من العاشق الصغير إلي كل ألاعضاء والزوار

من طرف **العاشق الصغير** 2012-05-11, 4:49 pm

تذكير بمساهمة فاتح الموضوع :

تلاقيت نا وياه .......... ماشي وجنبه ماشيين ضناه
الغايـــب بعد مُده
امعاه عويله ............. قابل وكانت غايتي نمشيله
انسلم عليه ونعاتبه ونحكيله ........... ليش الغياب وليش طال جفاه
واذكرت كي ريته اسنين جميله ........... أياماً وهو فاضي ونا مشكاه
كنا انتلاقوا كل يوم وليله ........... وماضي توارى كنت فيه امعاه
وانقطعن أخباره وين شال رحيله .......... عليـّا تباعد كنت جار احذاه
ودورت واجد ما لقيت وسيله .......... ونحسابه الغالي ما يطول رجاه
واليوم قابل بوعيون كحيله .......... وما حس كي ماريت من يالاه
صفقت بيديا ونا نوميله ........... وانقول في سري الله الله
امعاه أصغاره .......... غض النظر واطى عليا أنظاره
عديت شوره ودمعتي منهاره .......... وتميت نمشي فالطريق وراه
تمتمت كلمه قلتله عِباره .......... وعاودت شَريط الزمان امعاه
حاولت نحكيله انجيب إشاره .......... وانجيب ذكرى اتذكره بغلاه
لكن تبينلي من عيونه اخساره .......... ناسي الماضي وكل ما قلناه
ولا جاب مني شئ في تذكاره .......... وحتى كلامي ما فهم معناه
مديت يدّي وقلتله ببصاره ......... كل شئ درته فالحياة تلقاه

مابت البال تفــارق

مابت البال تفــــــــــــــــــــــــارق...............صورة عزيز النوم مني سارق

حتى وهيه بعيـــــــــــــــــــــــــده...........تخطر فلانه كل صبح آكيـــــــــده

وتسبق اوقات النوم فمواعيــــده...........لين خاطري ماعد اقدر ينساهــــــا

مقهور من صغا ليام جاير كيـــــــــده...........هيه انغنت عدّت وهوه بلاهـــــــــا

ذايق امرارالوقت وتمرميــــــــــــــده..........وخطور طيفها وقلّة العين هناهـــــا

وماعاد عنده ف الحياه جديــــــــــــده..........عايش يعاود في قديم غلاهــــــــــــا

ضاقت عليه الواسعه من ريــــــــــده..........اللي الياس عن شبحه بعيد زواهــــا

حتى بعد غنواها............مابت تفارق خاطري ذكراها.............معاي سالمة

مابت البال تفــــــــــــــــــــــــــارق...............صورة عزيز النوم مني سارق

ومقلّل هناي وزاد كبدي حــــــــارق...............وملازم العين وجاي دون غطاها

حتى وهو غني عنّي بعيد وغــــارق...............فهموم واجده نفسى وراه خذاها

ما والفت لآخر اللي ما فـــــــــارق...............يماطل وما غيّر نهار اريــــــــاها

متمكّن غلا لــــــــــوّل امبيّن زارق...............ويظهر ولو مليّت غيوم سمــــاها

صحيح خلّت الخاطر شارق...............وغنيّت ولكن عاز من يسواهــــــا

حتى بعد غنواها............مابت تفارق خاطري ذكراها.............معاي أفلانه

تحيـــــــــــــــــــــــاتي
أخوكــــم
العاشــــــــ الصغير ــــــــــــــــــــــق

من طرف tweety nano 2013-04-15, 8:38 pm

تستاهل ما يجيك معناها

من طرف **العاشق الصغير** 2013-04-15, 8:41 pm

مانيش داير غيرك *** نين ننعمى ولا انموت اسيرك *** يا صاحب الغلا

مانيش داير غيه *** ولا يغنو عليك اصحاب لا امواليا
انت النفس والروح ساكن فيا *** ونا راضي باللي عليه يشيرك
عقلك وروحك وفكرتك والنيه *** لوكان نلقى يالعزيز انديرك
كيف النفس والروح كي الميه *** ماشي معاك والدليل دليلك
وين ما ترسي نا معاك سويا *** ديما ف بالي وف العيون انشيلك

مانيش داير غيرك *** نين ننعمى ولا انموت اسيرك *** يا صاحب الغلا

مانيش داير غالي *** انت جديدي والقديم التالي
انت عيوني وبسمتي وامالي ***ندعي لربي نكون من قسميتك
ندور وما نلقي كيف كيفك والي ***ولا ف العالم فيه زول مثيلك
انت ف عيوني دوم شانك عالي ***وان شاءالله شعوري يكون كيفي كيفك

مانيش داير غيرك *** نين ننعمى والا انموت اسيرك *** يا صاحب الغلا

مانيش داير حد *** ان غبتي يغيب معاك كل الود
وان جيتي تجيبي معاك ود يبد *** علي كل انسان والزمان وجيلك
نا رهن شورك من يد ليد ***وانت اختاري ودوم نا نصغيلك
لك اشواق اكثار ما تهمد *** الا بشوفت خد سمح ازويلك

مانيش داير غيرك *** نين ننعمى والا انموت اسيرك *** يا صاحب الغلا Evil or Very Mad

من طرف **العاشق الصغير** 2013-04-20, 10:10 pm

اضحك على جامل وشوف احوالى
وخــــوذ اجــــر فيا مالكريم العالى

دز وراســل ***
وخلى غلانا فالحيـــاة متواصـــل
بينى وبينك مـــا تدير فـــواصـــل
يكفى خـــذينا العمــر فالتسالى
فيا حصلــت وفيك رانى حـــاصل
ياريـــت تبقـى ياعــزيــز حـلالى

ألعب بيا ***
انشـــد علي حالي وروف عليا
اكــــذب او جامل او مد يدك ليا
واقرب احكيلي قــولي يا غالي
فاقد فقـــــدت الـــــود و الحنيه
لعنـــد تــوا مـــا لقيـــت دلالي

يستر بيتك ***
اضحـــك عليــا قـــولــي حبيتك
مازلـــــت متشوق غـــلا حنيتك
لا قدرت ننسى ولا انهيم لوالي
وحتى بعـد قدرى انتهى ناحيتك
مازال اسمــك ما رحل من بالي

من طرف **العاشق الصغير** 2013-04-20, 10:11 pm

سـهـران مـش مـهـموم لــكن حــايـر **** انـخـمــم عاللي فى حـيـاتـي صـايــر ..

