رد عليا لوكان عندك رد

رد عليا لوكان عندك رد يلي مثيلك ما عزيت حد
رد علي لوكان عندك جواب وخلي الرد يكون في الصواب
يلي معزتك مالها حساب بعد السماء عن الارض كان بتعد
يلي نسيت ايام كنا احباب و ايام الرفقة و الغلا و الود
الدنيا بلاك صارت خراب و الكبد درهت و القلب فذ
عايش حياتي ديما اتعاب الكلمة السية في غيابك نشد
انشد اصحابي اللي دوم قراب من يغلط فيك عليه نرد
جرحتني من غير اسباب و خليت عيشتي ديما نكد
بجرحك اللي ما نقول طاب لو نجوم السماء تنعد
انا من شانك الموت ما نهاب و انت توخر اوقات الجد
و سامحني لو قلتلك كذاب في يوم ما كنت لكلمتك قد
متمني بس يوم يطق الباب ونلقاك انت يا نظيف الخد
ولاني في وجهك نسكر الباب لو يوم نويت للرفقة ترد
ولاني اللي لباب المحنة نسد ولاني اللي لأعز اصحابي نرد
رد عليا لوكان عندك رد يلي مثيلك ما عزيت حد

مشكورررررررررررررررررررر
اخى اشرف

مشكور اخي اشرف علي الشعر الجميل

احسنت نتظر منك الجديد

مشكور على هذة المشاركة الجد قيمة