انخاف / للشاعر صالح بو عياد الشهيبي

انخاف من ليالي ظلمها او ظلامها ...وانخاف انجي نا والظلام اصداف
وانخاف عملتي فالسوق ينقص اقرامها ... وايجي وقت ما نلقا الها صراف
وانخاف دنيتي وانخاف نقصت طعامها ... وانخاف من افعال ابفعلهن ننعاف
وانخاف من حلالي تخلطا ابحرامها ... وانخاف من لواط ايطول ايدين انظاف
وانخاف من قساوتها اومن ظلامها ... وانخـاف ايديربن اوقـات جـفاف
وانخاف ما نشبع وانخاف نقص ايدامها ... اوعالكاف خايف من غفير الكاف
وانخاف مالحفا وانخاف ضيم ايامـها..وانخاف من ظرزف اخرىالهن نضعاف
وانخاف من عقاربها او دبيب عدامها ... اومن كل شي فيها اصبحت انخاف

مشكور ابن الباديه علي القصيده الجميله
اهديك هذه القصيده للشاعر بوعياد :
كان العقل هايم فى سكونك ** وكان سماك صافي م الغطاط

وكنتى عون وانذري ابعونك ** قبل ايسير بيناتنا اللقاط

وايش عليّ قالنلك اضنونك ؟؟ !! ** وليش امعاي مو ماسكك ارباط ؟؟!

قوليلى ليش غرن بك اجنونك ؟؟ !! ** بسالك ليش من بعد الحناط

وننظر فيك دايخه فيه كونك ** بقيت الذيل فوق الراس حاط

وننظر فيك يا مكثر اطعونك ** اجروحك هلع ما ايجيبهن اخياط

ياللي الحزن واضح فى اعيونك ** وضوح الشمس مافيها اغلاط

عليها ليش قزيتى اسنونك ** عبرة غيض جوه تلتحاط

وانتى الدمع واتي فى اجفونك ** ممسوكه غير فى سمعت اعياط

مشكور على هذه الكلمات الرائعه تسلم ايديك

تحياتي...

كلام طيب اخى ابن البادية مشكور

مشكوراخى الكريم على هذه المشاركه الرائعه

شكراً لك على هذا الاطراء الاكثر من رائع

تسلم
الشاعر (صالح بوعياد الشهيبى)


قولي بكيت مريضه .... خير من علل واجد وفيه قريضه 

اللي ينشدك

______


بكيت ابروحي .... وخلك اتهاجي فى المساء وصبوحي
راني مريض امعقرات اجروحي .... وزادن امعاي بطول وتعوريضه 
من شان خاطرى خلك احذايه نوحي .... مريض وين مانبرا طريقك بيضه 

______


بكيت ابصاره .... وجيبي اعذار اتخيل ع الفساره 
ولا بكيتلي امحصله غثاره .... قطير من عرق نازل اوقات القيضه 
وعندى دمع راد مع ميوح ابياره .... ولا اللي ايروب ولا يصح مخيضه 
نبكيه خير مايمشي على اخساره .... سبله وصارت طرفتي توقيظه

______


مريضه زكمه .. ولا مريضه من جراير لكمه 
وعيون واجد كيفك ولكن تكمي .... وعيون دايرات السر كي الفريضه 
واللي ينشدك ردي عليه بحكمه .... نقيض غزل واجد يتعبك تنقيضه

______


ابكي وديري صرفه .... واللي ينشدك قولي مويه طرفه 
سوا من اقراب الدم ولا عرفه .... خلك علي بابه السر حفيظه 
والناس موش ناسك لوله منحرفه .... الناس عنده للصافيه تخويضه 
ورا الخلايق كل حد وبضرفه .... غير فيه من خافي عليك جضيضه

منورين كلكم واسلمتوا