ســـــاهـــر لـــيــلـــي **** وفــيــه نـــاس يـــامـــا كــيــف مــا طـاريـــلـــي

مــرة انــقـول اعـجــزت تـــاه سـبيلـي **** ومـرات نــزهــها انــحــس روحـي طـايــــر

ومــرات نــفـقـد حـجـتي ودلـــيلـي **** ومـــرات نــــمــــلك مــعــرفـــة ودبــــايـــــر

فــــارح انـهــلل تـسمـعــه تـهـليلي **** ومـــرات نـــا والـــفـــرح كـــيـف ضــرايـــــر

لايــــزورنــي فى يــــوم لا يــمــشيلي **** مـــعــزول كــي مـــذنــب ودار كــبــايــــر

ومــرات فى اول صـف خـابـر جيـلـي **** ومــرات عـكـس الــــريـح نـــبــدا ســـايـــر

ومــرات نــشـعر مــا هــنـاك مـثـيلي **** انـخـش الـفـيافـي انـجـيبـهـم الـبشايــــر

ومـــرات صـاحـب طارب ويـحـكيـلي **** انـجـامـل ونــضحـك , فـيه غــير انــسايــــر

ومـــرات غـاضـب جـاينـي يـشكـــيلي **** انـواسـي فى قـهـره ونــا مـعـبى قـهـايـر

وانـجـيــبلـه الامــثـال ومــواويــلي **** نــبـرد اعــصابــه فــوقــت دمــي فـــايـــر

من طرف **العاشق الصغير** 2013-04-20, 10:19 pm

زعم ياقمر
زعم ياقمر مازال يرجي فينا... والله ياقمر غبنا علية انسينا
ياقمر فاكرني...والله ياقمر كي غبت ما دورني...حالن اضروفي والزمان جبرني...
ويا دوب ماواجد امعاة ازهينا...ياقمر مشتاق...والله يا قمر صار بينا لفراق...
في غيبتا مايوم بالي راق...عايش علي ذكراة خيال ايجينا...مازال صاين صوبي...
والله ياقمر هانن عليه ادروبي...ايام الغلا والصوب هو محبوبي...
وياما علي شاطئ الغرام مشينا

من طرف **العاشق الصغير** 2013-04-20, 10:22 pm

الخاطر بكا مالموح ليله عيده
بينه اوبين اللي حليل ايريده

بكا مالموح
ليله العيد اللي زها وفروح
فيه غير يا صاحب نصيب اجروح
انتقضن وماينفع طبيب ظميده
مول الغثيث اللي ابعطر ايفوح
عنده دواي او غايتي السعيده
الخاطر بكا مالموح ليله عيده

بينه اوبين اللي حليل اريده
بكا لريافه
للي جميل او نادرات اوصافه
وشوقه نهار العيد زاد اصيافه
الخاطر ايعاني في اظروف عديده
ويا عايني دونك اليوم تلافه
انريد ادنا منه هميل البيده

الخاطر بكا مالموح ليله عيده
بينه اوبين اللي حليل ايريده

بكا من شوقه
للي مثيل البدر وان التوقه
الخاطر اوحاتم ياقرين اغروقه
او ميس نجاه وما الدمع ايفيده
شوقه سرا فالدم كل اعروقه
تنبض ولكن شي ما جا فيده

الخاطر بكا ما الموح ليله عيده
بينه اوبين اللي حليل ايريده

من طرف **العاشق الصغير** 2013-04-20, 10:23 pm

فـارق نومـه عنـدي العقـل حايـس كاثـرات همـومـه
بـــــعــــــد فـــــارقــــــو الاولاف
*******************
نومـه جافـي وكثـرن هومـه بعـد افــراق اولافــي
بعد فارقو عالعين صار اصيافيبين البكا والصبر كبدنا مقسومه
متقالبات افكاره ففي غياب اولافيينظر الصقر ايقول هذي بومه
اصبح ينظر للنهار الصافيفي بـرق يلكـع واطيـات غيومـه
دايل علي غلاك اتقول ايكافيوزايد عيله الياس شـن هجومـه
*****************
اتقـول ايطالبلـه فـي ثــار والـيـوم جيـشـا جـالـب
امحوس افكار العقل والله غالببكاس المـر نهايتـي محتومـا
حتي النوم صار مني سالبوابيـار الغـلا اصبحـن مردومـا

