنداسي*** من يوماً جلا منك طرف ونّاسي
ونا فيك منقدر الليل انمــــــاسي*** حتى فالنهار انخاف من صيفاتك
ياللي تبرمي كي نهلبك حباسي*** أريافي ونا مازلت في مجباتك
=========

يعيطك الف عافية شكراً للمشاركة