من طرف **العاشق الصغير** 2013-04-20, 10:26 pm

مكيون خاطري منه ايموج بياسه
اعيون من اغلى شيله علل القناصه

يانا اللى فاقدها
ويناللى ماعد انريد بعدها

امراح للجضر بعد الزها مقعدها
ايحوش وين ما تمت الناس نعاسه

ايطول اسمور العين ويعقدها
والخاطر امعاه ايتوه في وسواسه

جميع الحكاية الفايته يجبدها
ويبقى بعد صبره اخفيف باسه

علية انذرف
واخذ الخلا ديمة بعيد امطرف

نجول في اوهامه وع العلا نشرف
مشتاق السهاريه خفيف لباسه

ولا لخاطري غيره حديث أيطرف
ولا لي افداء مجلاس كى مجلاسه

علية أنشالى
نظيف العظاء مول لنياب مجالى

يأسه على غفلة صحيح لفالي
اوخلا العقل أيموج دايخ رأسه

مركب أو شالنه ارياح عوالى
رمايا علل المينه لفو رياسة

تويل في أمره
امعاه بو شوارب كيف لون التمره

والعبها ولعه دمين الخمره
اللي أبشربها يبقى قليل إحساسه

إلا العقل من شورك لفتله جمره
ورياح لاطشنها ولعت مقباسه

والعين جاحده لكن غلبها طمره
وسيل دمعها ذارف على تماسه

وباب خاطرى منك ابقى يا سمره
امشرع أيموج ومتقطع تر باسه

كيفك بليه مانظر في عمره
بديل العسل حنضل مليتي كأسه

انموج بناره
اعيون من اغلى شيله علل البزاره

نداوى أمجنس وافيات أسراره
واجد اغلى واجد على جناسة

فكوا اكمامته بوع وشاف أحباره
بزاره حتم ع الصيد فك أقلا سه

اصحفق معا جوه سريع مطاره
أو تمم على صيده وخذ بقياسه

طبق جناحاته وشن الغاره
دمه وريشه ع الواطى كداسة

امعا لوعتا
اعيون من أترابي الصيد في طيرته

اسقاوه ع لاول بيت فى مسكتا
لي قش لي طرشون لي قرناصه

بزارها ثلاث ايام ما قوتا
ومعا طويها زادت عدا وشراسه

ومع فرق طاير فالسما فلتا
اضابح قليل نجاه دار محاسه

أتشلد ايمن أيسار بعنايتا
حتى الخارمه منها مشت منهاسه

انموج بغصه
ملى خدها تحلف شفاق أمسه

نحكيلك وما عنك السر أندسه
أو بالك أفراق عزيز عقلك قاسه

وفى مامضى ع الصوب عندك قصه
لعزاز وغوالى يشعروا بحساسه

ويزول من كدر عيني وطول حسسه
احكايات من كيفى أطاول باسه

أيشدد عزام العين ويحوسه
أتقول العرب كيف الكل محتاسه

مطيره غلاهم كي العقل غرسه
في راس علوه وارضها قرباسه

جاد الولى تمى قوى مارسه
غزيز نبتا طول البنادم واسه

وطابت معا مايو بعد حمصه
أو وتألها قاعه على حصحاسه

خيال الشقا بترابها كدسه
وتيت علل الذراى والدر اسه

برم اليأس ثاريته على أموصه
فوقى ربط المدارنا حباسه

انموج بنارك
ونتي ينالي دوناك البخت امعارك

وهناك شي واجد هزل مو مقدارك
يخسارتك فالغسل والكناسة

إنتِ فيك يابنيه بدع صورك
إنتِ قمر والنجم باقي ناسه

إنتِ فالظلام اتبان توقد دارك
غنية علل الشمعة وع الوناسه

إنتِ فالمعاصم مايبان اصوراك
إلآ ابرنته والصقع ع اللماسه

إنتِ نفس فالدنيا حلال مزارك
إنتِ حور م جنة ومسك أنفاسه

إنتِ ورد م الفردوس فوح عطارك
إنتِ درة الياقوت وأنتي ماسة

إنتِ حلم جاء صاعب على فسارك
إنتِ لغز فالدنيا بلا دراسة

إنتِ العقل مالكته ملاه قراراك
إنتِ العقل زاويته وربطت ساسه

إنتِ خاطري رايح معا تيارك
إنتِ بحر ويكذب الغطاسة

أو مشى بلا تخطيط في مشوارك
أو بالك عقاب العمر يأسك واسه

آما ألقى منيه الشط إبحارك
ولا مالعواصف مركبي اتفاسه

مكيون خاطري منه انموج ابياسه
اعيون من أغلى شيلة على قناصة

من طرف **العاشق الصغير** 2013-04-20, 10:29 pm

شوق الغريب لداره .. وصابر علي بعد الجبا وامراره .. مشتاق للقدم

شوق الغريب الجالي ... الفايت بلاده من أمدد وآجالي ...
المطرود جبر من وطنه حبيس ليالي ... موحشات يخفن في بصيص نهاره
الغايب زهاه مع غياب غوالي ... أنحاز وطنهم تحت العدو وحصاره
وكل يوم يفني في أعداد أهالي ... والجرم الوحيد الرفض لستعماره
بلوايح حقوق البشر لامُبالي ... ويهدد بكر القرن للنفاره
أغتال كم من عيل تقول هلالي ... وكم بنت غره من أربات عصاره
اللي بوصفها فاقت الريم الفالي ... وطويل ماح سالفها علي الظفاره
في التابوت زفت والدما شتوالي ... خرخوط زينها تحت اللحود تواره
وكم طفل في عمر الزهور ايوالي ... صباحه عللي ناظرين بشاره
داسه حديد أمجنزرات عوالي ... هشّم وهو حاضن دفتره وحجاره
شوق الشهيد أفدا الوطن الغالي ... لملاقاة ربه يوم كشف اسراره
مشتاق اللقا غالي امصيّف حالي ... بخطوره مع بعده ولوعة ناره
.................................................................

الشوق زرابه ... الخاطر ارغب ماضي قديم زهابه ...
شوق وطن خالي طايلات أجدابه ... فوق م السّير بومه غفير أوكاره
لبارق إيخثّق عقربه لهلابه ... شبوبه أمدخّن قاطبات أمطاره
سفّ المواطي والعلا وأرقابه ... وسيوله اتطوّح في العذا ع الطاره
ونبّت ربيع أمخضبات أعشابه ... رقمه وشيح ولسلسه واشقاره
عفا بغو روّح رايده يشلابه ... الدافي دلال الطوق والخواره
نيست الخالي منيت الكسابه ... رفّاعة مقام اللي اقلال أقداره
سلوم للبها ذيل العرب يرقابه ... ولروس التريس الخيّره ودّاره
فيه بجّدت نسيت الظيم أتعابه ... هي والغزال مع طيور حباره
وجت شايله م الني نين غلابه ... وحاشت اتدادي مقدره وسكاره
علي نجع في المبدور دق أطنابه ... ملفاه للغرب والضيف والدوّاره
حليب كسر صافي فاض عالحلابه ... منها وروّا ضيفها والجاره
أحماة شيخ لا حدّث لذيذ وجابه ... طويل صمت صمته كايد الثرثاره
والقاصر اللي ماله دموم قرابه ... محسوب في حسابه من حساب صغاره
وان صار الخطا والعيب م العايابه ... والعايب حكا ع الظلم باستهتاره
يلقا صقوره ع الكلا ضرّابه ... قساوة ذراع وفرسنه وجساره
مغاوير كسّر حيلهم ركابه ... للكوت المتلّ اللي لذيذ مصاره
اللي امنين حس بلذع قرن أركابه ... إيقنّد أطراف الدير في مشواره
أسباع وينما عالي الحس تنابه ... اليوم المظلّم جايبين أفخاره
كمين هزّ جاهم في خياب خيابه ... وعاود امواطي في الوطا منقاره
وتابعين راي الخير من شيّابه ... تلايت كتاب الله وان أفجاره
شوق من معاهم عاش سن شبابه ... لغوشّم ومو قابل حياة حضاره
مشتاق اللقا منحاز طال غيابه ... عني ونا مازلت في تذكاره

.......................................................................

شوق الغريب اللافي ... علي وطن مو وطنه أو وطنه جافي ...
الراحل بلا رادة وخوفه خافي ... في قلب واخذ م الهموم اعباره
شوق درب غابي تحت ردم السافي ... لمرور القفول وجرت السفّاره
شوق قلب عاشق مشتهي القوافي ... بليغة المعاني واضحة الاشاره
اللي لا أقتباس ولاخبر خُرافي ... ولا هو خبر تعجيز للفساره
وتلمس احساسات الخليل الوافي ... اللي طول ليله سامرات انظاره
وبهن يقتنع ع الشوك يمشي حافي ... العاشق اللي م الشوق حاس مداره
باسلوب سلس وايحرّك الشوق الغافي ... وع العاشق ايبرّد لوعته واقهاره
عفيف لفظ مو تجريح لذع مشافي ... ولا بوصف فاحش مكتسي الدعاره
ويجوز للخيال يزيد وصف إضافي ... ويطرد الحشو بفن الاستعاره
مضمونه لدى السامع دواه الشافي ... والراوي الكلام اللي نقي يختاره
وبالناقد الجيد نوصلوا المرافي ... و الناقد الحاقد نتركوه يساره
وحتى انكان شعري مو غليلي شافي ... واضحات عند السامعين آثاره
دليلي ذكي والزاد ود اولافي ... وما ايتوه من تبّع دروب كباره
وارضيت قول بوطاهر زعيم اسلافي ... الشاعر ايبرّد لوعته بأشعاره
وعلي قول يانا مغتني من كافي ... لا نريد نسلّف ولا نمتاره
وعلي من عليه يزيد جمر اريافي ... نريد السلام ختام للقذاره

شوق الغريب لداره .. وصابر علي بعد الجبا وامراره .. مشتاق للقدم

من طرف **العاشق الصغير** 2013-04-20, 10:30 pm

الله يربحك مالك ومال قضيته لاتقربيه عفواً ولامتعمده
قالو دواه الكي والتخريته وقالو دواه اتخيطه واتغمده
خيطته وخرته نضح كويته حاييت حمى فيه كانت امخمده
ربطته علي مافيه ماداويته للناس بسطاطيره انقول امهمده
واللي فيه عارفها بلا تبهيته امغير مالصقيع ادماه فوقه امجمده
والله يربحك ممسوك في تنهيته لاتقربيه الجرح راني امضمده
وماحوتني حتى الضميد القيته الا من هناك ومن هناك املمده

من طرف **العاشق الصغير** 2013-04-20, 10:35 pm

اطَّاوَل مَرْجاك وتخمِيـم .. العقل بضَيْـم .. فراقك واصْدار مواهِيــم
اطَّاوَل مَرجاك ومَرجـاه .. امْكَبّــر داه .. خطاك انت والعوج ارياه
العقل ان قلنا ماشا اللـه .. براي سقيــم .. يجِيبه ينْقز فيه خَصِيم
اطَّاوَل مَرجاك وفَرقـاك .. بهن لامــاك .. اصْعب وان قلت نعيش بلاَك
يجيبوا من جالا ذكْـراك .. يضيْق علَيـم .. العين وتنسَى طِيب الخِيْـم
وتبْقَى تذْرف كيف هذاك .. رقِيْق عزَيـم .. دلال مرَبَّى بات يتِيْم
اطَّاوَل مَرجاك بلَعْـوَام .. ونا منضــام .. مع الياس ولَطّة لَقْسام
جضِيضِي كَدَّى اللي نِيَّام .. تقول عديــم .. يجضّ بداء قاسي ومضِيْـم
اللي ما منّه شِي نهْمـام .. ولا تحشِيْــم .. قرَف ومعيشة حال ذمِيــم
اطَّاوَل مَرجاك وكَنِّيـب .. الدمع يجيـب .. تقولن يا انظاري ونحِيـب
اخْذَنّه عهد بطرْح وطِيب .. عَلى آخر جِيم .. مواقي بدموع مغاذِيم
عَزاء فيه وفي لَطّ نصيب .. الاّ تبْرِيم .. الدنيا من تاريخ قديم
خَلاء كَم خَلَّت عامر جَيب .. ولا ملِّيم .. يصرَّه غير الله كريم
زمان "غرسْيانِي" الرّهيب .. سنين الضَّيْـم .. وقَطَّاع وجابِي ومْقِيْم
قضَوْه الجَّاوِيد بترحِيـب .. جهاد عظيــم .. حَظَوْا به واللي مات رحيم
اطَّاوَل مَرجاك وهـن زاد .. اقْراب ابْعـاد .. أوهامك ومواهيم كســاد
البيت اللي عامر بانْضـاد .. وبَاكَالِيْم .. اصناف وتسْتِيف مراقِيـم
اخْلِي م الوَحي وهن ماعاد .. لهن شِي رَيْـم .. كحَيلة وعزُول مفاطِيْــم
الوطن اللي لاق بلَجْـواد .. مرَابِي الرِّيْـم .. مسالك مَمْشاه مرادِيم
اطَّاوَل مَرجاك وما فيـه .. لها تكْرِيه .. تزيد ان قلت لها: يا هَيْـه
خَطاهم بَمْر الله طِيعِيـه .. بلا تعْذِيم .. لبخْتك لُو كان التجْرِيــم
يسهّل نعْواص قسامِيـه .. ويدْفر غَيــم .. الياس اللي حالك تظْلِيــم
ساعتَّا نا ويّاك عليــه .. بسَوْق غَشِيـم .. الظَّالم ومعاه مظالِيم
اطَّاوَل مّرجاك ومَكْيُـود .. بياســك زَود .. انتِ يا ام تشعْلِيل اخْـدُود
اصَبَّح منّه ما من هَـود .. الاّ تدوِيم .. مدَوّم واعْذاه تبُوْرِيم
بوارق ظَلْمة رِيح خَمُود .. الاّ تزْوِيم .. رعدْهن يَتْلَى فيه نسِيْــم
العارف مَنْواي المَقْصُود .. بلا تفْهِيم .. عَرَفَّا والنَشَّاد حكِيـم
اطَّاوَل مَرجاك وهِي زُوْر .. بدمّ يفُـور .. نهار وعَشرة داء محَجُـور
عَصَىَ ما جابه شِي دَكتور .. ولا تحْجِيم .. يجِيبه لا كَيّ وتعْزِيم
ولاني بالبرج المَنظُـور .. ولا تنْجِيم .. معَقِّد وتْوسْوِيْس رجِيــم
الاَّ عَين مجَدِّية القُــوْر .. بجَرْح آلِيْم .. ارْبَتْنِي واثقال محازِيــم
علَيّ ونا عَظمِي مَكسُـور .. افدا التهشِيــم .. حمُول الياسات معاكِيــم
اطَّاوَل مَرجاك وراجَـتّ .. العين بـكَــتّ .. علَى ام امنَسَّع لا سَفَّــتّ
وخَدّ مع بَرْمتَّا بَـتّ .. كما تعلِيـم .. برُوق ام خشُوم شلاظِيـم
سحابة غَربي متزَكْمــتّ .. وعَدْ تكْلِيم .. رعدهن عالي وتقمْقِيــم
اطَّاوَل مَرجاك وتكوِيـن .. ان قتْ لك وَيـن .. أسلامِيّة ناسك م الشِّيــن
اقْدم سمّانا رابع دِيــن .. وهَل تسلِيم .. خليل الرحمن ابراهيـم
وهم ما فيهم قلب يلِيـن .. ان جِيت حمِيـم .. ان عَدَّيت حراب مسامِيـم
اطاول مرجاك وتكدير .. انظاري من ياسك والشوق
لمِيعادك ونظُورك غَيـر .. بقِي دُونك كَمِّين خَـزُوق
ان زلت نقول ترُوكك خَيــر .. ان صارت ندَّايَر ونرُوق
يهفَّن ع العين مواكِيـر .. غلاك علَينا تنصب سُوق
وتلتَمّ همُوم وتفكِيــر .. ودمعة ومضايقة اخْلُوق
علَى اللي له ما رَيت مضِيـر .. ولا رَيت مثِيله في الــزَّوق
من اقْصَى "مرَّاكش" لـ "ازْمِير" .. نظَر كيفه ما لَه مخَلُوق
شقاي وهَولِي والتّقهِيـر .. ورا ام خدود تقول بــرُوق
الله يا واهب رزق الطّير .. ويا فَرَّاج لكل ضيـوق
الله ان تِيسِر كل عَسِيـر .. لجملة من عارف بحقوق
الجِيرة ولمَن كان عَشِير .. الاَّ ياس ام خجَل مَف راجل يعجبكوق
أوَّل فيه ولانِي لاخيـر .. ودِيمة طَير طرَد مَلحُوق
اسْمَا المحبّة وَين تْسِيـر .. قليل نجاها وَين أتوق
عليها جَيش اليأس يغِيـر .. هَدَد تُوغِيم ..يبَدِّل جَنّتَّا بجحِيم
أطاول مَرجاك وتخميـم .. العقل بضَيم .. فراقك واصْدار مواهِيم

من طرف **العاشق الصغير** 2013-04-20, 10:38 pm

لو كان غير لاقاني!!!
لو كان غير لاقاني ورد سلامي
ابعذره عزيز اللي مشا قدامي
خذا الجميل
لو كان غير راجا ما مشا بالحيل
وقال مرحبا بلي علي عزيل
قدام العرب صبا وعد كلامي
راني علي شانه خذيت الليل
ابروحي ونذكر دلال غرامي
وراني علي شانه انقول انشيل
ونحمل امواجع واجدات وكامي
وراني علي شانه انقول دليل
وهو قرعتي م الناس عين الدامي
من يومن ارضيها بو غثيث طويل
السيه امعايا وارتضي بخصامي
ولا عد لا عشره ولا تدليل
ولا عد قولة ياربيع ايامي
ردي عليه وما انريد انطيل
خذيتا قراري والكلام كلامي
انسيته غلاه وما عليه انسيل
وجفن علي شانه اليوم اقلامي
ولا عاد نسمربا انقول طويل
ليلي ولا نسمع سطير الامي
ولا عاد من شوري اندز رسيل
ولاعاد نطلق للسلام حمامي
قلبي عليه اسود سواد الليل
وماعاد انجيبه في شريط احلامي
منشابه برد ماعاد فيه شعيل
وجمره اطفي ماعاد
تما حامي

من طرف **العاشق الصغير** 2013-08-20, 2:52 am

انسوني , خلاص

خلاص انسوني

خلاص انسوني *** بعد الغلا والصوب بي بيعوني *** وين همتك يا قلب
جيب دباير *** وافهم نبيك اتشوف شلي صاير
يا قلب هاك ابديت حايس حاير *** هبلني خيبت فيك اضنوني
وين العزيز هلي فحبه طاير *** شوف حالتي يا قلب كي خلوني
لاعيب لا سية معــــاهم داير *** لين بالخيانه اليوم ايكافوني
نسيو الغلا وما عرفت شلي صاير *** برخص اتمان السوم بي بيعوني
خلاص انسوني *** بعد الغلا والصوب بي بيعوني *** وين همتك يا قلب
نسوني اوعدو ***مشو سيبوني ماعليا ردو
وساس الغلا ياقلب راهم هدو *** وفي حل راهن باكيات أعيوني
اللي وين نويو علي الرحيل اومدو*** اغبي النوم ماراته نهار اجفوني
اللي قبل كانو في الفجواي ايسدوا ***اليوم وينهم راحو مشو فاتوني
خلاص انسوني *** بعد الغلا والصوب بي بيعوني *** وين همتك يا قلب
م ن ق و ل

مما راق لي

من طرف ولد الجبل 2013-08-20, 6:49 am

مرحبا بخونا العاشق طولت الغيبه هالمره نخن بلاك أطفي ضينا ولم نجد من يرد علي شعراء الغرام والغزل ...... البيت بلا العمد والأطناب لا يٌبنى .... آنست وشر فت في دارك وبين هلك والمحبين والمتعلقين بك .. والحمد لله علي السلامه

من طرف **العاشق الصغير** 2013-08-25, 1:55 am

ولد الجبل كتب:مرحبا بخونا العاشق طولت الغيبه هالمره نخن بلاك أطفي ضينا ولم نجد من يرد علي شعراء الغرام والغزل ...... البيت بلا العمد والأطناب لا يٌبنى .... آنست وشر فت في دارك وبين هلك والمحبين والمتعلقين بك .. والحمد لله علي السلامه

مشكور وبارك الله فيك أستاذي الفاضل ولد الجبل
لكن والله بعض الظروف هي التي منعتني من متابعة المنتدي وبعض الامور المتعلقه مع الاداره وأنشاء الله خير
وبارك الله فيك علي الكلام الطيب وأنشاء الله أتكون بصحه جيده
وراني ماني ناسي موضوع راس البيت اللي وصيتني عليه كلمة الشاعر عبدالعزيز الحدوثي وقالي انشاء الله ايجيب القصيده

ملقاك فالرياف أيحيد وأيزيد فالحسوفـــــــــــــــــــــــــــــه ياغني
تحياتي
العشق الصغير بوريا

من طرف **العاشق الصغير** 2013-09-24, 11:12 pm

مازلت فية انعاني
لاعلم لاطب البشر داواني....اعزاز جرحهم مازلت ماداويته
جميع الوسائل كلها تميت...جربت نكوي بالحديد كويت
الكاوي جض امعاي وين كواني...حلف قال ياما من اجروح بريت
امفيت جرحك هو اللي شقاني.............
مازلت فيه انعاني.......لاعلم لا طب البشر داواني....
اعزاز جرحهم مازلت

من طرف **العاشق الصغير** 2013-09-24, 11:17 pm

مش قلتلى راغب اتريد غلاى جريتنى للصوب قلت امناى
ايش بدلك

ومش قلت نا نبيك
ومش قلت من كاس الغلاء نرويك
مش قلت ماغيرك ولا طاريك
يبقى شواطى مركبى ومرساى

ومش قلتلي يبرن اجروحى بيك
انت طبيببى وبلسمى ودواى

ومش قلتلى تحت الجناح طاويك
في العين مرقدك والهدب قلت اغطاى

ومش قلتلى طاسة غلاء نسقيك
ونرويك ودى من بحور غلاى

ومش قلتلى ديمه رجايا فيك
انت هناى وفرحتى وزهاى

ومش قلتلى فى خاطرى نطريك
روحك وطيفك ديمه خيال احذاى

مش قلتلى نصنع سناء الياليك
وانهدهدك فى ساعة التغفاى

ومش قلتلى نمسح ادموع ماقيك
وانفرحك وان الافراح امعاى

ثاريتنى واهم بعد بيديك
منك شربت امرار مكن داى

الخاطر كسرته فى خفاء نبكيك
وريدى قطعته تنزف غزيره ادماى

غير ليش بايعنى ونا شاريك
يا حلم عمرى يا احدود امناى

اتخون مامنك بالك حرام عليك
تاخذ اذنوبى وتحمل اوزار عناى

ايش بدلك

من طرف **العاشق الصغير** 2013-09-24, 11:19 pm

شوق الغريب لداره .. وصابر علي بعد الجبا وامراره .. مشتاق للقدم

شوق الغريب الجالي ... الفايت بلاده من أمدد وآجالي ...
المطرود جبر من وطنه حبيس ليالي ... موحشات يخفن في بصيص نهاره
الغايب زهاه مع غياب غوالي ... أنحاز وطنهم تحت العدو وحصاره
وكل يوم يفني في أعداد أهالي ... والجرم الوحيد الرفض لستعماره
بلوايح حقوق البشر لامُبالي ... ويهدد بكر القرن للنفاره
أغتال كم من عيل تقول هلالي ... وكم بنت غره من أربات عصاره
اللي بوصفها فاقت الريم الفالي ... وطويل ماح سالفها علي الظفاره
في التابوت زفت والدما شتوالي ... خرخوط زينها تحت اللحود تواره
وكم طفل في عمر الزهور ايوالي ... صباحه عللي ناظرين بشاره
داسه حديد أمجنزرات عوالي ... هشّم وهو حاضن دفتره وحجاره
شوق الشهيد أفدا الوطن الغالي ... لملاقاة ربه يوم كشف اسراره
مشتاق اللقا غالي امصيّف حالي ... بخطوره مع بعده ولوعة ناره
.................................................................

الشوق زرابه ... الخاطر ارغب ماضي قديم زهابه ...
شوق وطن خالي طايلات أجدابه ... فوق م السّير بومه غفير أوكاره
لبارق إيخثّق عقربه لهلابه ... شبوبه أمدخّن قاطبات أمطاره
سفّ المواطي والعلا وأرقابه ... وسيوله اتطوّح في العذا ع الطاره
ونبّت ربيع أمخضبات أعشابه ... رقمه وشيح ولسلسه واشقاره
عفا بغو روّح رايده يشلابه ... الدافي دلال الطوق والخواره
نيست الخالي منيت الكسابه ... رفّاعة مقام اللي اقلال أقداره
سلوم للبها ذيل العرب يرقابه ... ولروس التريس الخيّره ودّاره
فيه بجّدت نسيت الظيم أتعابه ... هي والغزال مع طيور حباره
وجت شايله م الني نين غلابه ... وحاشت اتدادي مقدره وسكاره
علي نجع في المبدور دق أطنابه ... ملفاه للغرب والضيف والدوّاره
حليب كسر صافي فاض عالحلابه ... منها وروّا ضيفها والجاره
أحماة شيخ لا حدّث لذيذ وجابه ... طويل صمت صمته كايد الثرثاره
والقاصر اللي ماله دموم قرابه ... محسوب في حسابه من حساب صغاره
وان صار الخطا والعيب م العايابه ... والعايب حكا ع الظلم باستهتاره
يلقا صقوره ع الكلا ضرّابه ... قساوة ذراع وفرسنه وجساره
مغاوير كسّر حيلهم ركابه ... للكوت المتلّ اللي لذيذ مصاره
اللي امنين حس بلذع قرن أركابه ... إيقنّد أطراف الدير في مشواره
أسباع وينما عالي الحس تنابه ... اليوم المظلّم جايبين أفخاره
كمين هزّ جاهم في خياب خيابه ... وعاود امواطي في الوطا منقاره
وتابعين راي الخير من شيّابه ... تلايت كتاب الله وان أفجاره
شوق من معاهم عاش سن شبابه ... لغوشّم ومو قابل حياة حضاره
مشتاق اللقا منحاز طال غيابه ... عني ونا مازلت في تذكاره

.......................................................................

شوق الغريب اللافي ... علي وطن مو وطنه أو وطنه جافي ...
الراحل بلا رادة وخوفه خافي ... في قلب واخذ م الهموم اعباره
شوق درب غابي تحت ردم السافي ... لمرور القفول وجرت السفّاره
شوق قلب عاشق مشتهي القوافي ... بليغة المعاني واضحة الاشاره
اللي لا أقتباس ولاخبر خُرافي ... ولا هو خبر تعجيز للفساره
وتلمس احساسات الخليل الوافي ... اللي طول ليله سامرات انظاره
وبهن يقتنع ع الشوك يمشي حافي ... العاشق اللي م الشوق حاس مداره
باسلوب سلس وايحرّك الشوق الغافي ... وع العاشق ايبرّد لوعته واقهاره
عفيف لفظ مو تجريح لذع مشافي ... ولا بوصف فاحش مكتسي الدعاره
ويجوز للخيال يزيد وصف إضافي ... ويطرد الحشو بفن الاستعاره
مضمونه لدى السامع دواه الشافي ... والراوي الكلام اللي نقي يختاره
وبالناقد الجيد نوصلوا المرافي ... و الناقد الحاقد نتركوه يساره
وحتى انكان شعري مو غليلي شافي ... واضحات عند السامعين آثاره
دليلي ذكي والزاد ود اولافي ... وما ايتوه من تبّع دروب كباره
وارضيت قول بوطاهر(1) زعيم اسلافي ... الشاعر ايبرّد لوعته بأشعاره
وعلي قول يانا مغتني من كافي ... لا نريد نسلّف ولا نمتاره
وعلي من عليه يزيد جمر اريافي ... نريد السلام ختام للقذاره

شوق الغريب لداره .. وصابر علي بعد الجبا وامراره .. مشتاق للقدم
......................................................................
(1) يقصد الشاعر اكبير المرحوم ابراهيم طاهر بوجلاوي الفاخري
م ن ق و ل

من طرف **العاشق الصغير** 2013-09-24, 11:23 pm

محمد ارميميح الجرارى

دونه جوبه **شين دروبه ** صاعب ع القناص هلوبه

وطن احبابى

دونه دفّه ** سود احقفّا ** سبحان المولى طرّفا

متباعد والخاطر هفّا ** ريم جلوبه ** دارت فى جوفى لهلوبه

عين اللى راكز ع الكفّه ** كى نحكوبه ** عقلى والعين يهاتوبه

تحلف غير الروح خطفّا ** واعر صوبه ** روحى من جسمى مسحوبه

شوفا عقل الزاهد خفّا ** تم العوبه ** فى جرة غرغاز اهدوبه

خابت قسميتا عارفّا ** مى مكتوبه ** نقّار ولاعب ملعوبه

وطن احبابى

***
دونه قورا** فيه وعوره ** وحلت لكروزر ف عبوره

طايح فى تيقه مزروره ** باين دوبه ** دفّه ع العالم محجوبه

مشتاقين العين تزوره ** وطن اعجوبه ** جن دونه كمّين اصعوبه

جن دونه قورا واجبال ** وقلة مال ** وغربه ما كانت ع البال

اللى خلّى عينى تَنهال ** تريد قروبه ** لكن دوتنا مكروبه

جن دونه جوبه واوهام ** وخط اجبال يبان منيع

ودونه ثار بحر لطّام ** امواجه والتيّار فظيع

ومابت فى سبّاه تنام ** العين اتنوّح نوح رضيع

نعانى فى ميلة ليّام ** نرقع ف الخاطر ترقيع

رضينا كى ماحن لقسام ** قضا م اللى حط التشريع

اللى نافذ حكمه واحكام ** اللى باسرار القَلب طليع

اللى يشفق ع اللى منظام**وكيف دعاه العبد سميع

اللى داير للكون نظام**اللى خالق بِحكام بديع

اللى بلحاله هو علاّم ** اللى عنده ما حق يضيع

ايحقق لى ربّى لاحلام ** ويبرى جرح دماه تريع

الحاله تبقى ف التمام **اوسا نزهوبه ** هللى بلحيل نشالوبه

وطن احبابى

دونه جوبه ** شين دروبه ** صاعب ع القناص هلوبه

ملكية الشاعر (محمد ارميميح الجرارى)

م ن ق و ل

من طرف يوسف بوعيشه 2013-09-27, 11:27 pm

يطيحك الله في زين الرجال...يفكك الله من الرفيق العطيب
يطيحك الله فى رزق الحلال...يفكك الله من اصداف الذيب
يطيحك الله فى ريم الغزال ...يفكك الله من خونه الصحيب
يطيحك الله بنضيف البال ... يفكك الله من حسد القريب

من عزمك عطيني عزم.. ننساك بيه يلي أنسيتني.

من طرف **العاشق الصغير** 2013-09-28, 11:38 am

مشكور يوسف بوعويشه علي المرور الطيب

من طرف **العاشق الصغير** 2013-09-28, 11:56 am

رميت ع البكا وخلاص @ في صوب لي عامين مرتزي

من طرف **العاشق الصغير** 2013-09-28, 11:58 am

تبكي عليك طول الليل @ ماباتت وباتت ياغني

من طرف **العاشق الصغير** 2013-09-28, 12:05 pm

تلافن عقاب العمر @ الحاصل غني مايرتجا ...
Twisted Evil

من طرف **العاشق الصغير** 2013-09-28, 12:07 pm

ماداروا غوالي خير.... وهم بعيد يابال جاوروا

من طرف **العاشق الصغير** 2013-09-28, 12:11 pm

مو ساهل اغياب عزيز @ كان غيرهن اعزومي شاويا

من طرف **العاشق الصغير** 2013-09-28, 12:11 pm

انكابر انقول انسيت @ بيني وبين روحي منقهر

من طرف **العاشق الصغير** 2013-09-28, 12:13 pm

غفيت يالعين ورقت @ اللى وين ماافضيلي غني

أكيد يحلم

من طرف **العاشق الصغير** 2013-09-28, 12:18 pm

هايلها العين اتحلم @ قديم فاضوتا مي امصدقا .

من طرف **العاشق الصغير** 2013-09-28, 12:22 pm

اللي انضرك قال عليك ***يانويرتي مريضة بالغلا

من طرف **العاشق الصغير** 2013-09-28, 12:28 pm

سبحان ما تقول قديم__درناه راس حاجة و دارنا

من طرف **العاشق الصغير** 2013-09-29, 12:18 am

ياقلب ما شاورت....... ابروحك اللي نقيتهم واخترت......... اولافك مشو
ياقلب ما شاورت
ما خذيت الشيره .....

بروحك خذيت الراي والتدبيره ..... وصارت وخيذه قاسيه وجريره ...

واليوم ياقلبي معاك احترت .... وماعاد ينفع فالغلا توخيره ..... خصوصا

ونا فزاع ما وخرت ... وعزمك رقيق وارق مـالقطميرة ..... وكمين غلطة ...

بالتسرع درت .. واليوم لافي اتريد حل أو خيره ..... بعد هاجروا روحى

اروح اخسرت .... وغير كيف ياقلبي الراي انديره ..... وانت بعد راحوا

اقريب طرت .. خايف انقول بالك انلاقوا غيره ..... تزعل ونا منك زعل ما

اقدرت .. وخايف انقول ارجى معا تصبيره ..... ايطول عليك واتموت كان

صبرت .. خايف انقول ارحل وراه مسيره .. نلقاك في اشقوق الياس

غير بذرت .. الله يسامحك سكرتها تسكيره ..... و بقلة الشيره حالنا

ودرت ...... ياقلب ما شاورت

م ن ق و ل

من طرف **العاشق الصغير** 2013-10-03, 8:36 am

قولولها مازلت رانى حى

قولولها مازلت رانى حى** وقولولها مازال فى حنين
الها واخذه عقلى اتردن لى** ونكان ناكره تاخذ عليه ايمين
هو عقل واحد ما خذاتا هى** ظليمه اريد انجيب عقل امنين
قولولها لازم ايرد على** ماتقعد بعقلى مع اوحود اخرين
قولولها مازلت رانى فى لوعود اوفى**مابيت للنسيان يوم اللين
قولولها ماسع نفضت ايدى** منها على ما مظغن فى اسنين
ونمشى اوحدى ندهور على كرعى** بين النعام وبين وادى العين
ونجى البير ياله اربعين اولى** يرحم الله اموات المسلمين
ولانى على طرف امخلوق رمى** ولانرمى على موته ولاحيين
ولانى جايهم نشكى امنلى فى** ويقولوا من اعباد الصالحين
ارحم الله ولدى ويغفر الله اذنوب السامعين
وقولولها نأ كل يوم انجى** الدارهم الها نحسابهم جيين
انقدع كليت العمر باسل نى** والدوج كارها من كثرت الباسلين
وما جد شى ابعدك يسوا شى**علينا الا قسوة اقلوب وشين
وشاخوه على لجواد عيت اهنى** واحنا اصبحنا بين ياس وبين
ننووه السفر وايسير فى اللى**وطريق السفر ماتريد شى تظنين

من طرف **العاشق الصغير** 2013-10-05, 11:27 pm

من العاشق الصغير إلي كل ألاعضاء والزوار - صفحة 9 Images?q=tbn:ANd9GcRj62Hy1L7ilblEb5JTVGPpUmPkkNOWxZ1RvJ3M6uS3s0puKiaB-g

نحكيلك حكاية يا بحر واسمعني ** حكاية اللي سافر وما ودعني
يا بحر وافهمها حكاية طويـــــــــــله وانت ما تعلمها
حكاية اللي سافر الروح عدمها ** وخلاها عليله موقفه واجعني
اللي العين ديما من الزها حارمها ** ومن نظرته ياما سنين منعني
وهاذي اطباع معاه يا مقدمها ** ما نقولك باين عليه خدعني
نبي نعرفه مشكاي وين ردمها ** النظرة الخجوله اللي بها لايعني
والغيبه الطويله منين متعلمها ** زعم يا بحر فاكر زعم بايعني
ونا في خيالي صورته راسمها ** حتى بعد ما بالفراق فجعني
ألغاز غامضة مافيه من لايمها ** ولا فيه من يقدر بها يقنعني
قصة طويـــله ربنا يحسمها ** راضي بنصيبي وين ما يرفعني

مما راق لي

(♥◕‿◕♥)
م ن ق و ل

من طرف **العاشق الصغير** 2013-11-04, 10:21 pm

نهاية سوده
نـــادم ودمعــــه سال فوق أخدوده
ومن قبــــل قايـــلا..نهايـــه سوده

بعد خلاني
بلا أسبــــاب سيبني وغــالا ثاني
ويامــه تكـــرب مــا يريــــد حناني
ويامه رفع خشمــه وفـات أحدوده
سبحانه بعد ماريت نــادم جاني
وقال غيبتي لظروف مي مقصـوده
مازلـــت نذكـــــر بعـــــد جافاني
جيت أعتذرت وما سمعـت أردوده

نهايــــه ســـــوده

عليك نهايه
نفـــس الدمـــوع اللي زمـــان أمعايا
تركنـــي ودمعـــي فالعيــــون ملايا
مــا كـــان يحسـاب الزمـــان أيعوده
تـــوه أيتمنــــي غـــير في سهرايه
مسحت دمعتـه وقتله طريق العوده

نهايـــــه ســـــــودا
م ن ق و ل

من طرف **العاشق الصغير** 2013-11-04, 10:25 pm

توضيت صليت و دعيت _ وقلت يارب قوي عزامي

_ ورديت وبكيت وغفيت _ من حرقتي في قسامي

_ وحلمت بالغوالي لقيت _ دمعتي في اكمامي

_ وعقلت وخذيت وعطيت _ في الصبح قاعد ضلامي
_ علي ماجريت وشكيت وحكيت ماحد فاهم كلامي

من طرف **العاشق الصغير** 2013-11-04, 10:26 pm

ياللي بعيده دارك _ بالله ارجعي طفي لهايب نارك
وارثي لحالتي
ياللي بعيده عني _ لا نوم جاني ولا دوا هوني
صابر علي ليام خايب ظني _ برجك بعيد وعاليات اسوارك
القيت الخطا يا عين ماهو مني _ عزيز بيده في جفاه امشارك
واخذ الليل ابكا وهو متهني _ رقيق عزم شايلني امعا تيارك
والع بصوب جديد ونا بدلني _ يالعين ارضي واصبري لقدارك

من العاشق الصغير إلي كل ألاعضاء والزوار

من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار

رد: من العاشق الصغير إلي كل ألاعضاء والزوار